Yowele 1:19 - MUKANDA WA MYIDI MUKULU

¹⁹ Maweja-Nangila, wewe ke undi mbikila! Kapia nkoshe bisosa bia mu mpata, ndimi ya kapia mmidie mitshi yonsu ya mu madimi.

Mukanda wa Nzambi Dihungila Dikulukulu ne Dihungila Dihia-dihia 2003

¹⁹ Yehowa, ndi ndila kûdi; bualu bua kahia kakuosha mpata ya mashinde a mu tshihela, ne ludimi lua kahia luakuosha mitshi yonso ya mu mpata.

Yowele 1:19 교차 참조

Misambu 50:15

Pakukuata dikenga, umbikile nenkusungidile. Nenku neuntumbishe!

Misambu 91:15

Pambikilaye bua kumuambuluisha, nemmuambuluishe, mu dikenga nengikale pabuipi nende, nemmusungidile, nemmutumbishe.

Yirmeya 14:4

Babidime badi ne dibungama. Kanyinganyinga kadibu naku kadi kamueneka. Badi bamona buloba buela mitanta, bualu mvula kavua muloke to.

Yirmeya 3:9

Kuendaye tshiendenda ne mvidie ya mabue ne ya mitshi. Ke muvua Yuda munyangakaje ditunga.

Yirmeya 9:10

Maweja-Nangila udi wamba ne: “Nengandamune Yerushalayime ashale dikolu, muaba udi nyama ya mibuabua isomba. Bimenga bia bena Yuda nebishale tshipela, kabiyi ne bantu to.”

Yirmeya 9:9

Ndi ngela miyenga bualu bua mikuna. Ndi ndila muadi mukole, bualu bua mpata ya mu ditunga. Bualu bintu bionsu bivuamu, mbamane kubinyanga, kubiosha. Muntu kena upitshilamu kabidi to. Nansha muadi wa bimuna kawena umvuikamu kabidi to. Nyunyi ne nyama ya muitu mene mbijiminemu, mbimane kuya bionsu.

Yowele 2:3

Mpasu eyi idi ibutula bionsu, bidi kumpala ne bidi kunyima kuayi, bu mudi kapia kabutula, kashidisha. Pavua mpasu eyi kayiyi mianji kufika, buloba buvua bu lupangu lua Edene. Kadi mpindiewu budi tshipela. Kayena mishiye tshintu nansha tshimue.

Amosa 1:2

Amosa kuamba ne: Maweja-Nangila udi wakula ne tshiji, ukungula bu ntambue. Diyi diende ndifumine ku mukuna wa Siyone, ku Yerushalayime, muaba udiye usomba. Mpata ya bisosa bivule idi ifuba yonsu. Ku lusongu lua mukuna wa Karmele, nansha metu mene adi uma.

Amosa 7:4

Ke Maweja-Nangila Mvidi Mukulu kundeja bualu bukuabu: kubikilaye kapia kakole bua kanyoke bantu. Kapia kukamisha mayi onsu, nansha a muinshi mua buloba. Kakavua kashidisha ditunga dia bena Izrayele.

Mika 7:7

Kadi meme ndi ntangila kudi Maweja-Nangila. Bu mundi ntekemena Mvidi Mukulu, neansungidile. Mvidi Mukulu wanyi neumvue dilomba dianyi.

Luke 18:1

Pashishe bua kulongesha balongi bende mudibu ne bua kutendelela diba dionsu, kabayi batekesha mu maboku, Yezu kubelela lusumuinu ne:

Luke 18:7

Kadi Mvidi Mukulu kakukosa nsambu ya bena diende badi bamubila munya ne butuku pa yoyi anyi? Kakubambuluisha pa lukasa anyi?