Zekâya 2:1 - MUKANDA WA MYIDI MUKULU

¹ Maweja-Nangila kundeja kabidi malu makuabu. Meme kumona nsengu inayi.

Mukanda wa Nzambi Dihungila Dikulukulu ne Dihungila Dihia-dihia 2003

¹ Nakabanduluka, nakatangila; ekumona! Muntu muikale ne luidi mu tshianza tshiandi.

Zekâya 2:1 교차 참조

Yeshaya 54:16

Vuluka ne: ndi mufuke nsenda wa biamu, utu usonsola kapia, wenza bia mvita mishindu mishilangane. Udi mufuke muntu udi ushipa nabi bantu, mmeme kabidi!

Yirmeya 31:39

Nebateke mikalu mipiamipia ku tshimenga. Neyituadije luseke ludi diba dibuelela, ilonda mukuna wa Ngarebe, ifika too ne Ngowa.

Yirmeya 48:25

Maweja-Nangila udi wamba ne: bukole bua bena Mowabe mbujike, bumfumu buabu mbumane kunyanguka.

Yezekiyele 40:3

Mvidi Mukulu kumfikisha mu tshimenga atshi. Meme kumona muntu ubalakana bu tshiamu tshikunze. Muntu awu uvua ne muonji mu tshianza, ne mutshi wa kupima nawu bule bua bintu. Uvua muimane kulu pabuipi ne tshiibi.

Yezekiyele 40:5

Mvua mumone tshimana tshivua tshinyungulule lubanza lua pambelu lua nzubu wa Mvidi Mukulu nseke yonsu. Muntu uvua ne mutshi wende mu bianza wa bule bua metre asatu. Uvua upima mupimbu ne butumbuke bia tshimana atshi. Uvua musangane tshimana ne bule bua metre asatu mu mupimbu ne mu butumbuke.

Yezekiyele 47:3

Muntu kuyaye ku luseke ludi diba dipatukila. Uvua ne muonji wa kupima nawu. Kupimaye metre nkama itanu ku luseke alu. Pashishe kunsambuishaye mayi, avua mankuate mu tupombu.

Yezekiyele 47:4

Kupimaye kabidi metre nkama itanu, kunsambuishaye mayi, avua mankuate mu binu. Ku ndekelu kua metre nkama itanu mikuabu, kunsambuishaye kabidi mayi. Musangu ewu mayi avua mankuate mu tshimonu.

Danyele 7:7

Pashishe meme kujoja bimpe malu avua Mvidi Mukulu undeja butuku: nyama muinayi umvua mumone, uvua ukuatshisha bowa, uvua ne lonji, kabidi ne bukole bua pa buabu. Uvua ne menu manene a tshiamu, bua kudia ne kusunsula bintu bivuaye ukuata. Uvua udiatakaja bintu bi-vuaye kayi udia. Uvua mushilangane menemene ne nyama isatu ya kumpala eyi. Uvua kabidi ne nsengu dikumi.

Zekâya 1:16

Ke pandi meme Maweja-Nangila wa bukole buonsu ngamba ne: nempingane mu Yerushalayime, bua kumufuila luse, kumunanga. Nebasemu nzubu wanyi tshiakabidi, nebibakulule tshimenga.”

Didimanyisha 11:1

Pashishe bavua bampeshe dilenga dia kupima nadi, difuanangane ne dikombu, bangamba ne: — Juka, upime nzubu wa Mvidi Mukulu, kabidi ne tshilambuilu. Ubale bungi bua bantu badi batendelelamu.

Didimanyisha 21:15

Mutumibue uvua uyukila nanyi, uvua ne dikombu dia mpawungi, bua kupima nadi tshimenga, biibi biatshi, ne tshimana tshiatshia.