Zekâya 3:1 - MUKANDA WA MYIDI MUKULU

¹ Maweja-Nangila kundeja Yeshuwa, mutuangaji munene, muimane kumpala kua mutumibue wa Maweja-Nangila. Satane uvua muimane ku dia balume dia Yeshuwa bua kumufunda ku tshilumbu.

Mukanda wa Nzambi Dihungila Dikulukulu ne Dihungila Dihia-dihia 2003

¹ Wakandesha Yoshua muakuidi munene muimane ku mpala kua muanjelo wa Yehowa, ne Satana muimane ku tshianza tshiandi tshia balume bua kumudingila malu.

Zekâya 3:1 교차 참조

Genese 3:15

Nenteke lukuna pankatshi pebe ne mukaji, pankatshi pa ndelanganyi yebe ne yende. Kabidi muana wa ku ndelanganyi ya mukaji neaboze mutu webe, wewe pebe neumusume ku tshikankanya.

Genese 48:16

Mutumibue wa Mvidi Mukulu, uvua mungepule ku malu mabi onsu, neele bana banyi aba lupemba. Dina dianyi ne dia bankambua banyi, Abrahame ne Izake, disanguke ku bukole bua bana ba balume aba! Bana aba bikale ne ndelanganyi ya bungi, buwuje ditunga edi!

1 Kulondolola 21:1

Dituku dikuabu, Satane kukeba mua kuenzela bena Izrayele bibi. Kufikishaye Davide ku dibadika dia bena Izrayele.

2 Kulondolola 29:11

Nuenu balunda banyi, kanuena mua kulengulula bualu ebu to. Bualu nuenu ke badi Maweja-Nangila musungule, bua nuimane kumpala kuenda, numutendelela, nuosha musenga wa kamonya mu dina diende.

Ezela 10:18

Ke mena a batuangaji bavua basele bakaji benyi: Masheya, Eliyezere, Yaribe ne Ngedaliya, ba ku ndelanganyi ya Yeshuwa ne ya bana babu, bana ba Yoshadake;

Ezela 2:2

Bavua babalombola kudi Zerubabele, Yeshuwa, Nehemya, Seraya, Relaya, Mordekayi, Bilshane, Mispare, Bigvayi, Rekume ne Baana. Bungi bua bena Izrayele bavua bapingana, bilondeshile meku abu budi nenku:

Ezela 5:2

Nanku, Zerubabele, muana wa Sheyaltiyele, ne Yeshuwa, muana wa Yoshadake, kutuadijabu kuibakulula nzubu wa Mvidi Mukulu mu Yerushalayime. Bavua babakolesha ku muoyi kudi bambi ba Mvidi Mukulu.

Misambu 106:23

Mvidi Mukulu kuamba ne: Ndi mbabutula, kadi Moshe, muntu uvuaye musungule, kuimanaye pankatshi, umukandika bua kayi kubutula bantu bonsu mu tshiji.

Misambu 109:6

Badi bangamba ne: “Bamupishe, muntu imane ku tshianza tshiende tshia balume, bua amusonguele!

Yirmeya 15:19

Kadi Maweja-Nangila kungandamuna ne: Wewe mupingane kundi, nenkuakidile, ushale muena mudimu wanyi. Pawikala kuyi wamba kabidi malu a tshianana, kadi umanyishe bantu malu adi ne bualu, newikale tshiakabidi muambi wanyi. Meme nengikale mukana muebe. Bena Yuda badi ne bua kukulonda, kadi wewe kuena ne bua kubalonda bobu!

Yezekiyele 44:11

Badi mua kungenzela mudimu amu wa kulama biibi bia muaba wa tshijila, ne midimu mikuabu mishilangane ya mu nzubu wanyi. Badi mua kukosa mitu ya nyama ya milambu ya kuosha, ne ya nyama ya milambu mikuabu. Nebambuluishe bantu.

Yezekiyele 44:15

“Batuangaji ba bena Levi ba ku ndelanganyi ya Sadoke, batua balame bimpe mikenji ya muaba wanyi wa tshijila, diba mene ditua bena Izrayele bakuabu bambenge meme Maweja-Nangila. Nanku amu bobu badi mua kungenzela mudimu, kundambula mafuta ne mashi a nyama ya milambu. Meme Maweja-Nangila Mvidi Mukulu ndi ngamba nanku.

Agayi 1:1

Dituku dimue dia ngondu muisambombu wa tshidimu tshibidi tshia bukalenga bua Daryaveshe, Maweja-Nangila kuyukila ne muambi Agayi. Kumutumaye kudi mulombodi wa buloba bua bena Yuda, diende Zerubabele, muana wa Sheyaltiyele, ne kudi mutuangaji munene Yeshuwa, muana wa Yoshadake,

Agayi 1:12

Zerubabele, muana wa Sheyaltiyele, ne mutuangaji munene Yeshuwa, muana wa Yoshadake, ne bantu bonsu bavua bumuke mu bupika, kuitababu bionsu bivua muambi Agayi mubambile mu dina dia Maweja-Nangila Mvidi Mukulu wabu. Ke muvua muambi Agayi mukumbaje mudimu uvua Maweja-Nangila mumupeshe. Nanku bantu bonsu kunemeka Maweja-Nangila.

Agayi 2:4

Meme Maweja-Nangila ndi nnuambila ne: Wewe Zerubabele, wewe Yeshuwa mutuangaji munene, muana wa Yoshadake, ne nuenu bena ditunga bonsu, koleshayi muoyi, tuadijayi mudimu. Meme Maweja-Nangila wa bukole buonsu, ndi nnulaya ne: nengikale nenu.

Zekâya 1:13

Ke Maweja-Nangila kuandamuna mutumibue wende miaku mimpe ya kumukolesha ku muoyi, ne kumusamba nayi.

Zekâya 1:9

Meme kukonka muntu awu ne: — Mukalenga, tubalu etu tudi tuleja tshinyi? Mutumibue wa Mvidi Mukulu uvua uyukila nanyi, kungandamuna ne: — Nenkumvuije

Zekâya 2:3

Pashishe Maweja-Nangila kundeja bansenda ba biamu banayi.

Zekâya 3:8

“Wewe Yeshuwa, mutuangaji munene, teleja. Nuenu batuangaji badi bakuata nende mudimu, telejayi. Nuenu bonsu nudi tshimanyinu tshidi tshijadika ne: matuku adi kumpala nenupete lupandu. Nentume muntu wanyi, dina diende Lutonga.

Zekâya 4:14

Ke yeye kungumvuija ne: — Mitshi eyi ke bantu babidi bavuabu balabe manyi a tshijila, bua kuenzelabu Maweja-Nangila wa buloba bujima mudimu.

Zekâya 6:11

Newangate tshiamu tshitoke tshia mushinga mukole, ne tshiamu tshia mpawungi. Wenze nabi tshifulu tshia lumu, neutshiase mutuangaji munene Yeshuwa, muana wa Yoshadake, ku mutu.

Malaki 3:1

Telejayi mudi Mvidi Mukulu wa bukole buonsu unuandamuna ne: “Ndi ntuma muntu wanyi ne mukenji bua kundongoluelaye njila. Maweja-Nangila unudi nujinga neafike lukasa mu nzubu wende. Muntu udi ne mukenji unudi bindile awu, neanumanyishe ndondu undi mutue nenu. Nyeye awu ukadi ulua!”

Luke 21:36

Kanuladi tulu to! Nutendelele diba dionsu, bua nupete bukole bua kupitshisha bimpe bionsu bidi ne bua kuenzeka, ne bua kumueneka bakankamane kumpala kua Muana wa muntu.

Luke 22:31

— Simone, Simone! Dimuka! Diabolu mmulombe bua kunuteta, bu mudibu bapepula ntete ya kuenza bukula, bumusha bisote.

Dielulula 10:8

Tshikondu atshi Maweja-Nangila kupesha bena Levi midimu mishilangane eyi: kuambula mushete wa ndondu wa Maweja-Nangila, kuenzela Maweja-Nangila mudimu, kuela bantu lupemba mu dina dia Maweja-Nangila. Midimu eyi, ke itshidibu benza too ne mpindiewu.

Dielulula 18:15

Maweja-Nangila neanutumine muambi mukuabu, bu meme Moshe. Neamusungule amu munkatshi mua bana benu. Nenuteleje bidiye wamba.

1 Petro 5:8

Ikalayi batabale, nudimuke! Bualu muluishi wenu diabolu udi bu nyama wa ntambue, ukungula, ukeba wa kudiaye.

1 Samuele 6:20

Pashishe bantu abu kuamba ne: — Muntu nansha umue kena mua kuimana kumpala kua Maweja-Nangila Mvidi Mukulu ewu wa tshijila. Kadi mmuaba kaayi utudi mua kuya kushiya mushete wende wa ndondu, mutantshi mule ne ditunga dietu?