Zekâya 2:5 - MUKANDA WA MYIDI MUKULU

⁵ Maweja-Nangila kundeja bualu bukuabu. Meme kumona muntu muikale ne nshinga wa kupima nende bimana mu bianza.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Bualu bua meme hanyi nengikale kudiye bu lumbu lua kahia lumunyunguluke, ne nengikale butumbi buandi munkatshi muabo. Yehowa udi wamba nunku.

Zekâya 2:5 교차 참조

Misambu 125:2

Bu mudi mikuna milame Yerushalayime, ke mudi Maweja-Nangila ulama tshisa tshiende, mpindiewu ne kashidi.

Misambu 3:3

Bantu ba bungi badi bangamba ne: “Mvidi Mukulu kena mua kumuambuluisha nansha kakese!”

Misambu 46:5

Musulu udi upitshila mu tshimenga tshia Mvidi Mukulu, ufila mayi matalale, usankisha bantu. Mu tshimenga atshi ke mudi nzubu wa tshijila wa Mvidi Mukulu, Muena kulu.

Misambu 48:12

Pa mukuna wa Siyone bantu basanke! Mu bimenga bia Yuda batue tshianga!

Misambu 48:3

Siyone, mukuna wa Mvidi Mukulu, udi muimpe mutumbuke! Tshimenga tshia Mukalenga munene, tshidi tshisankisha buloba bujima.

Misambu 85:9

Ndi musue kuteleja tshidi Mvidi Mukulu wamba. Maweja-Nangila udi wamba bua ditalala, dia bantu bende, badi bamulamate, ne badi batekemena kudiye.

Yeshaya 12:6

Bena Siyone, sankayi, nutshionkomoke, bualu Mvidi Mukulu mmunene! Wa tshijila wa Izrayele, mmuase munkatshi muenu!

Yeshaya 31:9

Bilobu nebinyeme mvita, bua bowa bukole budibu bakuatshika. Balombodi ba bena mvita nebatekete mu maboku, nebanyeme, bashiya dibendele diabu. Maweja-Nangila ke udi wamba nanku. Ke yeye udibu batendelela pa mukuna wa Siyone. Kapia kende kadi katemena ku Yerushalayime.

Yeshaya 32:18

Bantu ba Maweja-Nangila nebasombe talalaa, muaba udi bupole ne dikisha, muaba udibu kabayi ne lutatu nansha lukese.

Yeshaya 33:21

Momu amu ke mudi Maweja-Nangila, utulejila butumbi buende. Nemuikale misulu mikese, ne mialabale. Momu amu matu a mvita kaena endelamu. Matu manene kaena apitshilamu.

Yeshaya 4:5

nenku Maweja-Nangila neasombe pa mukuna wa Siyone, munkatshi mua bantu badi basangilamu. Mu munya divuba dia muinshi, butuku tshimunyi tshia kapia, nebileje bantu mudi Maweja-Nangila munkatshi muabu, ubalama. Butumbi abu nebubambuluishe,

Yirmeya 31:39

Nebateke mikalu mipiamipia ku tshimenga. Neyituadije luseke ludi diba dibuelela, ilonda mukuna wa Ngarebe, ifika too ne Ngowa.

Yezekiyele 38:14

Yezekiyele, ke pandi nkutumina diyi ne: akula, umanyishe Ngoge tshindi meme Maweja-Nangila Mvidi Mukulu ngamba ne: “Tshikondu tshikuabu tshidi bantu banyi bena Izrayele basomba talala, neubange luendu.

Yezekiyele 42:20

Ke mutotabu bapima tshimana tshidi tshinyungulule nzubu wa Mvidi Mukulu ku nseke yatshi yonsu inayi. Tshimana tshitata ne nseke inayi, bule bua metre nkama ibidi ne makumi atanu ku luseke. Tshitata tshiabuluja miaba ya patupu, ne muaba mujidila Mvidi Mukulu.

Yezekiyele 47:3

Muntu kuyaye ku luseke ludi diba dipatukila. Uvua ne muonji wa kupima nawu. Kupimaye metre nkama itanu ku luseke alu. Pashishe kunsambuishaye mayi, avua mankuate mu tupombu.

Zekâya 1:16

Ke pandi meme Maweja-Nangila wa bukole buonsu ngamba ne: nempingane mu Yerushalayime, bua kumufuila luse, kumunanga. Nebasemu nzubu wanyi tshiakabidi, nebibakulule tshimenga.”

Zekâya 2:10

Maweja-Nangila udi unuambila ne: “Nuenu bonsu bamvua mutangalaje nseke yonsu ya buloba, nyemayi mpindiewu, numuke ku matunga a ku mutu kua ditunga!

Zekâya 2:11

Nuenu bena Yerushalayime badi mu bupika ku Babilone, koleshayi, nunyeme.”

Zekâya 9:14

Maweja-Nangila neamueneke, ku mutu kua bantu bende. Mukete wende neuye bu muele wa mvula. Maweja-Nangila Mvidi Mukulu, neele mpungi, neafike munkatshi mua mvunde, udi ufuma kuinshi kua ditunga.

Zekâya 9:8

Nendame ditunga dianyi, bua baluishi kabafikimu, muntu nansha umue kakengeshi bantu banyi, bualu mpindiewu ndi mubatabalele.”

Luke 2:32

Ke butoke budi bumanyisha bisamba bionsu muudi, bupetesha bena Izrayele, bantu bebe, lumu.

Didimanyisha 21:23

Tshimenga katshiena tshikengela butoke bua diba, nansha bua ngondu, bualu butumbi bua Mvidi Mukulu budi butshitokesha; kabidi Muana wa mukoku ke muendu watshi.