Yowele 2:26 - MUKANDA WA MYIDI MUKULU

²⁶ Nenudie, nenukute. Nenuntumbishe meme Maweja-Nangila Mvidi Mukulu wenu, udi unuenzela malu a kukema. Tshiena mua kufuisha bantu banyi bundu kabidi musangu nansha umue.

Mukanda wa Nzambi Dihungila Dikulukulu ne Dihungila Dihia-dihia 2003

²⁶ Nenudie bintu bikumbane, nenukute; nenutumbishe dina dia Yehowa Nzambi wenu, wakunuenzela malu a kukema; ne bantu banyi kabena bafuishibua bundu kabidi kashidi.

Yowele 2:26 교차 참조

Genese 33:11

Ndi nkusengelela ne: angata mulambu undi mukutuadile ewu, bualu Mvidi Mukulu wanyi mmumpe bintu bia bungi. Yakobe kunanukila bikole. Esawu kuitaba.

Nehemya 9:25

Bavua bakuate bimenga bivuabu bakoleshe ne bimana, bakuate madimi mimpe, nzubu miuwule tente ne biuma, bina bia mayi bimana kumbula, madimi a mionji ya mvinyo, ne mitshi ya olive, kabidi ne mitshi mikuabu ya bimuma mipite bungi. Nanku, bu muudi ne muoyi mulenga, bena Izrayele kudia kuukuta, kudiunda, kusanka bua bionsu biuvua mubapeshe.

Misambu 103:5

Udi umpetesha diakalenga divule matuku onsu andi panu, udi umpingaja nsongalume, ndi ne bukole bu bua nyunyi wa tshiminyi udi ubuka.

Misambu 116:7

Muoyi wanji kubutama, bualu Maweja-Nangila mmungenzele bimpe.

Misambu 13:6

Meme ndi mukutekemene bualu udi munnange, ndi nsanka, bualu neungambuluishe. Maweja-Nangila, ndi musue kukuimbila, kukuela tuasakidila bua bilenga bionsu biudi mungenzele.

Misambu 22:26

Maweja-Nangila, ke pandi nkutumbisha mu tshisangilu tshinene, nkulambula milambu imvua mukulaye, bantu bebe batangile!

Misambu 37:19

Bantu abu kabakufua bundu diba dia dikenga. Mu bikondu bia nzala nebapete bonsu bidibu nabi dijinga.

Misambu 67:5

Mu matunga onsu bantu basanke, bakutumbishe, bualu udi ukosa nsambu ya bantu pa yoyi, ulombola bisamba bia bantu pa buloba bimpe.

Misambu 72:18

Tuele Maweja-Nangila, Mvidi Mukulu wa Izrayele, tuasakidila. Amu Yeye ke udi wenza malu a dikema.

Nsumuinu 13:25

Muntu muakane udi udia ukuta. Kadi muntu mubi udi ukenga ne nzala.

Musambu wa Solomo 5:1

Muanetu wa bakaji, mubangila wanyi, ndi mbuela mu budimi buanyi, mpolamu mire wanyi, ne mitshi ya mupuya muimpe, ndilamu buitshi buanyi, nnuinamu maluvu ne mabele anyi. “Balunda banyi, nudie, nunue, dinanga dinukuate.”

Yeshaya 25:1

Maweja-Nangila, wewe ke Mvidi Mukulu wanyi. Ndi musue kutumbisha bunene buebe, kumanyisha bantu lumu luebe. Bualu wewe uvua muenze bia dikema. Biuvua mujadike kale, udi mubikumbaje bionsu bungi buabi.

Yeshaya 29:22

Ke padi Maweja-Nangila, Mvidi Mukulu wa Yakobe ne wa ndelanganyi yende, Musungidi wa Abrahame, wamba ne: “Bituadije ku mpindiewu, bena Yakobe, kabena bafue kabidi bundu, kabakubungama kabidi to.

Yeshaya 45:17

Kadi bena Izrayele mbapete lupandu lua kashidi kudi Maweja-Nangila. Kabena bafue kabidi bundu. Kabena mua kubapepeja kudi muntu nansha umue.

Yeshaya 49:23

Bana bebe nebabadishe kudi bakalenga bakaji ba mu matunga. Nebabakoleshe kudi bakalenga ba matunga. Nebatue mpala panshi kumpala kuebe. Nebakunemeke, balaka lupuishi lua ku makasa ebe. Nenku neumanye, mundi Maweja-Nangila, mudi bonsu badi batekemena kundi kabayi bafue bundu musangu nansha umue.

Yeshaya 54:4

Kutshinyi to. Kuena ufua kabidi bundu to. Kabakukupetula kabidi to. Nebakunemeke. Neupue muoyi bundu buuvua nabu ku bunsongakaji buebe. Kuakuvuluka kabidi kapeja ka diba diutshivua mukamba.

Yeshaya 55:2

Tshinudi nutudila makuta bua diampa didi kadiyi didisha mubidi ntshinyi? Tshinudi nuditatshishila kanuyi mua kuukuta ntshinyi? Panuikala banteleje, nenupete tshiakudia, tshidi tshilengelela mubidi. Nenudie biakudia bidi bimpe bitambe, nuukuta.

Lewitiki 25:19

Buloba nebuike biakudia bivule. Nenudie nukute, nenusombe ku matshi talalaa.

Lewitiki 26:26

Nenkepeshe biakudia, bakaji dikumi nebasangile ditshiwa dimue bua kuoshilamu mampa, bapeta muaba mukumbane. Nebanuabanyine tupese tua mampa tukese tukese, nudia kanuyi nukuta to.

Lewitiki 26:5

Nanku dishipula dia ntete mu ditunga dienu, neditungunuke too ne ku matuku a dinowa dia tumuma tua mvinyo. Dinowa dia tumuma tua mvinyo neditungunuke too ne ku matuku a dikuna . Nenuikale ne biakudia bia bungi. Kabidi nenusombe ku matshi talala.

Mika 6:14

Nenudie, kanuyi nuukuta. Tshiyole netshikale munkatshi muenu! Tshintu tshinuateka mu diyeba, netshinyanguke. Tshintu tshionsu tshinudi nukeba kubumba, nentshibutule mu mvita.

Sefanya 3:11

“Dituku adi, nuenu bantu banyi, kanuena ne bua kufua kabidi bundu, bua buenzayi buenu, nansha bua malu mabi anudi bangenzele. Bualu nengumushe munkatshi muenu bantu badi baditambisha. Kanuena mua kuditumbisha kabidi pa mukuna wanyi wa tshijila.

Zekâya 9:15

Maweja-Nangila wa bukole buonsu, nealame bantu bende, nealokeshe mvula ya mabue, bua kubutula ne kuzaza baluishi babu. Nebitshikije mashi a baluishi babu panshi, bu mudibu bitshikija pa matumba a tshilambuilu maluvu, nansha mashi a nyama ya milambu, adi tente mu makopu a kumiamina nawu.

Zekâya 9:17

Mu ditunga diabu dimpe ditambe, nemuikale diakalenga dinene. Ntete ya bukula, ne maluvu mapiamapia, nebipeshe bansongalume ne bansongakaji mubidi muimpe mupite.

Rome 10:11

Ke padi Mukanda wa tshijila wamba ne: “Yonsu udi umuitaba, kakufua bundu.”

Rome 5:5

Ditekemena adi kadiena ditushima to. Bualu Mvidi Mukulu mmumuangalaje dinanga diende mu mioyi yetu, ku bukole bua Mueyelu wa Tshijila uvuaye mutupeshe.

Rome 9:33

mudi Mukanda wa tshijila wamba ne: “Tangilayi, ndi nteka mu Siyone dibue didi ditetula bantu, lubuebue ludi lubaponesha. Kadi udi umuitaba, kakufua bundu nansha.”

Dielulula 11:15

Maweja-Nangila neameneshe kabidi bisosa bia nuenu kudisha bimuna bienu. Nanku nenudie nukute.

Dielulula 12:12

Muaba wa Maweja-Nangila Mvidi Mukulu wenu awu, nenusanke bonsu, nuenu, bana benu ne bena mudimu benu. Kabidi bena Levi, badi basa mu bimenga bienu, kabayi ne wabu muaba wa kuasa munkatshi muenu, nebasanke pabu.

Dielulula 12:18

Bintu bia tshijila abi, nuenu, bana benu, bena mudimu benu, ne bena Levi, badi mu bimenga bienu, nenubidile amu muaba wa tshijila, wikale Maweja-Nangila Mvidi Mukulu wenu musungule. Nanku muaba awu nenuikale ne disanka dia bungi, bua bionsu binuikala bakumbaje.

Dielulula 12:7

Mu nzubu wa tshijila wa Maweja-Nangila, ke munudi mua kudila biakudia bia tshijila, pamue ne bena meku enu bonsu. Nuenu nenusanke bua bilenga bionsu bidi Maweja-Nangila, Mvidi Mukulu wenu, munupe mu bionsu binudi nuenza.

Dielulula 8:10

Nenudie nukute. Nenuele Maweja-Nangila Mvidi Mukulu wenu tuasakidila, bua padiye munufikishe mu ditunga edi dimpe.

1 Timote 6:17

Ambila bena biuma bia panu, bua kabaditambishi, kabatekemenyi biuma ebi bia lupitapita. Kadi batekemene kudi Mvidi Mukulu udi utupetesha bionsu bitudi tukengela bua tuetu kusanka nabi.

1 Yone 2:28

Eyowa, bana banyi, nushale mu bobumue ne Kristu. Nanku katuakupampakana dituku diamuenekaye. Katuakufua bundu kumpala kuende dituku diafikaye.