Yowele 1:13 - MUKANDA WA MYIDI MUKULU

¹³ Nuenu batuangaji, vualayi bilamba bia mu madilu! Nuenu badi benza mudimu ku tshilambuilu, dilayi! Nuenu bantu ba Mvidi Mukulu wetu, luayi, bungamayi butuku bujima! Bualu milambu ya ntete, nansha ya maluvu, kabatshiena bafika nayi mu nzubu wa Mvidi Mukulu.

Mukanda wa Nzambi Dihungila Dikulukulu ne Dihungila Dihia-dihia 2003

¹³ Luatai bilulu bikayabala, asai muadi, nuenu bakuidi, asai muadi, nuenu bakuatshi ba mudimu wa tshioshelu; luai bienu, lalai baluate bilulu bikayabala bufuku bujima, nuenu badi bakuatshila Nzambi wanyi mudimu! Bualu bua mulambu wa bia kudia ne mulambu wa bia kunua yakûmushibua mu nsubu wa Nzambi wenu.

Yowele 1:13 교차 참조

2 Samuele 12:16

Davide kusengelela Maweja-Nangila bua muana awu, kujila biakudia. Pavuaye mubuele mu nzubu muende, kulalaye panshi butuku bujima.

1 Bakalenga 21:27

Mukalenga Akabe umvua malu onsu avua Maweja-Nangila mumuambile mukana mua muambi, kunyingalalaye bikole. Kupandaye bilamba biende. Kuvualaye anu tshilamba tshikayabale nkayatshi pambidi. Kujilaye biakudia. Uvua anu ne tshilamba atshi tshikayabale too ne pa kulala. Uvua wenda anu bitekete.

Yeshaya 22:12

Dituku adi, Maweja-Nangila, Mvidi Mukulu muena bukole buonsu, uvua munubele bua nudile muadi, bua nunyingalale, nubeye nsuki, nuvuale bilamba bia mu madilu.

Yeshaya 61:6

Nuenu mene nebanuinyike ne: “Ke batuangaji ba Maweja-Nangila.” Bantu nebanutele bamba ne: “Ke bantu badi bakuatshila Mvidi Mukulu wetu mudimu.” Nenusankile ku mpetu ya bukua matunga. Nenuditembe ne bintu biabu.

Yirmeya 4:8

Vualayi bilamba bikayapale, nudile miadi, nudituute bianza pa tshiadi. Bualu Maweja-Nangila utshidi ne tshiji, unulondakaja ne tshiji tshiende tshikole.

Yirmeya 9:10

Maweja-Nangila udi wamba ne: “Nengandamune Yerushalayime ashale dikolu, muaba udi nyama ya mibuabua isomba. Bimenga bia bena Yuda nebishale tshipela, kabiyi ne bantu to.”

Yezekiyele 21:12

Nebakuebeje ne: udi utua mikemu bua tshinyi? Newandamune ne: “Ndi mupete lumu lubi, lukadi pa kukumbana. Bianza biabu nebilengelele kabiyi ne bukole. Binu biabu nebitutakanangane. Nebasukuile mu bilamba bua bowa. Mioyi neyitekete. Tshikondu tshia kubanyoka tshikadi pabuipi. Telejayi! Bionsu abi nebikumbane mpindiewu. Maweja-Nangila ke udi umanyisha malu awu.”

Yezekiyele 27:31

Bavua babeya nsuki bualu buebe, bavuala bilamba bikayabale. Bavua babungama, bakudila, batua mikemu bikole.

Yezekiyele 7:18

Nebavuale bilamba bikayapale. Luzakalu nelubakuate. Bundu budi bumuenekela pa mpala yabu. Nebakungule bonsu mu mitu yabu.

Osheya 9:5

Nenuenze tshinyi bua kulongolola tshibilu tshia dituku dia Maweja-Nangila?

Yowele 2:12

Maweja-Nangila udi wamba ne: “Patshidiku diba, pinganayi mpindiewu kundi, ne muoyi wenu mujima. Nujile biakudia, nudile muadi, nuntendelele!

Yowele 2:14

Misangu mikuabu udi mua kushintulula meji adiye nawu, kunusankisha pa mutu pa kunukengesha. Diba adi, nudi mua kumutuadila milambu, ya ntete, ne ya maluvu.

Yowele 2:17

Batuangaji, badi bakuatshila Maweja-Nangila mudimu, badidile muadi mu nzubu wa Mvidi Mukulu, pankatshi pa tshibuelelu ne tshilambuilu, basengelele Mvidi Mukulu, bamuambile ne: “Maweja-Nangila, utufuile luse, tudi bantu bebe, kutufuishishi bundu, kuanyishi bua bantu batuseke, batukonke ne: ‘Tshidi Mvidi Mukulu wabu ubenzela ntshinyi?’ ”

Dibadika 28:14

Ku mulambu wa ngombe yonsu, nenusakidile mulambu wa maluvu a mvinyo litre isatu, ku mukoku wa tshimpanga, mvinyo litre ibidi, ku wa muana wa mukoku, mvinyo litre umue ne tshitupa. Ke milambu inudi ne bua kundambula mu ntuadijila wa ngondu yonsu.

Dibadika 28:4

Nungoshile mukoku umue dinda, mukuabu dilolu.

Dibadika 28:7

Dinda nulambule muana wa mukoku muaba wa tshijila, pamue ne litre wa mvinyo umue ne tshitupa.

Dibadika 29:6

Nuenu bamane kungoshila milambu ya dituku dionsu, ne ya dituku dia kumpala kua ngondu, pamue ne milambu ya tshibidilu ya bukula ne ya maluvu a mvinyo, nenundambule kabidi milambu yonsu eyi, bua dipembu dimpe dia milambu ya kuosha eyi dinsankishe.

1 Korente 4:1

Nudi ne bua kututangila bu bantu badi bakuatshila Kristu mudimu, badi ne bujitu bua kulongesha malu masokome a Mvidi Mukulu.

1 Korente 9:13

Nudi bamanye bimpe ne: badi benza mudimu mu nzubu wa Mvidi Mukulu, badi bapeta biakudia biabu ku bidi bantu bela mu nzubu amu. Badi balambula milambu pa tshilambuilu, badi bapeta tshiabu tshitupa tshia milambu eyi.

2 Korente 11:23

Badi bakuatshila Kristu mudimu anyi? Nanku, — ndi ngakula bu muntu mujimije lungenyi — meme kabidi ndi mukuatshile Kristu mudimu, mubapite bonsu! Bayua bankengesha bipite muyuabu babakengesha bobu. Bayua bangela mu lukanu misangu ya bungi. Bayua bantuuta bipite. Meme kubuela mu njiwu ya lufu misangu ne misangu.

2 Korente 3:6

Bualu Yeye mmutuenze bena mudimu ba ndondu mupiamupia. Mu ndondu awu, Mvidi Mukulu kena mutupe mikenji idibu bafunde nansha, kadi mmutupe Mueyelu wende. Mikenji idibu bafunde idi itufikisha ku lufu, kadi Mueyelu udi utufikisha ku muoyi.

2 Korente 6:4

Kadi mu malu onsu tudi tuleja mutudi tukuatshila Mvidi Mukulu mudimu. Tudi tulama lutuulu mu makenga, mu ntatu, ne mu njiwu.

Didimanyisha 11:3

Meme nentume bajadiki banyi babidi, bavuale bilamba bikayapale. Matuku tshinunu nkama ibidi ne makumi asambombu aa, nebamanyishe bantu bidi Mvidi Mukulu mubambile.