Yowele 1:10 - MUKANDA WA MYIDI MUKULU

¹⁰ Madimi mmanyangakaja, buloba mbuume. Kamutshiena ntete ya kuenza bukula, kanutshiena maluvu. Kamutshiena mafuta, nansha dimata!

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Madimi akubutudibua; buloba budi buasa muadi; bualu bua manvua akunyanguka, nvinyo mihia-mihia yakukama, ne manyi adi ahua.

Yowele 1:10 교차 참조

Genese 4:12

Wewe newikale udima, kadi buloba kubuyi butoloka bintu bia nsongu. Newikale muendakanyi pa buloba, kuyi ne muaba wa kusomba.

Yeshaya 15:6

Mayi a ku Nimrime mmanyanguke, mitshi yonsu idi miume; mashinda mmafube. Kakuena kabidi tshisosa tshibishi.

Yeshaya 24:11

Bantu badi badidila mu misesu, bualu kabatshiena ne mvinyo. Disanka dionsu ndijike, tuseku ntujimine mu ditunga.

Yeshaya 24:7

Mionji ya mvinyo idi ifubidila. Kamuena kabidi mvinyo mupiamupia. Bavua basanka kale, badi batua mikemu.

Yirmeya 12:11

Lupangu luanyi lukadi bu lububa. Bavua banyanga bionsu, ki mbashiya tshintu nansha tshimue! Utshidi nalu ne bualu nnganyi?

Yirmeya 12:4

Ditunga nedikale mu dikenga, bia mu madimi nebiume too ne ku diba kaayi? Nyama ne nyunyi ya mu ditunga idi ifua bua tshilema tshidi bantu benza. Bualu badi bamba ne: “Maweja-Nangila kena umona bitudi tuenza to.”

Yirmeya 48:33

Mu madimi a mvinyo a bena Mowabe, kamuena kabidi disanka, kamuena kabidi musangelu. Kamuena maluvu a mvinyo adi mashale mu milondu. Kamuena kabidi bantu badi mua kukama tumuma tua mvinyo. Bantu kabena bumvua kabidi mbila yabu ya disanka, kadi amu dikenga.

Osheya 4:3

Nanku, mu ditunga nemuikale munanga mukole, udi ubutula bantu bonsu, too ne nyama ne nyunyi. Nansha minyinyi ya mu mayi manene neijimine.”

Osheya 9:2

Kadi ntete ya bukula idibu bashipula, ne mafuta adibu bakama, kanuakubiangata to. Maluvu a mvinyo mapiamapia anudi batekemene, nenumvue anu mupuya wawu.

Yowele 1:12

Mionji ya nwinyo mmiume, mitshi ya mfiku mmifube. Mitshi yonsu ya bimuma mmishawuke. Disanka dionsu ndijike munkatshi mua bantu.

Yowele 1:5

Nuenu bakuatshiki ba maluvu, jukayi, dilaayi! Nuenu bonsu banu ba nwinyo, asayi miadi! Bualu bishi mbimane kudia tumuma tuonsu; nanku kanuakunua kabidi nwinyo mupiamupia!

Yowele 2:19

Udi ubenzela bidibu bamulomba, ubalaya ne: “Nennutumine tshiakabidi ntete ya kuenza bukula, maluvu ne mafuta. Nenuhidie nukute! Tshiena nnufuisha kabidi bundu, munkatshi mua bisamba bia bende.

Lewitiki 26:20

Nenuditatshishe bua kudima, kadi biakudia kabiakutoloka, mitshi kayakukuama bimuma.

Abakuke 3:17

Mitshi ya mfiku kayena ikuama bimuma, mu mionji ya nwinyo kamuena tumuma, ku mitshi ya olive kudi kutupu, biakudia kabiena bitoloka mu madimi, mu mpangu kamuena mikoku, ngombe kayena ilala mu bikumbi.

Agayi 1:11

Meme kunutumina minanga mu ditunga: pa mikuna, mu madimi a ntete ya kuenza bukula, a mionji ya nwinyo, a mitshi ya olive, ne mu madimi a bikunyibua bikuabu bionsu. Bantu ne nyama kukenga ku minanga ayi. Nanku, nuvua bakuate mudimu amu tshianana.”

Malaki 2:3

Nennyoke kabidi ndelanganyi yenu. Nennuele tumvi mu mesu, tumvi tua nyama inudi nuosha mu bibilu bienu. Nebanuimanshe nuenu pamue ne tumvi atu.