Zekâya 11:5 - MUKANDA WA MYIDI MUKULU

⁵ Bantu badi bayisumba badi bayishipa, kabayi bitaba ne: tudi ne tshilumbu. Bantu badi bayisumbisha badi bela mbila ne: “Tuele Maweja-Nangila tuasakidila, bualu tudi ne bintu bivule!” Balami bayi mene kabena bayifuila luse.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Basumbi badi bayishiha, ne kakuena udi ubahisha; bahanyi badi bamba ne, Yehowa atumbishibue bualu bua tuakulua babanji! Balami bai kabena bayifuila luse.

Zekâya 11:5 교차 참조

2 Bakalenga 4:1

Mukaji mukuabu uvua mufuishe bayende. Bayende awu uvua wa mu tshisumbu tshia bambi. Mukaji awu kuya kudi Elisha, umusengelela bua kumuambuluisha, wamba ne: — Elisha, udi mumanye ne: bayanyi mmumane kufua. Kadi, muntu uvua mutusombeshe makuta, mmufike bua kuangata bana banyi babidi, bua bashale bapika bende.

Nehemya 5:8

Meme kubambila ne: — Tuetu kuenza muetu muonsu, kupikula bana betu bena Yuda bavua badisumbisha bu bapika kudi bantu benyi. Kadi nuenu mpindiewu bena Izrayele, nukadi nupanangana nkayenu mu bupika! Bantu bonsu kupuwa.

Yirmeya 2:3

Wewe Izrayele, uvua wanyi meme nkayanyi, bu biakudia bia tshianyi bidibu banowa. Bantu bonsu bavua bakuluisha meme kubakengesha. Diakamue kupetabu diakabi. Meme Maweja-Nangila, ndi njadika nanku.

Yirmeya 50:7

Muntu yonsu uvua ubapeta, uvua anu ubaluisha. Baluishi babu bavua bamba ne: “Tuetu katuena tuenza bualu bubi nansha. Bantu aba badi bena tshibawu, batombokela Maweja-Nangila uvua ubapesha bionsu bivuabu nabi dikenga. Bankambua babu bavua bamutekemena amu yeye.”

Yezekiyele 34:10

Meme Maweja-Nangila ndi nnukanyina ne: nennuluishe, nnunyenga bulami bua mikoku yanyi. Kanuakuyikuba kabidi to. Kanuakupetaku tshintu to. Nennunyenge mikoku yanyi mukana muenu. Kayakuikala kabidi tshiakudia tshienu.

Yezekiyele 34:21

Mikoku idi kayiyi ne bukole, nudi nuyisakila ne dikaya nansha ne tshikundukundu. Nudi nuyituta ku nsengu, nuyitangalaja, nuyipata mu tshisumbu.

Yezekiyele 34:6

Eyowa, mikoku yanyi mmilalakane mu mikuna minene ne mikese, pashishe mmitangalake miaba yonsu pa buloba bujima, kakuyi muntu udi nayi bualu, uya kuyikeba.

Osheya 12:8

Maweja-Nangila udi wamba ne: Nuenu bena Efrayime, nudi bafuanangane ne bena Kenaane. Bualu nudi ne tshipimu tshia dishima ku bianza. Bua kupeta bintu, nudi nudinga bantu.

Osheya 12:9

Nudi nuamba ne: “Bulelela, tudi babanji. Tudi bamane kupeta biuma bia bungi. Patudi tupeta makasa a ku mushinga, katuena benza bibi!”

Amosa 2:6

Teleja tshidi Maweja-Nangila wamba ne: “Ndi ndumbuluisha bena Izrayele, mbapisha bua malu mabi mavule. Nanku tshiena mbafuila luse. Nenkumbaje bindi mujadike. Ndi mbapisha, nangananga bualu mbasumbishe mu bupika muntu uvua kayi ne bualu, bua bamone mua kufuta mabanza. Mbapane mupele, uvua kayi mua kufuta dibanza diende, amu dia mukolu wa bisabata.

Matayi 23:13

— Nuenu balongeshi ba mikenji ne Baparushe, nudi bena diakabi, bualu nudi bena mpala ibidi! Nudi nupangisha bantu, bua kababuedi mu Bukalenga bua mu diulu. Nuenu mene kanuena numubuela. Kanuena nansha banyishe bua babuelemu kudi badi bakeba kubuela. [

Yowanane 10:1

— Ndi nnujadikila bulelela ne: muntu udi kayi ubuelela ku tshiibi tshia lupangu lua mikoku, kadi usambukila muaba mukuabu pa tshimana, mmuivi kabidi mmuena mutshima.

Yowanane 16:2

Nebanuipate mu nzubu ya kutendelela ya bena Yuda. Kabidi tshikondu netshifike tshikata bantu badi banushipa bela meji ne: tudi tukuatshila Mvidi Mukulu mudimu.

2 Petro 2:3

Bu mudibu ne lukuka lua biuma, balongeshi ba dishima aba nebanuelele nsumuinu ifuma ku meji a bantu, bua bapete bintu bienu. Kadi Mukoshi wabu wa nsambu ukadi mumane kujadika tshibawu tshiabu. Neababutule lukasa, kayi ujingakana.

Didimanyisha 18:13

bintu bishilangane bia kulunga nabi biakudia; manananshi, musenga wa kamonya; maluvu, mafuta, bukula ne ntete ya kuenza bukula; ngombe ne mikoku, nyama ya tubalu ne matempu; bapika ne bantu bakuabu bena mudimu.

Didimanyisha 3:17

Udi wamba ne: ‘Ndi mubanji. Ndi mupete bivule. Tshiena nkengela tshintu!’ Kadi kuena mumanye dikenga diudi nadi, didi dikuatshisha luse! Udi mupele, udi butaka, udi mpofu.