Yowele 2:22 - MUKANDA WA MYIDI MUKULU

²² Nuenu, nyama ya mu tshisuku, kanutshinyi kabidi, bualu bisosa bia mu mpata mbisampile, mitshi mmikuame bimuma, mitshi ya mfiku ne mionji ya mvinyo mmikuame bipite bungi.

Mukanda wa Nzambi Dihungila Dikulukulu ne Dihungila Dihia-dihia 2003

²² Nyama ya mu mpata, kanu tshinyi; bualu bua mashinde a mu mpata adi asasa kabidi, mutshi udi ukuama mamuma au, mutshi wa nfigi ne muonshi wa tumuma tua nvinyo bidi bikuama mamuma abi.

Yowele 2:22 교차 참조

Genese 4:12

Wewe newikale udima, kadi buloba kubuyi butoloka bintu bia nsongu. Newikale muendakanyi pa buloba, kuyi ne muaba wa kusomba.

Misambu 36:6

Maweja-Nangila, bulenga buebe mbutue ne mu diulu. Biudi wamba, udi ubikumbaja ne mu mavuba.

Misambu 65:12

Tshidimu tshijima udi utuenzela bimpe. Ku ndekelu kuatshi tudi tumona bia pa madimi. Bintu bimpe bidi bipatuka miaba yonsu iudi diata.

Misambu 65:13

Mpata yonsu idi isanguluka, mu mikuna yonsu tudi tumvua amu mbila ya disanka.

Misambu 67:6

Mvidi Mukulu, bukua panu bukutumbishe! Bisamba bionsu bikuele tuasakidila!

Yeshaya 51:3

Ke mudi Mvidi Mukulu usamba Siyone lelu. Udi musue kufuila badi basomba mu makolu ende luse. Buloba ebu bukavua bu tshipela. Maweja-Nangila neabuenze budimi buimpe. Buloba buatuke ebu, neabuandamune lupangu lua Edene. Koku aku bantu nebele mbila mikole ya disanka. Nebimbe misambu, bakokola bisanji, bela Maweja-Nangila tuasakidila.

Yezekiyele 36:30

Nemmeneshe mitshi, ikuama bimuma bia bungi. Nenupete biakudia bia bungi mu madimi. Nanku kanuakufua kabidi bundu ku mesu a bantu ba bisamba bikuabu bua nzala inudi nayi.

Yezekiyele 36:35

Bantu nebambe ne: ‘Batua banyange ditunga edi, kadi mpindiewu dikadi bu lupangu lua Edene. Bimenga bivuabu babutula, bashiya makolu, mbamane kubiasulula. Bantu badi basombamu.’

Yezekiyele 36:8

Tshikondu atshi, pa mikuna ya Izrayele, mitshi neyipatule mabeji, ikuama bimuma, bua kunudisha nuenu bena Izrayele bantu banyi. Bualu nukadi pa kupingana mu ditunga dienu.

Yona 4:11

Nanku, meme tshiena mua kufuila tshimenga tshinene tshia Ninive luse anyi? Mu tshimenga emu mudi bantu bapite pa binunu lukama ne makumi abidi, badi kabayi bamanye mua kudisunguluila bidi bibalengelela, mudi kabidi bimuna bipite bungi.

Agayi 2:16

makenga avua manukuate. Pavua muntu uya ku diyeba, bua kuangata bibombi makumi abidi bia ntete ya kuenza bukula, uvua upeta amu bibombi dikumi. Pavua muntu uya ku tshipanza tshia maluvu a nwinyo, bua kupongolola milangi makumi atanu, uvua amu upongolola milangi mukumi abidi.

Zekâya 8:12

Nentume ditalala mu buloba: mionji ya nwinyo neikuame tumuma, buloba nebumene biakudia, mvula neyiloke ya bungi. Bantu banyi badi bashale ne muoyi, nembapeteshe bintu ebi bionsu.

1 Korente 3:7

Nanku mudimu wa mukunyi, ne wa mumiaminyi wa mayi, udi wa patupu. Kadi udi wenza bualu, ke Mvidi Mukulu. Bualu Yeye udi umenesha.