Zekâya 14:2 - MUKANDA WA MYIDI MUKULU

² Bualu Maweja-Nangila neasangishe bisamba bionsu bua kuluisha Yerushalayime: nebakuate tshimenga, nebapawule bia mu nzubu yonsu, nebakuate bakaji, bababuelele mu nzubu ku bukole. Tshia bibidi tshia bantu netshiye mu bupika, kadi bakuabu nebashale mu tshimenga.

Mukanda wa Nzambi Dihungila Dikulukulu ne Dihungila Dihia-dihia 2003

² Bualu bua nensangishe ba mu bisamba bionso bua kuluanganabo nvita ne Bena Yelushalema; nebanyenge musoko, nebahaule bia mu nsubu, nebakuate bakashi ku bukole; tshituha tshia hankatshi tshia bena musoko netshibuele mu buhika, kadi bantu hadi bashala kabena bumushibua mu musoko.

Zekâya 14:2 교차 참조

Yeshaya 13:16

Nebazaze bana babu, bobu batangile. Nebapawule bintu biabu, nebabuelele bakaji babu mu nzubu ku bukole.

Yeshaya 4:3

Nenku bonsu bavua bapanduke mu Yerushalayime, basombe pa mikuna mu Siyone, nebabinyike ne: “Bantu ba Tshijila ba Maweja-Nangila.” Bantu aba ke bavua Maweja-Nangila mufunde mu mukanda wende, bua kusombabu mu Yerushalayime.

Yeshaya 5:26

Maweja-Nangila udi wasa tshimanyinu, ubikila tshisamba tshidi kule. Udi wela monzu ku ntengu ya buloba, mudi muntu ubikila mbua. Monayi tshisamba etshi tshidi tshifuma kule, tshienda lukasa lukasa, tshiambuluja bua kufika!

Yeshaya 65:18

Sankayi amu kusanka. Kanulekedi to. Nuele amu mbila ya disanka, bua bionsu bindi mfuka. Yerushalayime undi mfuka neikale amu ne disanka. Bantu badi basombamu nebuwule ne musangelu tente.

Yirmeya 21:4

Maweja-Nangila Mvidi Mukulu wa bena Izrayele udi wamba ne: “Nudi nuluisha tshiluilu tshia mukalenga wa bena Babilone tshidi tshinunyunguluila. Kadi meme nengambuluishe baluishi benu, bua bena mvita benu badi baluangana kumpala kua bimana bia tshimenga banyeme, bapingane munda mua tshimenga.

Yirmeya 34:1

Nebukadnesare, mukalenga wa mu Babilone, uvua muluishe Yerushalayime ne bimenga bikuabu bia bena Yuda. Uvua ne bena mvita bende bonsu, kabidi ne bena mvita ba mu matunga ne bisamba bionsu bivua ku diyi diende. Tshikondu atshi, ke Maweja-Nangila kuambila Yirmeya ne:

Muadi 1:10

Baluishi mbapawule bubanji buende buonsu. Yerushalayime mmudimuene muvua bantu ba bisamba bikuabu babuele mu nzubu wa Mvidi Mukulu wende. Ke bantu bauvua wewe Maweja-Nangila mukandike bua kababuedi muaba webe wa kutendelela.

Yezekiyele 5:8

Nanku, ndi nnujadikila ne: nuenu bena Yerushalayime, nennuluishe panyi; nennunyoke munkatshi mua tshimenga, bantu ba bisamba bikuabu batangile.

Yowele 3:2

Nansha bena mudimu balume ne bakaji, nembapeshe Mueyelu wanyi.

Amosa 7:17

“Mukajebe neenze mudimu wa ndumba mu tshimenga tshienu etshi. Bana bebe ba balume ne ba bakaji, nebabashipe mu mvita. Bantu bakuabu nebabanyangane mpangu ne madimi biudi nabi. Wewe mene neufuile kua bende, mu buloba budi ne mikiya. Bena Izrayele, nebaye nabu ku bupika, mutantshi mule ne diabu ditunga.”

Zekâya 12:2

— Nengenze Yerushalayime bu dikopu dia nwinyo, diwule ne tshiji tshianyi. Bantu bonsu badi bamunyunguluke, nebanue, balembakane. Kanyungunyungu nekakuate bena Yuda bonsu, panyungulukilabu Yerushalayime kudi bena myita.

Zekâya 12:3

Dituku adi, nengenze Yerushalayime dibue dinene dia bujitu, didi bantu bakeba kuambula. Kadi bonsu badi badiambula nebatapike. Nenku bisamba bionsu bia pa buloba nebidisangishe bua kuluisha Yerushalayime.

Zekâya 12:9

Maweja-Nangila udi wamba ne: Dituku adi, nembuele mu myita, bua kubutula bisamba bionsu bidi biluisha bena mu Yerushalayime.

Matayi 22:7

Mukalenga kufika munda bikole. Kutumaye tshiluilu tshiende, bua kushipa bashipianganyi aba, ne kuosha tshimenga tshiabu.

Marke 13:14

— (Muntu udi ubala bualu ebu ajingulule tshidibu basue kumvuija:) “Tshinyangu tshipite bubi.” Nenumone tshinyangu tshia dibutuka tshishindamena muaba uditshi katshiyi ne bua kuikala. Nenku bantu bikale mu Yudeya nebanyemene ku mikuna.

Marke 13:19

Bualu mu matuku awu, dikenga nedikale dipite bukole bua makenga onsu adi bantu bamane kumanya katshia bafuka bintu bionsu, too ne mpindiewu, kakuena mua kuikala dikenga difuanangane ne dia mushindu ewu nansha.

Luke 2:1

Tshikondu atshi, mukalenga wa bakalenga Auguste uvua mutume diyi bua babadike bantu bonsu ba mu bukalenga bua bena Rome.