Zekâya 3:8 - MUKANDA WA MYIDI MUKULU

⁸ “Wewe Yeshuwa, mutuangaji munene, teleja. Nuenu batuangaji badi bakuata nende mudimu, telejayi. Nuenu bonsu nudi tshimanyinu tshidi tshijadika ne: matuku adi kumpala nenupete lupandu. Nentume muntu wanyi, dina diende Lutonga.

Mukanda wa Nzambi Dihungila Dikulukulu ne Dihungila Dihia-dihia 2003

⁸ Nunku, unvuai, wewe Yoshua muakuidi munene, wewe ne balunda bebe badi bashikame ku mpala kuebe; bualu bua badi tshimanyinu tshia malu mimpe alualua ku mpala; bualu bua nendue ne muntu wanyi Lutonga.

Zekâya 3:8 교차 참조

Misambu 71:7

Bantu ba bungi bavua bela meji ne: Wewe uvua muntshipe. Kadi Wewe ke tshianyi tshipanda tshia kushindamena.

Yeshaya 11:1

Lutonga ludi lupatuka ku tshikuku tshia Ishayi. Ditamba dipiadipia didi dimena ku miji yende.

Yeshaya 20:3

“Kudi mpindiewu bidimu bisatu bidi muntu wanyi Yeshaya wendakana butaka, kayi bilamba nansha bisabata. Ke mudiye uleja malu adi ne bua kuenzekela bena Ejipitu ne bena Kushe.

Yeshaya 4:2

Dituku dikuabu, Maweja-Nangila neafukishe tshiakabidi buloba. Tshionsu tshidi tshitoloka netshikole. Bantu badi bashala ne muoyi mu Izrayele, nebasanguluke padibu bamona bionsu ebi. Nenku nebapetulule lumu ne butumbi biabu.

Yeshaya 42:1

Maweja-Nangila udi wamba ne: Tangila muntu wanyi. Ndi mumukoleshe. Ndi mumunange, mumusungule. Ndi mumuwuje ne Mueyelu wanyi, bua kumanyishaye bukua bisamba bilenga bindi mulongoluele bantu.

Yeshaya 49:3

Kungambilaye ne: “Wewe Izrayele udi muena mudimu wanyi, undi muangate, bua kuleja lumu luanyi.”

Yeshaya 49:5

Mpindiewu, Maweja-Nangila udi ungambila nuwuaye mumfumbe, pantshivua munda mua mamuanyi, bua ngikale muena mudimu wende. Udi musue bua mpingaje ndelanganyi ya Yakobe kudiye, bua mmusangishile tshisamba tshia Izrayele. Nanku Maweja-Nangila udi mumanye bulenga bua mudimu wanyi. Amu Mvidi Mukulu udi umpesha bukole.

Yeshaya 52:13

Maweja-Nangila udi wamba ne: “Muena mudimu wanyi, neapete tshipeta tshimpe mu mudimu wende, neapete lumu lunene.

Yeshaya 53:11

Maweja-Nangila udi wamba ne: “Muena mudimu wanyi, mmumane kukenga bikole. Nanku neasanke tshiakabidi. Neamone muapetaye tshipeta ku makenga ende. Bantu nebamone mudi muena mudimu ukumbaja bionsu bindi meme musue. Yeye nkayende ke muntu udi kayi muena tshibawu. Neafuile bantu luse, bualu yeye udi muambule bilema biabu.

Yeshaya 53:2

Bualu Maweja-Nangila uvua musue, bua muena mudimu wende ende ukola bitekete bitekete, bu mutshi wa tshitende, bu mutshi udi wela miji mu buloba buume. Kavua ne buneme, nansha bulenga, buvua mua bantu kumutangidila. Kavua ne tshintu nansha tshimue, tshivua mua kusaka bantu bua bamutangile.

Yeshaya 8:18

Meme ne bana badi Maweja-Nangila mumpeshe, tudi bimanyinu bidi bilongesha bantu mu Izrayele malu a kudi Maweja-Nangila muena bukole buonsu, udi usomba mu nzubu wende pa mukuna wa Siyone.

Yirmeya 23:5

Maweja-Nangila udi wamba ne: Dituku nedifike dindi mbikila muntu wa ku ndelanganyi ya Davide menemene. Neikale mukalenga muakane. Neenze amu malu mimpe. Neakose amu nsambu pa yoyi mu ditunga.

Yirmeya 33:15

Pakumbana tshikondu, nembikile muntu wa ku ndelanganyi ya Davide menemene. Neakose nsambu ya bantu ba mu ditunga amu pa yoyi. Neenze tshindi meme musue.

Yezekiyele 12:11

Ubambile ne: ndi muenze nenku bua kunuleja makenga anudi ne bua kupeta. Nebaye nenu mu bupika ku matunga a bende.

Yezekiyele 12:6

Bantu bamone muudi ubiambula pa makaya, umuka nabi, ubuela mu midima. Udibuikile ku mesu bua kumonyi kuudi uya. Ndi nkutuma nanku bua umanyishe bena Izrayele malu onsu andi ne bua kubenzela.

Yezekiyele 24:24

Nenulonde tshilejilu tshia Yezekiyele. Nenuenze bionsu amu mutuaye muenze. Nanku, pakumbana malu andi ngamba aa, nenumanye ne: meme ndi Maweja-Nangila.”

Yezekiyele 34:29

Nembapeshe madimi adi ne bufuke bua bungi. Kabakuikala kabidi ne nzala mu ditunga diabu to. Bantu ba bisamba bikuabu kabakubapepeja kabidi to.

Yezekiyele 37:24

Muntu mufuanangane ne muntu wanyi Davide neikale mukalenga wenu, mulami wenu umuepele. Nenuitabe meyi anyi. Nenukumbaje mikenji yanyi yonsu imvua munupe.

Zekâya 6:12

Umuambile ne: Maweja-Nangila wa bukole buonsu udi wamba ne: “Kudi muntu munemu dina diende Lutonga. Nsombelu wa bantu neashintuluke bualu buende. Neibakulule nzubu wanyi wa tshijila.

Luke 1:78

Bualu Mvidi Mukulu wetu udi wa luse ne wa muoyi mulenga. Neatutumine butoke bua mulu, bufuanangane ne diba didi dipatuka.