Yowele 3:4 - MUKANDA WA MYIDI MUKULU

⁴ Dituku dia Maweja-Nangila kadiyi dianji kufika, dituku dinene didi dikuatshisha bantu bowa, diba nedibuitshidile, ngondu neakunzubile bu mashi.”

Mukanda wa Nzambi Dihungila Dikulukulu ne Dihungila Dihia-dihia 2003

⁴ E, nuenu kabidi, Tulo ne Sidona, ne nseke yonso ya Peleshete, nudi bu banganyi kundi? Nudi basue kunfuta bua bualu bunakuenza, anyi kungenzela bunga bualu, anyi? Nennuhingashile difutu lukasa bua malu mabi enu!

Yowele 3:4 교차 참조

2 Kulondolola 21:16

Maweja-Nangila kusaka bena Peleshete ne bena Arabe bavua mutumba ne bena Kushe bua kuluisha Yorame.

Yeshaya 14:29

Nuenu bonsu bena Peleshete, kanusanki bua padi bena Ashure, bavua banukengesha, kabayi kabidi ne bukole. Bualu kudi nyoka mufuile, nekupatuke munga nyoka, mupite wa kumpala ku lulengu. Diyi diende neditoye, nyoka wa kasanga-muma.

Yeshaya 34:8

Bualu ke dituku didi Maweja-Nangila usombuela bantu. Ke tshidimu tshidiye ufuta baluishi ba Siyone malu mabi onsu avuabu benze.

Yeshaya 59:18

Neafute bantu bilondeshile malu avuabu benze. Neatekele bena lukuna bende bonsu tshiji tshikole. Neabanyoke nansha bobu base kule.

Yirmeya 47:1

Umvuayi malu avua Maweja-Nangila muambile Yirmeya bua bena Peleshete. Uvua mumuambilewu pavua mukalenga wa Ejipitu kayi muanji kufika bua kuluisha tshimenga tshia Ngaza.

Yirmeya 47:4

Ke dituku didibu ne bua kubutula bena Peleshete bonsu, nanku muntu nansha umue kakushala bua kuambuluisha bena Tire ne bena Sidone. Maweja-Nangila udi ubutula ditunga dijima dia bena Peleshete, ndelanganyi ya bantu aba bavua bafume ku tshidila tshia Kaftore.

Yirmeya 51:6

Umukayi mu Babilone nunyeme lubilu bua nupande. Kabanushipi nuenu, bua bilema bia bena Babilone. Maweja-Nangila udi udisombuela. Ke tshikondu tshidiye upingajila bena Babilone, bibi bionsu bivuabu benza.

Yowele 2:10

Padi mpasu eyi isemena pabuipi, buloba budi buzakala, diulu didi dinyungakana, ngondu ne diba bidi bibuitshidila, mitotu kayena ikenka kabidi.

Yowele 2:2

Dituku adi ndia miidima mikole, ndia mavuba ne mabungi. Tshisumbu tshia mpasu tshidi tshifika, tshinene, tshikuatshisha bowa! Tshidi tshifikisha panshi, bu mudi butuku bufikisha pa mikuna. Katshia kabena banji kumona bualu bua mushindu ewu, kabena mua kubumona kabidi to.

Matayi 11:21

— Wewe, Korazine, udi muena diakabi! Wewe, Betsayida, udi muena diakabi! Bualu bishima bidibu benzele muenu, bu biobi bienzekela mu Tire, ne mu Sidone, bena bimenga ebi kuonsu eku bakavua bavuale bilamba bikayapale, badilabe butu, bua kuleja ne: tudi basue kudilengeja.

Matayi 11:22

Ke pandi nnujadikila ne: dituku didi Mvidi Mukulu ukosa nsambu, dinyoka dia Tire, ne dia Sidone, nedikale dishadile ku dienu.

Luke 10:13

Wewe Korazine, udi muena diakabi! Wewe Betsayida, udi muena diakabi! Bualu malu a dikema adibu banuenzela nuenu, bu bobu bawenzele bena Tire ne bena Sidone, bena bimenga ebi bavua mua kusomba panshi musangu umue, kuvuala bilamba bikayapale, kudilaba butu mu mutu, bua kuleja ne: tudi basue kudilengeja.

Luke 10:14

Dituku didi Mvidi Mukulu ukosa nsambu, kakunyoka Tire ne Sidone bikole, mudiye ne bua kununyoka nuenu nansha.

Luke 18:7

Kadi Mvidi Mukulu kakukosa nsambu ya bena diende badi bamubila munya ne butuku pa yoyi anyi? Kakubambuluisha pa lukasa anyi?

Bienzedi 9:4

Kuponaye panshi. Kumvuaye diyi dimuebeja ne: — Shawule, Shawule, udi unkengeshila tshinyi?

Dielulula 32:35

Dituku dia kabutu, nembasombuele, bua bapete difutu dia buenzayi buabu. Dituku dia kubutula baluishi ba bena Izrayele, dikadi pabuipi, bukole buabu nebujimine.”

2 Tesalonike 1:6

Bualu Mvidi Mukulu neenze amu bidi bimpe. Neakengeshe badi banukengesha.

Balombodi 11:12

Yefete kutuma bantu kudi mukalenga wa bena Amone, bua kumukonka ne: — Paudi uluisha bena ditunga dianyi, tudi tufuila nebe tshinyi?