Yowanane 9:3 - MUKANDA WA MYIDI MUKULU

³ Yezu kubandamuna ne: — Bufofu ebu ki mbufumine ku bubi buende nansha ku bubi bua baledi bende to. Kadi udi mpofu bua midimu ya Mvidi Mukulu imuenekele kudiye.

Mukanda wa Nzambi Dihungila Dikulukulu ne Dihungila Dihia-dihia 2003

³ Yesu wakabandamuna ne, Kabakuenza bualu bubi kudi muntu eu anyi kudi bamuledi; bualu ebu buakulua bua malu adi Nzambi wenza amueneke bualu bua muntu au.

Yowanane 9:3 교차 참조

Yobe 21:27

Kadi ndi mumanye meji anudi nuela. Nudi nukeba kumpisha ne nkonku yenu.

Yobe 32:3

Uvua kabidi mufikile bantu basatu aba munda, bualu kabavua mua kuandamuna Yobe, bafuana kupisha nanku Mvidi Mukulu.

Yobe 42:7

Maweja-Nangila mumane kuyukila ne Yobe, kuambilaye Elifaze wa mu tshimenga tshia Temane ne: — Wewe ne balunda bebe babidi, ndi munufikile munda. Bualu kanuena balongesha mu bulelela malu adi antangila, bu muvua muntu wanyi Yobe muenze.

Matayi 11:5

mpofu idi imona, batebuki badi benda, bena nsudi badi bapanda, bena mapapa badi bumvua, bafue badi babika, bapele badi babamanyisha Lumu lua Disanka.

Yowanane 11:4

Yezu mumane kumvua lumu elu, kuambaye ne: — Disama dia Lazare ki ndia lufu to. Didi bua kuleja mudi bukole bua butumbi bua Mvidi Mukulu, kabidi bua kutumbisha Muana wa Mvidi Mukulu.

Yowanane 11:40

Yezu kumuandamuna ne: — Tshivua mukuambile ne: wewe muitabe, neumone butumbi bua Mvidi Mukulu anyi?

Bienzedi 28:4

Pavua bena ditunga bamona nyoka mulembelela ku tshianza tshia Polu, kuambilanganabu ne: — Bushuwa, ewu mmushipianganyi. Nansha yeye mupanduke ku mayi, Mvidi Mukulu udi amu umunyoka!

Bienzedi 4:21

Bena Tshipangu kubakanyina tshiakabidi, pashishe kubalekelabu. Kabavua ne mushindu wa kubanyoka, bualu bantu bonsu bavua batumbisha Mvidi Mukulu bua bivua bienzeke.

1 Yone 4:16

Tuetu tudi bamanye, bitabe kabidi dinanga didi Mvidi Mukulu mutunange nadi. Mvidi Mukulu udi dinanga. Muntu udi unanukila mu dinanga, udi ushala munda mua Mvidi Mukulu, Mvidi Mukulu kabidi udi ushala munda muende.

1 Yone 4:9

Mvidi Mukulu uvua mutuleje dinanga diende nenku: wakatuma Muanende umuepele mu bantu, bua tupetele muoyi kudiye.