Zekâya 3:5 - MUKANDA WA MYIDI MUKULU

⁵ Kubambilaye kabidi bua bajingile Yeshuwa tshitambala tshimpe ku mutu. Nanku kumujingilabu tshitambala ku mutu, kumuvuadika ne bilamba bimpe, mutumibue wa Mvidi Mukulu mutangile.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Nakamba ne, Bamujingile tshitambala tshitoke ku mutu kuandi. Nunku bakamujinga tshitambala tshitoke ku mutu kuandi, bakamuluatshisha bisalu biakane; ne muanjelo wa Yehowa wakadi muimane ha buihi.

Zekâya 3:5 교차 참조

Yobe 29:14

Meme kuvuala buakane bu tshilamba. Kanemu ka tshintu tshia bende kavua mu tshinkutu ne mu tshifulu tshianyi.

Ekesode 29:6

Wase Arone tshifulu ku mutu. Kadi, ku tshifulu aku, kuikale tshitata tshia tshijila.

Yeshaya 3:23

mintumpu, mitelu mimpe, bitambala bia mu nshingu, ne bia ku mutu.

Yeshaya 61:10

Ndi ngela Maweja-Nangila tuasakidila muanyi muonsu. Ndi ntumbisha Mvidi Mukulu wanyi ne musangelu, bualu dingambuluisha diende didi bu tshivualu tshidiye umvuadika. Lupandu ludiye untuadila, ludi bu tshinkutu tshidiye umbuikila. Ndi ne disanka bu dia musedianganyi mupiamupia, udi wasa tshifulu tshia tshibilu, nansha bu dia nsongakaji udi ubuela mu dibaka, uvuala bilengejilu biende.

Yezekiyele 42:14

Batuangaji badi bamane kubuela muaba wa tshijila, padibu bapatuka, kabena mua kuya diakamue mu lubanza lua pa mbelu to. Badi ne bua kukopola bilamba bia tshijila bivuabu bavuala bua kuenzela Maweja-Nangila mudimu, kubishiya mu bibambalu ebi. Muaba ewu badi ne bua kuvuala bilamba bikuabu, bua bamone mua kuya muaba udi bantu basangile.

Zekâya 3:6

Mutumibue wa Mvidi Mukulu kuambila kabidi Yeshuwa ne:

Zekâya 6:11

Newangate tshiamu tshitoke tshia mushinga mukole, ne tshiamu tshia mpawungi. Wenze nabi tshifulu tshia lumu, neutshiase mutuangaji munene Yeshuwa, muana wa Yoshadake, ku mutu.

Didimanyisha 4:10

bakulu makumi abidi ne banayi badi badiela panshi kumpala kua udi musombe mu nkuasa wa butumbi, bakukuila udi ne muoyi kashidi. Badi bela bifulu biabu bia mpawungi kumpala kua nkuasa, bamba ne:

Didimanyisha 4:4

Nkuasa ya butumbi mikuabu makumi abidi ne inayi ivua miele nkuasa wa butumbi awu munkatshi. Bakulu makumi abidi ne banayi bavua basombe mu nkuasa ayi, bavuale bilamba bitoke, basa ne bilulu bia bukalenga bienza ne mpawungi.