Zekâya 1:2 - MUKANDA WA MYIDI MUKULU

² — Ambila bena Izrayele ne: Meme Maweja-Nangila wa bukole buonsu, mvua mufikile bankambua benu munda bikole.

Mukanda wa Nzambi Dihungila Dikulukulu ne Dihungila Dihia-dihia 2003

² Yehowa wakadi ne batatu benu tshiji tshikole.

Zekâya 1:2 교차 참조

2 Bakalenga 22:19

Uvua muteleje bimpe tshindi muambe bua Yerushalayime ne bantu bonsu badimu. Dikenga diabu nedikale dikole. Bantu nebikale baditshipa, batele mena a bena tshimenga atshi. Kadi wewe Yoshiya, uvua mulombe luse, uvua muvuluke bubi buebe kumpala kuanyi, uvua mupanda bilamba biebe, mudile muadi. Nanku, meme Maweja-Nangila ndi nkujadikila ne: ndi mumvue dilomba diebe.

2 Bakalenga 23:26

Kadi, Maweja-Nangila uvua anu ufikila bukalenga bua bena Yuda munda bikole. Tshiji tshiende katshivua tshituya to. Bualu mukalenga Menashe uvua mumufikishe munda bipite.

Ezela 9:13

Eyi! Mvidi Mukulu wetu, makenga onsu aa adi atukuata bua malu mabi etu, ne bua bilema bietu. Kadi kuena mutunyoke bilondeshile muvua bilema bietu. Uvua musue bua bikale ne muoyi. Ke patudi bafike munemu.

Misambu 60:1

Musambu wa mu mukanda wa mulombodi wa misambu. Wa kuimba ne lunzenze. Kasala ka mu mukanda wa misambu ya Davide. Musambu wa kulongesha bantu.

Yirmeya 32:23

Bushuwa, bavua bangata ditunga edi. Kadi kabavua bateleja tshiuvua wamba. Kabavua balonda mikenji yebe. Kabavua benza tshiuvua mubatumine diyi. Ke muuvua mutume makenga onsu aa atudi tumona lelu.

Yirmeya 44:6

Nanku mvua mufike munda bikole, mvua ne kanyinganyinga. Ke mumvua mubutule bimenga bia Yuda ne misesu ya mu Yerushalayime. Ke mudi bimenga biandamuke makolu, bishale miaba idi ikuatshisha bantu bowa, bu munudi numona lelu.”

Muadi 5:7

Bankambua betu bavua benza bibi, mbamane kufua. Kadi tuetu ke badi bambule bujitu bua malu abu mabi.

Yezekiyele 22:31

Nanku meme kubapumuina tshiji tshianyi. Meme kubabutula mu kapia, bualu mvua mufike munda. Meme kubanyoka bua malu abu mabi. Ke mundi ngamba nanku meme Maweja-Nangila Mvidi Mukulu.

Yezekiyele 8:18

Nanku, nemfike munda, nembanyoke ne tshiji tshikole. Tshiena mua kubafuila luse, tshiena mua kulekela bilema biabu to. Nansha bobu bela mbila, balomba bua meme kubambuluisha, tshiakubateleja nansha.

Zekâya 1:15

Kadi bisamba bidi bisomba talalaa, biditemba, ndi mbifikile munda bikole. Bualu pamvua tshiyi muanji kufikila bena Izrayele munda bikole, biobi bivua bibabutula bibi.

Zekâya 7:12

Kupapishabu muoyi wabu bu dibue dia mbonge. Kabavua basue kumvua malongesha a Maweja-Nangila wa bukole buonsu, avua Mueyelu wende muakuile kale mukana mua bambi. Nanku Maweja-Nangila kufika munda bikole,

Zekâya 8:14

Maweja-Nangila wa bukole buonsu udi wamba ne: “Pamvua mujadike bua kunukengesha, bualu bankambua benu mbamfikishe munda, tshivua mushintulule diyi dianyi.

Bienzedi 7:52

Kudi muambi uvua bankambua benu kabayi bakengeshe anyi? Bavua bashipe bantu bavua babamanyishe ne: Muena buakane neafike. Ke Yeye unudi bapangile, bashipe kabidi mpindiewu!