Yowele 1:7 - MUKANDA WA MYIDI MUKULU

⁷ ibutula mitshi yetu ya mfiku butubutuu, iyikunya, iyivula bizubu, ishiya amu ku matamba kutooka too.

Mukanda wa Nzambi Dihungila Dikulukulu ne Dihungila Dihia-dihia 2003

⁷ Tshiakunyanga mionshi yanyi ya tumuma tua nvinyo, tshiakuvuisha mitshi yanyi ya nfigi bu mitshi miume; tshiakubula bihusu ne tshiakubimasha; matamba au akulua matoke tô.

Yowele 1:7 교차 참조

Misambu 105:33

Kushidishaye mionji yabu ya mvinyo ne mitshi yabu ya mfiku, kutshibulaye mitshi ivua mu ditunga diabu.

Ekesode 10:14

Mpasu ayi ivua mipite bungi mu ditunga dijima dia Ejipitu, ikila miaba yonsu. Katshia mpasu kayivua mianji kumueneka bungi abu. Kabidi mikuabu kayena mua kumueneka kabidi bungi abu to.

Ekesode 10:15

Ivua mikile panshi, mipafikishe fitutuu. Ivua idia bintu bionsu bivua mabue a mvula kaayi manyange too ne bimuma bionsu bivua ku mitshi. Ka-kuvua kushala tshintu tshibishi nansha tshimue ku mitshi yonsu ya mu ditunga dia Ejipitu nansha pa madimi.

Yeshaya 24:7

Mionji ya mvinyo idi ifubidila. Kamuena kabidi mvinyo mupiamupia. Bavua basanka kale, badi batua mikemu.

Yeshaya 32:12

Dikumayi bianza pa tshiadi, nudile miadi; jingayi budimi buenu bulenga, ne mionji yenu ya mvinyo ivua ikuama bimpe.

Yeshaya 5:6

Nebushale lububa: muntu nansha umue kena mua kusolela budimi abu, muntu kena mua kubuipidila kabidi Meba ne mingonga nebitolokemu. Nenkandike mavuba, bua mvula kalokedi kabidi mu budimi ebu.”

Yirmeya 8:13

Maweja-Nangila udi wamba ne: pandi musue kupola tumuma tua mvinyo munkatshi mua bantu banyi, tshiena mpeta kamuma nansha kamue, tshiena mpeta tshimuma nansha tshimue tshia mutshi wa mfiku. Mabeji a mutshi mene adi mafubidile. Nanku, ndi ndekela mitshi eyi, ishale ya bantu bonsu badi bapita mu njila.

Osheya 2:12

Eyowa, neuwule mukaji awu bilamba, babayende batangile. Muntu kena mua kunkandika to.

Yowele 1:12

Mionji ya nwinyo mmiume, mitshi ya mfiku mmifube. Mitshi yonsu ya bimuma mmishawuke. Disanka dionsu ndijike munkatshi mua bantu.

Amosa 4:9

Mvua mutumine bia pa madimi emu mabeedi, bua bifube, bibolele mu madimi. Ndi munyange mitshi yenu, ne mionji ya mvinyo; mpasu kudia mitshi ya mfiku, ne ya olive. Kadi kanuena bapingane kundi. Meme Maweja-Nangila ndi njadika nanku.

Abakuke 3:17

Mitshi ya mfiku kayena ikuama bimuma, mu mionji ya nwinyo kamuena tumuma, ku mitshi ya olive kudi kutupu, biakudia kabiena bitoloka mu madimi, mu mpangu kamuena mikoku, ngombe kayena ilala mu bikumbi.

Malaki 3:11

Nenkandike bishi bua kabinyangi bia pa madimi, kabipangishi mionji yenu ya nwinyo bua kukuamayi. Meme Maweja-Nangila wa bukole buonsu ndi nnulaya nanku.