Yowanane 8:21 - MUKANDA WA MYIDI MUKULU

²¹ Yezu kubambila kabidi ne: — Meme nengumuke. Nenunkebe. Kadi nenufuile mu malu enu mabi. Kanuena mua kuya kundi nya.

Mukanda wa Nzambi Dihungila Dikulukulu ne Dihungila Dihia-dihia 2003

²¹ Yeye wakabambila kabidi ne, Nengumuke bianyi, nenunkebe, nenufue mu bubi buenu; kanuena bamanye mua kulua kunaya.

Yowanane 8:21 교차 참조

1 Bakalenga 18:10

Bu mudi Maweja-Nangila Mvidi Mukulu webe ne muoyi, ndi nkujadikila ne: mfumuanyi Akabe mmutume bantu mu bisamba bionsu ne mu makalenga onsu bua kukukebabu. Pavua bamfumu ba matunga bamba ne: “Muambi Eliya kena kuetu to,” bavua ne bua kuditshipa bua kujadika ne: kabena bakumona to.

Yobe 20:11

Uvua mudiumvue ne bukole bu nsongalume. Kadi bionsu abi nebiye nende mu lukita.

Nsumuinu 11:7

Padi muntu mubi ufua, biwaye utekemena bidi bifua kabidi, nangananga biwaye utekemena kupeta ku biuma biende.

Nsumuinu 14:32

Malu mabi adi muntu mubi wenza adi amufila ku kabutu. Kadi muntu muakane udi utekemena kudi Mvidi Mukulu, nansha pakadiye pa kufua.

Yeshaya 65:20

Kabakusangana kabidi muana mutekete ufua ne bidimu bikese, nansha mukulumpe udi kayi ukulakaja uboboka. Bualu wafua mutekete amu udi ufua pa mvula lukama. Wikale kayi mupete bidimu ebi, nebamutangile bu muntu muela mulawu.

Matayi 23:39

Ndi nnujadikila ne: kutuadija ku mpindiewu, kanuakummona kabidi, too ne panuela mbila ne: “Udi uvua mu dina dia Maweja-Nangila, Mvidi Mukulu amuele lupemba!”

Matayi 25:41

Pashishe mukalenga neambile bantu badi ku diende dia bakaji ne: “Umbukayi pandi, nuenu badi Mvidi Mukulu muele mulawu! Nuye mu kapia ka tshiendelele, kavuabu balongoluele diabolu ne batumibue bende!

Matayi 25:46

Bavua benza bibi aba, nebaye mu dinyoka dia tshiendelele. Bavua benza bimpe, nebaye mu muoyi wa kashidi.

Yowanane 12:33

(Yezu uvua muambe nanku, bualu uvua musue kuleja bantu lufu luvuaye ne bua kufua.)

Yowanane 12:35

Yezu kubandamuna ne: — Butoke butshidi munkatshi muenu, kadi mbua katupa kipi. Endayi panutshidi ne butoke, bua miidima kuyinujikididi. Bualu muntu udi wenda mu miidima kena mumanye kudiye uya.

Yowanane 13:33

Bana banyi, ntshidi nenu kabidi amu bua meba makese. Nenunkebe. Kadi ndi nnuambila mpindiewu bimvua muambile bena Yuda ne: kanuena mua kuya kundi nya.

Yowanane 7:34

Nenunkebe, kadi kanuakummona kabidi. Bualu kanuena mua kuya muaba undi to.

Yowanane 7:36

Padiye wamba ne: Nenunkebe kanuyi nummona, bualu kanuena mua kuya kundi nya, tshidiye musue kumvuija ntshinyi?

Yowanane 8:24

Ke pandi munuambile ne: nenufuile mu malu enu mabi. Bualu panuikala kanuyi nuitaba ne: “Meme ndi mundi,” nenufue mu malu enu mabi.

Efeze 2:1

Kale nuvua bafue bua bilema bienu, ne bua mibi yenu.