Yowele 2:18 - MUKANDA WA MYIDI MUKULU

¹⁸ Maweja-Nangila mmunange ditunga diende, mmufuile bantu bende luse.

Mukanda wa Nzambi Dihungila Dikulukulu ne Dihungila Dihia-dihia 2003

¹⁸ Hashishe, Yehowa wakakuatshika mukau bua buloba buandi, wakafuna bantu bandi luse.

Yowele 2:18 교차 참조

2 Bakalenga 19:31

Eyowa, mu Yerushalayime nemupatuke bantu badi bashale ne muoyi. Bantu nebimane pa mukuna wa Siyone.” Yeshaya uvua wamba kabidi ne: — Maweja-Nangila neakumbaje bualu ebu, bualu udi ununanga bikole.

Misambu 103:13

Maweja-Nangila udi unanga bantu bende badi bamunemeka, bu mudi tatu unanga bana bende.

Misambu 103:17

Kadi malu mimpe a Maweja-Nangila adi ashala bikondu bionsu kudi badi bamunemeka. Buakane buende budi bujama kudi bana ba bana babu,

Yeshaya 37:32

Eyowa, mu Yerushalayime nemupatuke bantu badi bashala ne muoyi; bantu abu nebimane pa mukuna wa Siyone.” Yeshaya kuamba kabidi ne: “Maweja-Nangila wa bukole buonsu neakumbaje bualu ebu, bualu udi mununange menemene.

Yeshaya 42:13

Maweja-Nangila udi wenda usemena kumpala, bu tshilobu tshia bukitu mu mvita. Udi udilongolola bua kuluangana. Udi utua tshisamu tshia mvita, utshimuna bena lukuna bende.

Yeshaya 60:10

Maweja-Nangila udi wambila Yerushalayime ne: Benyi nebibakulule bimana biebe. Bakalenga babu nebikale bena mudimu bebe. Bualu mvua mukunyoke bushiwa, pamvua ne tshiji. Kadi ndi ne disanka mpindiewu, dia kukuleja mundi mukunange.

Yeshaya 63:15

Maweja-Nangila nansha wewe musombe mu diulu, mu muaba webe muimpe wa tshijila, tangila bidi bituenzekela panu panshi. Dinanga diebe dikole, diuvua mutunange nadi didi penyi? Bukole buebe buuvua nabu mu mvita butshidiku anyi? Kuena kabidi musue kutufuila luse anyi? Maweja-Nangila kubengi kutuleja muudi utunanga.

Yeshaya 63:9

Mu makenga abu onsu, kena mutume muntu mukuabu bua kubambuluisha. Kadi uvua mubasungidile amu yeye mene. Yeye uvua muangate bualu buabu ne manza abidi, bualu uvua mubanange, ubumvuila luse. Yeye ke uvua mudiangatshile malu abu, mubambule mu maboku ende, ku tshikondu ne ku tshikondu.

Yirmeya 31:20

Maweja-Nangila udi wamba ne: Efrayime ke muananyi musuibue, ke muana undi mupite kunanga. Misangu yonsu indi ntela dina diende, ndi mmuvuluka tshiyi mua kumupua muoyi. Ndi mumunange bikole, tshiena ne mushindu wa kubenga kumufuila luse.

Muadi 3:22

Ke buimpe bua Maweja-Nangila budi kabuyi bujika, dinanga diende didi kadiyi ndekelu.

Zekâya 1:14

Mutumibue wa Mvidi Mukulu uwa uyukila nanyi, kungambila ne: Ambila bantu mu dina dia Maweja-Nangila wa bukole buonsu ne: “Ndi munange bikole Yerushalayime, ne mukuna wa Siyone,

Zekâya 8:2

“Meme Maweja-Nangila, ndi nnanga Yerushalayime bikole. Ke pandi mfikila baluishi bende munda.

Luke 15:20

Ke yeye kujuka bua kupingana kudi tatuende. Yeye mutshikale kule ne nzubu wabu, tatuende kumumona. Kumumvuilaye luse bikole. Kuyaye lubilu bua kusambakena nende. Kumupukilaye ne disanka, umutua mishiku.

Dielulula 32:16

Bena Izrayele bavua bafikisha Maweja-Nangila munda, benza malu mabi, batendelela mvidie ya bisamba bikuabu.

Dielulula 32:36

Padi bena Izrayele kabatshiyi ne bukole, kabayi ne muntu udi mua kubambuluisha. Maweja-Nangila neabafuile luse. Neabambuluishe, akosa nsambu yabu pa yoyi.

Dielulula 32:43

Bisamba bionsu bitumbishe bantu ba Maweja-Nangila. Maweja-Nangila neasombuele bua lufu lua bantu bende. Neanyoke baluishi ba bena Izrayele bonsu. Neafuile ditunga dia bena Izrayele luse, neasambe benadi.

Yakobe 5:11

Tudi tubamba ne: mbena diakalenga, bualu bavua bananukile. Nukadi bumvue muvua Yobe mulame lutuulu, kabidi muvua Mfumu mumusankishe ku ndekelu. Bualu Mfumu udi muena dinanga ne luse.

Balombodi 10:16

Ke bena Izrayele kumusha mvidie ya bantu benyi ivuabu batendelela. Kutendelelabu tshiakabidi Maweja-Nangila. Nanku Maweja-Nangila kavua kabidi ne disanka bua kumona dikenga dia bena Izrayele to.