Zekâya 10:7 - MUKANDA WA MYIDI MUKULU

⁷ Bena Efrayime nebikale bakole, bu bena mvita ba bukitu. Nebasanke bu bantu bamane kunua maluvu. Pamona bana babu bidi bienzeke ebi, nebasanke. Nebumvue musangelu munda muabu, bua bidi Maweja-Nangila muenze.

Mukanda wa Nzambi Dihungila Dikulukulu ne Dihungila Dihia-dihia 2003

⁷ Bena Efelayima nehikale bu bena bukitu; mitshima yabo neyisanke bu mudibo banue nvinyo. Bana babo nebamone muanda eu, nebasanke; mitshima yabo neyikale ne disanka mu Yehowa.

Zekâya 10:7 교차 참조

Genese 18:19

Ndi mumusungule bua alongeshe bana bende ne ndelanganyi yende mikenji yanyi, bua babikumbaje bikale bantu bakane. Bobu bakumbaje bionsu ebi, meme Maweja-Nangila nengenzele Abrahame bionsu bindi mumulaye.

Genese 43:34

Yozefe kufikisha kabidi ku mesa kuvua bana babu biakudia bivua ku ende. Kadi bivuaye mufikishe kudi Binyamine bivua bipite bia bana babu misangu itanu. Bonsu kunua maluvu, kukuatshika.

Misambu 102:28

Kadi wewe kuena ushintuluka, matuku ebe a muoyi kaena ne nshikidilu wawu.

Misambu 104:15

ne maluvu a mvinyo bua kubasankisha, ne mafuta bua kukenkesha mpala yabu, ne diampa bua kubapesha bukole.

Misambu 13:5

Kuanyishi bua baluishi banyi baditambishe ne: tuamutshimunyi, nansha bua bankinyi badiela mulu ne: tudi bamutekeshe.

Misambu 28:7

Maweja-Nangila udi undama, udi ngabu wanyi. Ndi mmutekemena muanyi muonsu. Bu nuwuaye mungambuluishe, ndi nsanka, ntshionkomoka, ndi musue kumuimbila misambu, kumutumbisha.

Misambu 33:21

Tudi tusanka bikole bualu buende, tutekemena kudi Mvidi Mukulu wa tshijila.

Misambu 90:16

Tumone mudimu webe, ndelanganyi yetu imone bunene buebe!

Yeshaya 25:9

Dituku adi, bantu nebambe ne: “Yeye ke Mvidi Mukulu wetu. Tuvua batekemene amu kudiye, Yeye kutusungidila. Eyowa, tuvua batekemene amu kudi Maweja-Nangila. Tudi tusanka, tudi ne musangelu, bua padiye Mutusungidi wetu.

Yeshaya 38:19

Amu badi ne muoyi ke badi bakusamuna, mundi ngenza meme lelu. Baledi nebamanyishe bana babu, muudi ukumbaja bionsu biudi ulaya.

Yeshaya 54:13

Bana bebe bonsu nembalongeshe meyi anyi. Nebasombe mu bupole.

Yeshaya 66:14

Bushuwa, nenumone bionsu abi. Diba adi nenusanke. Bukole nebupingane mu mifuba yenu, mudi bisosa bipeta muoyi mu mvula mbedi.” Maweja-Nangila nealeje bantu bende mudiye ne bukole. Kadi nealeje baluishi bende tshiji tshidiye natshi.

Yirmeya 32:39

Nembape muoyi umue, bua bandamate, bua bapete diakalenga, bobu ne ndelanganyi yabu.

Yezekiyele 37:25

Nenusombe mu ditunga dimvua mupe muntu wanyi Yakobe, mutua bankambua benu basombe. Nenushalemu kashidi, nuenu, bana benu, ne ndelanganyi yenu yonsu. Muntu mufuanangane ne muntu wanyi Davide, neashale mukalenga wenu kashidi.

Yowele 2:23

Nuenu badi basomba mu Siyone, sankayi bualu bua Maweja-Nangila Mvidi Mukulu wenu, udi unulokeshila mvula mbedi unuvua nukengela, unulokeshila mvula ya bungi pa bikondu biayi, muvuaye munuenzele kale.

Abakuke 3:18

Kadi nansha nanku, ndi nsanka, bualu Maweja-Nangila udi ungambuluisha, ndi nsanguluka, bualu udi unsungidila.

Sefanya 3:14

Tshimenga tshia Siyone, sankaku! Bena Izrayele, elayi tunkunduluila. Yerushalayime, sanguluka ne muoyi webe mujima.

Zekâya 12:8

Pashishe Maweja-Nangila neambuluishe bena Yerushalayime: badi kabayi ne bukole munkatshi muabu, nebapete bukole bu bua Davide. Ndelanganyi ya Davide neikale bu Mvidi Mukulu wabu, bu mudi mutumibue wa Maweja-Nangila udi wenda kumpala kuabu.

Zekâya 9:15

Maweja-Nangila wa bukole buonsu, nealame bantu bende, nealokeshe mvula ya mabue, bua kubutula ne kuzaza baluishi babu. Nebitshikije mashi a baluishi babu panshi, bu mudibu bitshikija pa matumba a tshilambuilu maluvu, nansha mashi a nyama ya milambu, adi tente mu makopu a kumiamina nawu.

Zekâya 9:17

Mu ditunga diabu dimpe ditambe, nemuikale diakalenga dinene. Ntete ya bukula, ne maluvu mapiamapia, nebipeshe bansongalume ne bansongakaji mubidi muimpe mupite.

Luke 1:47

Ndi nsankidila bikole Mvidi Mukulu, mumpandishi wanyi.

Yowanane 16:22

Ke munudi nubungama nuenu kabidi mpindiewu. Kadi nennumone tshiakabidi. Muoyi wenu neusanke. Kakuakuila muntu nansha umue udi mua kununyenga disanka dienu.

Bienzedi 13:33

ke bidiye mutukumbajile tuetu, ndelanganyi yabu, mpindiewu. Bualu mmubishe Yezu ku bafue, amu mudibu bafunde mu musambu muibidi ne: “Wewe ke Muananyi, biangatshile lelu, meme ndi Tatuebe.”

Bienzedi 2:26

Ke padi muoyi wanyi ne disanka, ntua tshianga, tshionkomoka. Nansha mubidi wanyi muikale ne butekete, nendale ne ditekemena ne:

Bienzedi 2:39

Bualu Mvidi Mukulu mmunulaye nuenu ne bana benu, kabidi ne bonsu batshidi kule, bonsu badi Maweja-Nangila Mvidi Mukulu wetu musue kubikila.

Filipe 4:4

Sankayi matuku onsu, bualu nudi badisange ne Mfumu. Ndi ngambulula ne: sankayi.

1 Petro 1:8

Kanuyi banji kumona Yezu Kristu, nudi numunanga; kanuyi numumona mpindiewu, nudi numuitaba. Ke panudi nusanka nutshionkomoka kabiyi mua kuamba.

1 Samuele 2:1

Ane kutendelela Maweja-Nangila, wamba ne: Maweja-Nangila mmunsankisha bikole. Ndi ne disanka bua bionsu bidi Maweja-Nangila mungenzela, tuambilambila, tuafua bundu. Ndi ne musangelu, Mvidi Mukulu mmungambuluishe.