Yowele 1:12 - MUKANDA WA MYIDI MUKULU

¹² Mionji ya nwinyo mmiume, mitshi ya mfiku mmifube. Mitshi yonsu ya bimuma mmishawuke. Disanka dionsu ndijike munkatshi mua bantu.

Mukanda wa Nzambi Dihungila Dikulukulu ne Dihungila Dihia-dihia 2003

¹² Muonshi wa tumuma udi munyanguke, mutshi wa nfigi udi ufuba; mutshi wa grenadier, wa dibue, wa pommier, mitshi yonso ya mu budimi mene yakufubidila; bua muanda eu disanka diakushika munkatshi mua bukua bantu.

Yowele 1:12 교차 참조

Misambu 4:7

Bantu ba bungi badi badiabakena, bamba ne: “Watumuenesha diakalenga nnganyi? Bualu Maweja-Nangila kena ututangila kabidi ne muoyi muimpe!”

Misambu 92:12

Ndi mumone mudibu batshimuna bena lukuna banyi, ndi mumvue muadi wa badi banduisha.

Musambu wa Solomo 2:3

Padi munanga wanyi munkatshi mua bansongalume nende, udi bu mutshi muimpe wa bimuma munkatshi mua mitshi ya ditu. Ndi ne disanka dia kuikisha mu dileji diawu, dia kupola bimuma biawu bisheme.

Musambu wa Solomo 4:13

Udi bu lupangu luimpe lua mitshi ya ngrenade, idi ikuama bimuma bisheme. Mudi bilongu ne mitshi bishilangane bidibu mua kuenza nabi manananshi a mishindu ne mishindu.

Yeshaya 16:10

Kanutshiena ne disanka, bua mitshi yenu ya bimuma to. Kanutshiena nusanka, nutshionkomoka bua madimi enu a mvinyo to. Bualu mu mabungu a maluvu mmushale mutupu, bakami ba tumuma bonsu mbumuke, misambu ya bakami ba maluvu mmikoseke.

Yeshaya 24:11

Bantu badi badidila mu misesu, bualu kabatshiena ne mvinyo. Disanka dionsu ndijike, tuseku ntujimine mu ditunga.

Yeshaya 24:7

Mionji ya mvinyo idi ifubidila. Kamuena kabidi mvinyo mupiamupia. Bavua basanka kale, badi batua mikemu.

Yeshaya 9:3

Bualu udi utshibula lelu mujuwu wa bupika, wa bujitu bunene butambe, mutshi udi ubashila mputa pa makaya, mulangala udi muena tshinyangu ubakuma nawu. Ke muuvua muenze kale, pauvua mutshimune bena Madiyane.

Yirmeya 48:3

Bena mu tshimenga tshia Oronayime nebalombe diambuluisha, bela miyenga ne: “Badi batubutula! Badi banyanga bantu!”

Yirmeya 48:33

Mu madimi a mvinyo a bena Mowabe, kamuena kabidi disanka, kamuena kabidi musangelu. Kamuena maluvu a mvinyo adi mashale mu milondu. Kamuena kabidi bantu badi mua kukama tumuma tua mvinyo. Bantu kabena bumvua kabidi mbila yabu ya disanka, kadi amu dikenga.

Yowele 1:10

Madimi mmanyangakaja, buloba mbuume. Kamutshiena ntete ya kuenza bukula, kanutshiena maluvu. Kamutshiena mafuta, nansha dimata!

Yowele 1:16

Bu mudi biakudia bietu bijimine, katuyi mua kuenza bualu, ke mudi disanka ne musangelu biumuke mu nzubu wa Mvidi Mukulu wetu.

Yona 4:7

Butshia dinda, pa kabundubundu, Mvidi Mukulu kutuma tshishi. Kudiatshi mutshi awu, mutshi kufuba.

Agayi 2:19

Mu mayeba enu kanutshiena ntete ya kuenza bukula to. Mionji yenu ya nwinyo, mitshi ya mfiku, mitshi ya ngrenade, mitshi ya olive, kabivua bikuama to. Kadi biangatshile dituku dia lelu, nennusankishe. Mitshi yenu neakuame.

Malaki 3:11

Nenkandike bishi bua kabinyangi bia pa madimi, kabipangishi mionji yenu ya nwinyo bua kukuamayi. Meme Maweja-Nangila wa bukole buonsu ndi nnulaya nanku.

Dibadika 13:23

Kupuekabu mu tshibanda tshia Eshekole. Kukosabu ditamba dia mutshi wa mvinyo dikale ne tumuma. Kupolabu kabidi bimuma bia grenade ne bia mfiku. Kubisuikabu kaba kamue. Bantu babidi kuambula bionsu abi ku mukolu.