Zekâya 1:11 - MUKANDA WA MYIDI MUKULU

¹¹ Ke bantu bawa babande pa tubalu kuambila mutumibue wa Maweja-Nangila ne: — Tudi bendakane buloba bujima. Katuena basangana bantu balubakana to; bonsu badi basomba talalaa.

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Bobo bine bakambila muanjelo wa Yehowa wakadi muimane munkatshi mua mitshi ya myrtres ne, Tuakuendakana bua kutentekela buloba; mona, buloba buonso budi anu holâ, budi talalâ.

Zekâya 1:11 교차 참조

Yobe 1:7

Maweja-Nangila kukonka mufundianganyi ne: — Udi ufuma penyi? Mufundianganyi kuandamuna Maweja-Nangila ne: — Ndi mfumina ku diendakana pa buloba.

Misambu 68:17

Kadi wewe mukuna udi ne nsongu mivule, udi ubaba mukuna udi Mvidi Mukulu musue kusomba, mukuna udi Maweja-Nangila muase, bua tshinyi?

Yeshaya 14:7

Mpindiewu bantu ba mu buloba buonsu, badi ne dikisha, bela mbila ya disanka.

Danyele 10:20

Yeye kuamba ne: ‘Udi mumanye ne: ndi mufike kuudi bua tshinyi? Ndi mufike bua kukumanyisha malu adibu bafunde mu mukanda wa bulelela. Kadi ntshidi ne bua kuluisha mutumibue mulami wa ditunga dia Persa. Pa diba menemene dindi nya kumuluisha, mutumibue mulami wa ditunga dia bena Ngreke kufika. Kakuena muntu nansha umue udi ungambuluisha bua kuluisha baluishi aba, anu Mikayele mutumibue wa Mvidi Mukulu udi ulama Izrayele.

Zekâya 1:10

Ke muntu uvua mu mitshi ya mine, kungambila ne: — Maweja-Nangila mmutume bantu aba bua baye kutentekela buloba bujima.

Zekâya 1:15

Kadi bisamba bidi bisomba talalaa, biditemba, ndi mbifikile munda bikole. Bualu pamvua tshiyi muanji kufikila bena Izrayele munda bikole, biobi bivua bibabutula bibi.

Zekâya 1:8

Butuku ebu Maweja-Nangila kundeja muntu mubande pa kabalu kakunze. Muntu awu uvua munkatshi mua mitshi ya mirte, ivua muinshi mu tshibandabanda. Tubalu tukuabu tukunze, tua mubidi wa lubundubundu, ne tutoke, tuvua mu nyima muende.

Zekâya 6:7

Tubalu bikunzubile tusemena, kulombatu bua kuya kutentekela buloba. Maweja-Nangila kutuambila ne: — Yayi, nutentekele buloba. Kuenzatu nanku.

Matayi 13:41

Muana wa muntu neatume batumibue bende, bua bumushe mu Bukalenga buende bantu bonsu badi babipisha bakuabu, ne benji bonsu ba malu mabi.

Matayi 13:49

Ke muenzekabi dituku dia nshikidilu nanku. Batumibue ba Mvidi Mukulu nebavue kutapulula babi eku, bempe kuaka.

Matayi 25:31

— Dituku diafika Muana wa muntu, kabidi dialejaye butumbi buende buonsu, batumibue ba Mvidi Mukulu bonsu nebikale nende. Neaye kusomba mu nkuasa wende wa butumbi.

1 Tesalonike 5:3

Diba diamba bantu ne: “Tudi talalaa. Bionsu bidi mu bupole,” diakamue kabutu nekabakuate, mudi makenga akuata mukaji pa lulelu. Kabakupanduka to.

2 Tesalonike 1:7

Nuenu badi bakenga mpindiewu, Mvidi Mukulu neanupe bupole pamue netu. Ebi nebienzeke, patuluka Yezu mu diulu ne batumibue bende ba bukole, bantu bamumona.

Didimanyisha 1:1

Mu mukanda ewu mbafunde muvua Yezu Kristu mudimanyishe. Mvidi Mukulu mmuanyishe bua adileje nanku kudi bantu bende, bua bamanye bidi ne bua kuenzeka amu mpindiewu. Kristu kutuma mutumibue wende, bua abimanyishe Yowanane, muena mudimu wa Kristu.