Zekâya 1:12 - MUKANDA WA MYIDI MUKULU

¹² Mutumibue wa Mvidi Mukulu kuamba kabidi ne: — Maweja-Nangila wa bukole buonsu, kukadi mpindiewu bidimu makumi muanda mutekete biudi mufikile Yerushalayime ne bimenga bikuabu bia Yuda munda. Neulame tshiji, kuyi ubafuila luse matuku makuabu bungi munyi?

Mukanda wa Nzambi Dihungila Dikulukulu ne Dihungila Dihia-dihia 2003

¹² Ha diba adi muanjelo wa Yehowa wakamba ne, Yehowa wa misumba, musangu neulehe bule munyi bua wewe kufuila ha mu Yelushalema ne ba misoko ya mu Yuda luse, hawakakuatshila tshiji bidimu ebi bionso makumi muanda mutekete?

Zekâya 1:12 교차 참조

2 Kulondolola 36:21

Nanku, miaku ya Maweja-Nangila kukumbana, ivua muambi Yirmeya muambe ne: “Ditunga nedishale munda mutupu bidimu makumi muanda mutekete, too ne pajika matuku a Dikisha, avua bena Izrayele babenge kuikisha.”

Misambu 102:10

Ndi ndia butu pa mutu pa kudia biakudia, bintu bionsu bindi nnua bidi bibondakana ne binsonji.

Misambu 102:13

Kadi wewe, Maweja-Nangila, udi mukalenga wa kashidi, udi Mvidi Mukulu wa bikondu bionsu.

Misambu 69:5

Badi bankina kapayi bualu, mbapite nsuki ya ku mutu bungi. Badi banshiminyina malu, badi ne dikanda, bakeba kunshipa. Ndi ne bua kupingaja tshindi tshiyi muibe.

Misambu 74:10

Mvidi Mukulu wanyi, muluishi neakusendeke kabidi matuku bungi munyi? Muena lukuna neakuseke kashidi anyi?

Misambu 79:5

Maweja-Nangila neutulaminyine tshiji atshi tshikole, ne mukawu udi wosha bu kapia musangu bule munyi?

Muambi 3:3

Tshikondu tshia kushipa ne tshikondu tshia kuondapa mputa, tshikondu tshia kubutula ne tshikondu tshia kuibaka.

Yeshaya 47:6

Mvua mufikile bantu banyi munda. Nenku meme kubadiwula. Meme kubafila mu bianza biebe. Kadi kuvua ne luse nansha lukese. Bakulakaje mene, uvua mubakengeshe bikole.

Yeshaya 63:9

Mu makenga abu onsu, kena mutume muntu mukuabu bua kubambuluisha. Kadi uvua mubasungidile amu yeye mene. Yeye uvua muangate bualu buabu ne manza abidi, bualu uvua mubanange, ubumvuila luse. Yeye ke uvua mudiangatshile malu abu, mubambule mu maboku ende, ku tshikondu ne ku tshikondu.

Yirmeya 12:4

Ditunga nedikale mu dikenga, bia mu madimi nebiume too ne ku diba kaayi? Nyama ne nyunyi ya mu ditunga idi ifua bua tshilema tshidi bantu benza. Bualu badi bamba ne: “Maweja-Nangila kena umona bitudi tuenza to.”

Yirmeya 15:17

Tshivua muye kusomba ne bantu bakuabu, bua kuseka nabu nansha. Bualu udi munteke tshianza tshiebe pambidi, munsombeshe ku mpenga pa nkayanyi, tshiji tshiudi mutekele bantu abu ntshimbuele munda bikole.

Yirmeya 29:10

“Maweja-Nangila udi wamba kabidi mpindiewu ne: Bukalenga bua bena Babilone nebushale kabidi bidimu makumi muanda mutekete. Diba adi nennusungidile. Nenkumbaje malu mimpe amvua munulaye. Nennupingaje mu Yerushalayime.

Yirmeya 30:18

Maweja-Nangila udi wamba ne: — Bena meku a Izrayele, nennupingaje mu ditunga dienu! Nemfuile meku enu onsu luse. Nenuasulule bimenga bienu, nenuibakulule nzubu yenu milenga miaba yayi ya kale.

Danyele 12:6

Umue wabu kukonka muntu uvua muvuale bilamba bia buanda bua ndanda, muimane pa mutu pa mayi a musulu ne: ‘Malu aa a kukema neajike diba kaayi?’

Abakuke 1:2

Maweja-Nangila, matuku bungiwu andi nkubikila, Wewe nansha kunteleja! Ndi nkumanyisha tshinyangu tshitudi natshi, kadi Wewe nansha kutusungidila!

Zekâya 1:8

Butuku ebu Maweja-Nangila kundeja muntu mubande pa kabalu kakunze. Muntu awu uvua munkatshi mua mitshi ya mirte, ivua muinshi mu tshibandabanda. Tubalu tukuabu tukunze, tua mubidi wa lubundubundu, ne tutoke, tuvua mu nyima muende.

Zekâya 7:5

Andamuna batuangaji ne bena ditunga bonsu ne: “Kukadi bidimu makumi muanda mutekete, binudi nujila biakudia, nuasa miadi mu ngondu muitanu ne wa muanda mutekete, Panudi nulama bijila ebi, nudi nuela meji ne: nudi nunsankisha anyi?

Ebrewu 7:25

Ke padiye mua kusungidila, mpindiewu ne matuku onsu, bonsu badi bapitshila kudiye bua kusemena pabuipi ne Mvidi Mukulu. Bualu yeye udi ne muoyi kashidi bua kubakuila kudi Mvidi Mukulu.

Didimanyisha 6:10

Kuelabu diyi dikole ne: “Mfumu wa Tshijila, udi ukumbaja biudi mulaye, nealumbuluishe ba pa buloba diba kaayi? Utshidi amu windila, kuyi unyoka bavua batushipe anyi?”