Zekâya 12:1 - MUKANDA WA MYIDI MUKULU

¹ Maweja-Nangila mmutume mukenji udi utangila bena Izrayele. Maweja-Nangila uvua mubalule diulu, muteke buloba pa bitaku biabu, mupeshe muntu mueyelu ne muoyi, udi wamba ne:

Mukanda wa Nzambi Dihungila Dikulukulu ne Dihungila Dihia-dihia 2003

¹ Edi ndî dia Yehowa bualu bua Bena Isalele. Edi ndî dia Yehowa udi ubalulula diulu, udi ujadika bishimikidi bia buloba, udi uteka nyuma wa buntu munda mua muntu, ne,

Zekâya 12:1 교차 참조

Genese 1:8

Kuinyikaye tshibuashibuashi ne: “Ndiulu”.

Genese 2:7

Maweja-Nangila Mvidi Mukulu kuangata dima, kufuka nadi mulume, kumuela mueyelu wa muoyi mu mimpempe ya diulu, mulume kushala tshifukibua tshidi tshienda ne muoyi.

Yobe 26:7

Amu Mvidi Mukulu ke udi mubalule tshibuashibuashi, mubalule buloba bulembelela anu tshianana.

Yobe 37:18

Nanku wewe uvua mua kuambuluisha Mvidi Mukulu, diba divuaye mufuke tshibuashibuashi tshikole bu lumuenu, luenza ne tshiamu anyi?

Misambu 104:2

Udi muvuale butoke bu tshinkutu, udi muadije diulu bu ntenta.

Misambu 134:3

Maweja-Nangila anuele lupemba, biangatshile ku nzubu wende mu Siyone, yeye ngudi mufuke diulu ne buloba!

Muambi 12:7

Diba adi, mubidi wa muntu neupingane mu buloba muvuawu mufume. Mueyelu wa muoyi neupingane kudi Mvidi Mukulu uvua mumupeshawu.

Yeshaya 40:12

Uvua mupime mayi manene mu tshianza tshiende nnganyi? Uvua muidikije diulu ne ntanta wa tshianza tshiende nnganyi? Uvua musangishe dimfuekenya dia buloba mu mbeketshi, bua kudipima nnganyi? Uvua muteke mikuna minene ne mikese pa tshipiminu nnganyi?

Yeshaya 40:22

Ke Maweja-Nangila udi usomba mu nkuasa wende, kulu kule ku mutu kua buloba. Udi umona bantu pa buloba, bamueneka bu tunkenene. Udi ubalula diulu, bu tshilamba tshinene tshidibu bakudika. Udi utshibalula bu ntenta, bua bantu basombe muinshi muatshi.

Yeshaya 42:5

Maweja-Nangila udi mufuke diulu ne bionsu bidimu, udi muteke buloba, ne bionsu bidi bimuenekamu, udi mupeshe bantu muoyi, upesha bonsu badi basapu Mueyelu wende. Ke yeye udi wambila muntu uvuaye musungule ne:

Yeshaya 44:24

Izrayele, Maweja-Nangila udi ukupandisha, udi mukuenze munda mua mamuebe, kabayi banji kukulela, ke udi ukuambila ne: “Meme ndi mufuki wa bionsu bidipu. Meme nkayanyi ndi muteke diulu, mutenteke buloba, tshiyi ne diambuluisha dia muntu.

Yeshaya 45:12

Meme ndi muenze buloba, mufuke ne bantu badi basombapu. Meme ndi mubalule diulu. Ndi ntumina mabulunge a kulu ne mitotu diyi.

Yeshaya 45:18

Maweja-Nangila uvua mufuke diulu, ke Mvidi Mukulu uvua muenze buloba, mubusonge, mubushindike. Kadi kena mubutuke munda mutupu, mmubuenze bua bantu basepu. Mpindiewu udi wamba ne: “Maweja-Nangila ke Meme! Kakuena mvidie mukuabu.

Yeshaya 48:13

Ndi mushindike buloba ne bianza bianyi meme. Ndi mbalula ne diulu. Pandi mbikila diulu ne buloba, diakamue bidi bimueneka kundi.

Yeshaya 51:13

Udi upua Maweja-Nangila muoyi anyi? Ke yeye uvua mukufuke. Uvua mubalule diulu, mushindike buloba. Matuku onsu wewe udi uzakala, utshina muena tshinyangu, wela meji ne: neambutule amu mpindiewu. Kadi tshidiye mua kukuenzela ntshinyi?

Yeshaya 57:16

Bualu tshiena ntandisha bantu banyi, tshiena mbafikila munda kashidi. Tshianana bantu banyi bonsu bandi mufuke, nebajimine kashidi.

Yirmeya 10:12

Maweja-Nangila kufuka buloba, ke mudiye uleja bukole buende. Kufukaye diulu dialabale, ke mudiye uleja meji ende.

Yirmeya 30:10

Maweja-Nangila udi wamba ne: Nuenu bena Izrayele nudi bantu banyi, kanutshinyi to. Nuenu ndelanganyi ya Yakobe, kanuzakadi to. Bualu nennusungidile, nnumushe ku matunga adi kule. Nensungidile bana banudi balele badi mu matunga a bende, muvuabu baye nenu mu bupika. Bena Izrayele, nenupingane kuenu, nenusombe talalaa. Kabakunutatshisha kabidi to.

Yirmeya 30:16

Kadi bonsu badi bakudia, nebabadie bobu kabidi. Bonsu badi bakupetula, nebaye bobu kabidi mu bupika. Bonsu badi bakunyenga bintu, nembanyenge bobu kabidi bintu. Badi bapawula bintu biebe, nebapawule bintu biabu kabidi.

Yirmeya 38:16

Kadi mukalenga kuditshipa kudi Yirmeya, bobu bikale amu babidi, wamba ne: — Bu mudi Maweja-Nangila ne muoyi, mutupe kabidi muoyi, ndi nditshipa ne: tshiena mua kukushipesha, nansha kukufila kudi bantu aba badi bajinga lufu luebe to.

Yirmeya 50:34

Kadi udi mua kupikula bena Izrayele ne bena Yuda udi ne bukole! Ke meme Maweja-Nangila wa bukole buonsu! Ndi ngangata tshilumbu tshiabu ne manza abidi! Nembueje bupole pa buloba. Nenzakeje bena Babilone.

Yirmeya 51:15

Maweja-Nangila mmuleje bukole buende pa kufuka buloba. Mmuleje lungenyi luende, bualu mmushidike buloba ne bionsu bidimu. Diulu dialabale didi dileja meji adiye nawu.

Muadi 2:14

Bambi bebe mbakuambile anu meyi a dishima ne a tshianana. Kabavua bakusokoluela bubi buebe. Bualu ebu ke buvua mua kukudimuna dikenga diebe. Meyi avuabu bakuambile avua anu a dishima a kukudinga nawu.

Yezekiyele 18:4

Bualu muoyi wa bantu bonsu ngwanyi meme. Muoyi wa baledi ngwanyi meme, anu bu mudi muoyi wa bana. Anu muena tshibawu wasangana kufua anyi? Wafua!

Zekâya 9:1

Maweja-Nangila mmutume mukenji. Diyi diende ndifike mu ditunga dia Adrake, ndishikidile mu tshimenga tshia Damase. Bualu Maweja-Nangila kena umona amu meku a bena Izrayele, kadi udi utangila bantu bonsu.

Malaki 1:1

Telejayi bivua Maweja-Nangila muambile Malaki, bua kumanyishaye bena Izrayele.

Dibadika 16:22

Moshe ne Arone kudiela mpala panshi, bamba ne: — Kia! Mvidi Mukulu, wewe ke udi mufuke bintu bionsu, mubipeshe muoyi. Kuena mua kufikila bantu bonsu munda bua tshilema tshia muntu umue.

Ebrewu 12:9

Tuvuluke batatuetu ba pa buloba! Bavua batunyoka, tuetu kubanemeka. Nenku tudi ne bua kutumikila Tatu wetu wa mu diulu bipitshidile, bua tuikale ne muoyi.