Yowele 2:16 - MUKANDA WA MYIDI MUKULU

¹⁶ Nusangishe bantu, babuele bonsu muaba wa tshijila! Nusangishe bakulumpe ne bana, too ne batshidi bamua dibela. Nanku batshidi babueleleku mu dibaka, bapatuke mu nzubu yabu, basangile pamue ne bakuabu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁶ sangishai bantu. Jidilai disangisha, sangishai bakulu ne bantu, sangishai bana ne bana batshidi bamua mabele. Mubaki wa mukashi ahatuke mu nsubu muandi, mukashi mubaka ahatuke mu ntenta wandi.

Yowele 2:16 교차 참조

2 Kulondolola 20:13

Bena Yuda bonsu, bakaji kabidi ne bana, bavua bimane kulu kumpala kua muaba wa tshijila.

2 Kulondolola 29:5

kubambilaye ne: — Ntelejayi, nuenu ndelanganyi ya Levi. Umushayi mikiya yenu mpindiewu. Pashishe numushe mikiya idi nzubu wa Maweja-Nangila Mvidi Mukulu wa bankambua benu nayi. Nupatule mu nzubu amu bintu bionsu bidi ne mikiya.

2 Kulondolola 30:17

Bu muvua bantu bavule bavua basangile bikale ne mikiya, kabayi mua kulambula Mvidi Mukulu milambu, bena Levi bavua bashipa nyama pa mutu pa bantu abu.

2 Kulondolola 30:19

“Maweja-Nangila, Mvidi Mukulu wa bankambua betu, ufuile bantu aba luse, nansha bobu kabayi banji kumusha mikiya, kabayi lelu bantu ba tshijila. Kadi badi amu baditatshisha ne muoyi wabu mujima bua kumanya tshiudi musue.”

2 Kulondolola 35:6

Nudi ne bua kulambula milambu ya Dipita dia Maweja-Nangila. Nanku, umbushayi mikiya yenu, nuambuluishe bana benu bena Izrayele, bua tshibilu tshienzeke anu bilondeshile mikenjiivua Maweja-Nangila muambile Moshe.

Yobe 1:5

Pavua masanka ajika, Yobe uvua ubikidisha bana bende, ujuka patshiatshia, ulambula Mvidi Mukulu mulambu wa kosha bua kukobolola yonsu wa kudibu. Yobe uvua wela meji ne: “Bumue bana banyi mbenzele Mvidi Mukulu bibi, nansha bapenda Mvidi Mukulu mu meji abu kabayi bamanye.” Ke muvua Yobe wenza misangu yonsu nanku.

Misambu 19:5

Kadi diyi diabi didi ditangalaka buloba bujima, miaku yabi yumvuika ne ku ndekelu kuabu. Mvidi Mukulu mmuashile diba nzubu mu diulu.

Ekesode 19:10

Maweja-Nangila kuambila Moshe ne: — Pingana kudi bantu, ubambile ne: “Lelu ne malaba numushe mikiya, nusukule kabidi bilamba bienu.”

Ekesode 19:15

Moshe kubambila kabidi ne: — Munkatshi mua matuku asatu, kanubueledi bakaji mu nzubu to.

Ekesode 19:22

Batuangaji badi mua kufika pabuipi nanyi, kadi bumushe mikiya. Tshianana ndi mua kubashipa.

Yowele 1:14

Nuele diyi bua bantu bajile biakudia, nubueje tshisangilu tshinene, nusangishe bakulu, ne bantu bakuabu bonsu ba mu ditunga, bafike mu nzubu wa Mvidi Mukulu wetu, bamusengelele bua atuambuluishe.

Matayi 21:16

Kukonkabu Yezu ne: — Udi mumvue mudibu bamba anyi? Yezu kubandamuna ne: — Eyowa. Kadi kanuena babale Mukanda wa tshijila anyi? Badi bafundamu ne: “Uvua muenze bua bana batekete mene, nansha batshidi bamua mabele, bakutumbishe.”

Matayi 9:15

Ke Yezu kubakonka ne: — Nudi nuela meji ne: bantu batshidi basomba ne musedianganyi mu tshibilu tshia dibaka, badi mua kubungama anyi? Nansha kakese! Kadi matuku adibu bumusha musedianganyi, nebajile biakudia.

1 Korente 7:5

Kanubenganganyi mu nzubu. Panuikala basue kubengangana nanku, nuanji kumonangana. Nuenze kabidi nanku amu bua matuku makese, bua numone mua kutendelela muenu muonsu. Pashishe nudisange tshiakabidi mu nzubu, muenu mua tshibidilu. Kanuyi benze nanku, nudi mua kupanga kudilama, diabolu udi mua kunuteya, kunutshimuna.

Yoshua 7:13

Mpindiewu, ndaku, ambila bena Izrayele badilongolole bua tumonangane nabu. Kadi badikobolole, bumushe mikiya, bafike malaba tumonangane. Bualu meme Maweja-Nangila Mvidi Mukulu, ndi njadikila bena Izrayele ne: “Nudi bangate bintu bimvua munukandike ne: kanuangatshi. Kanuena mua kupita baluishi benu bukole panudi kanuyi bumushe bintu abi to.

Yoshua 8:35

Yoshuwa kubadila bena Izrayele mikenji yonsu ya Moshe anu mushindu uvuaye muyifunde mu mukanda. Diba divuaye ubabadila, bena Izrayele bonsu bavuaku, kabidi ne bakaji, bana, ne benyi bavua munkatshi muabu, bavua amu bateleje.

1 Samuele 16:5

Samuwele kuandamuna ne: — Eyowa, ndi mufike bua kulambula Maweja-Nangila mulambu. Nanku, nujikije mikiya yonsu inudi nayi, bua tuye nenu. Samuwele kubikidisha kabidi ne Ishayi ne bana bende ba balume, bua bajikije mikiya yabu, badisanga nende ku mulambu.