Yowele 2:8 - MUKANDA WA MYIDI MUKULU

⁸ Kakuena nansha umue udi usakila mukuabu. Yonsu udi ulonda wende njila. Idi ipita bionsu bidibu bayijikila mu njila. Kakuena tshintu tshidi mua kuyimanyika.

Mukanda wa Nzambi Dihungila Dikulukulu ne Dihungila Dihia-dihia 2003

⁸ Kayena isakilangana, mukumbi ne mukumbi udi uya mu nshila wau. Idi ihita bintu bionso bidi bantu bakeba kuyikanda nʼabi, kayena itahibua.

Yowele 2:8 교차 참조

2 Kulondolola 23:10

Kuimanyikaye bantu bonsu, ne difuma mu bianza, benza mu tshitangu, biangatshile mu ditumba dia kuinshi dia nzubu wa Mvidi Mukulu too ne ku ditumba dia ku mutu, luseke ludi diba dipatukila lua nzubu. Nanku, bavua bimane kumpala kua nzubu wa Mvidi Mukulu ne kua tshilambuilu, bamane kudilongolola bua kulama mukalenga Yowashe nseke yonsu.

2 Kulondolola 32:5

Bu muvua Izkiya ne muoyi mukole, kulongolueshaye tshimana tshia ku tshimenga miaba yonsu ivuatshi tshinyanguke. Kulepeshaye tuleya. Pashishe, kuibakabu tshimana tshikuabu tshibidi pa mpenga pa tshimenga. Kukoleshabu bimana bivua muaba uvua mushiki wa buloba mu Tshimenga tshia Davide. Izkiya kuenzeja misongolu ne ngabu mivule.

Nehemya 4:17

Meme Nehemya, bana betu, bena mudimu banyi, ne bena mvita bavua batalame, katavua tumusha bilamba pambidi to, anu pa kuowa mayi.

Yobe 33:18

Ke mudiye utusungidila ku lufu, utumusha mu njila udi ufika ku kandondu ka bafue.

Yobe 36:12

Kadi padibu babenga kumuitaba, nebapitshile amu mu njila wa ku kandondu ka bafue. Nebabutuke bualu bavua bapange meji.

Nsumuinu 30:27

mpasu kayitu ne mfumu. Kadi idi yenda bimpe mu milongu,

Musambu wa Solomo 4:13

Udi bu lupangu luimpe lua mitshi ya ngrenade, idi ikuama bimuma bisheme. Mudi bilongu ne mitshi bishilangane bidibu mua kuenza nabi manananshi a mishindu ne mishindu.

Yeshaya 5:27

Munkatshi mua tshisamba atshi, kamuena muntu mupungile, kamuena udi ukoka makasa panshi, nansha udi ubungila ne tulu. Kakuena udi ulaala, nansha udi musulule mukaba, nansha udi musulule nshinga ya tshisabata.

Yowele 2:7

Idi inyema bu bilobu, ibanda pa tshimana mudi bena mvita benza. Mpasu yonsu udi uya buludi mu wende njila, kakuena udi usesuka.

Yowele 2:9

Idi itangalaka mu tshimenga, ibanda pa bimana, ibuelela mu nzubu ku madidishi bu bivi.