Yowele 2:10 - MUKANDA WA MYIDI MUKULU

¹⁰ Padi mpasu eyi isemena pabuipi, buloba budi buzakala, diulu didi dinyungakana, ngondu ne diba bidi bibuitshidila, mitotu kayena ikenka kabidi.

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Buloba budi buzakala ku mpala kuai; diulu didi dikanka; ngondo ne diba bidi bilua mîdima, ne mitoto idi ikanda dinkenke diai.

Yowele 2:10 교차 참조

Misambu 114:7

Buloba bumona Maweja-Nangila ufika, kuzakala, kukuatshika bowa kumpala kua Mvidi Mukulu wa Yakobe.

Misambu 18:7

Dikenga kumpita, meme kubikila Maweja-Nangila, mmuela mbila bua angambuluishe. Maweja-Nangila mu nzubu kumvua diyi dianyi, muadi wanyi kufika kudiye.

Yeshaya 13:10

Mitotu ya mulu, ne bidimina nzaji kabiakukenka kabidi to. Diba nedibuitshidile, amu patshididi dipatuka. Ngondu kakutokesha kabidi ne nkenke yende to.

Yeshaya 34:4

Mitotu ne mabulunge a kulu, bidi bienda bisunsuka. Badi bavunga tshibuashibuashi, bu mudibu bavunga mukanda. Bia mulu bionsu bidi bipona, bu mabeji muume a muonji wa mvinyo, nansha a mutshi wa mfiku.

Yeshaya 5:30

Dituku adi, nebabuele mu ditunga dia bena Izrayele, benda beela bibingu bikole, bu biona bia mayi manene. Bantu nebatangile mu ditunga, kadi kabakumona tshintu to, amu midima mikole, ne mavuba adi abuikila butoke.

Yirmeya 4:23

Ndi ntangila mmona ne: buloba budi amu munda mutupu bu tshipela. Mu tshibuashibuashi kamuena mitotu kabidi to. Diulu kadiena dikenka to.

Yowele 2:2

Dituku adi ndia miidima mikole, ndia mavuba ne mabungi. Tshisumbu tshia mpasu tshidi tshifika, tshinene, tshikuatshisha bowa! Tshidi tshifikisha panshi, bu mudi butuku bufikisha pa mikuna. Katshia kabena banji kumona bualu bua mushindu ewu, kabena mua kubumona kabidi to.

Yowele 3:4

Dituku dia Maweja-Nangila kadiyi dianji kufika, dituku dinene didi dikuatshisha bantu bowa, diba nedibuitshidile, ngondu neakunzubile bu mashi.”

Amosa 5:8

Uvua muenze mitotu, tshidimina nzaji, mbua-nyama-ne-muntu. Udi ukudimuna midima, uyenza butoke bua mu dinda. Udi wandamuna munya, uwenza butuku. Udi ubikila mayi a mu mayi manene, wapuekesha pa buloba, ulokesha mvula. Dina diende Maweja-Nangila.

Nahume 1:5

Mikuna minene idi ikanka kumpala kuende, mikuna mikese idi itenkakana. Padi Mvidi Mukulu umueneka, buloba ne bonsu badi basombapu bidi bizakala.

Matayi 24:29

— Pajika matuku a dikenga awu, diakamue diba kadiakumueneka kabidi, ngondu kakukenka, mitotu neituke mulu, makole a mulu neanyungakane.

Matayi 27:51

Diba adi, tshilamba tshiyuabu balembeleje mu nzubu wa Mvidi Mukulu kupandikatshi kulu ne panshi bitupa bibidi. Buloba kuzakala, mbuebue kuela mitanta,

Bienzedi 2:20

Dituku dinene dia Maweja-Nangila, dituku dia butumbi, kadiyi dianji kufika, diba nediandamuke miidima, ngondu neakunze bu mashi.

Didimanyisha 20:11

Pashishe meme kumona nkuasa munene mutoke wa butumbi, ne uvua musombepu. Buloba ne diulu bivua bimunyema lubilu, bijimina kashidi.

Didimanyisha 6:12

Pashishe meme kumona Muana wa mukoku ulamuna tshitampi tshisambombu. Tshikumina tshikole kuenzekatshi. Diba kufuka, bu tshilamba tshia madilu. Ngondu mujima kukunza bu mashi.

Didimanyisha 8:12

Mutumibue muinayi kuela mpungi. Kutuutabu tshia bisatu tshia diba, tshia ngondu, ne tshia mitotu. Nanku tshia bisatu tshia bukenka buabi kujimina. Muvua amu miidima tshia bisatu tshia dituku, ne tshia bisatu tshia butuku kabidi.

Didimanyisha 9:2

Mutotu unzulula kandondu, muinshi kupatukamu, mufuane wa mu tshikutu tshinene tshia kapia. Kufiikishawu diba ne kapepe.