Yowanane 7:16 - MUKANDA WA MYIDI MUKULU

¹⁶ Ke Yezu kubandamuna ne: — Dilongesha dindi ndongesha kadiena difuma kundi, kadi kudi Mvidi Mukulu uvua muntume.

Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Yesu wakabakudimuna dî ne, Diyisha dianyi kandianyi, ndia udi muntume.

Yowanane 7:16 교차 참조

Yowanane 14:10

Kuena witaba ne: ndi munda mua Tatu, kabidi Tatu udi munda muanyi anyi? Miaku indi nnuambila buonsu buenu kayena ifuma kundi. Kadi Tatu udi ushala munda muanyi, ke udi ukumbaja midimu yende.

Yowanane 14:24

Muntu udi kayi munnange, kena utumikila miaku yanyi. Binudi nungumvua ngamba, ki mbianyi to. Kadi mbifumina kudi Tatu uvua muntume.

Yowanane 17:14

Mvua mubapeshe diyi diebe. Ba pa buloba bavua babakina, bualu kabena ba pa buloba, bu mundi meme tshiyi wa pa buloba.

Yowanane 17:8

Bualu mvua mubambile meyi auvua mungambile, bobu kuitaba. Mbitabe ne: mvua mufume kuudi menemene. Mbitabe kabidi ne: wewe ke uvua muntume.

Yowanane 3:11

Ndi nkuambila bulelela ne: Tudi tuakula bitudi bamanye. Tudi tuamba kabidi bituvua bamone. Kadi kanuena nuanyisha bitudi tunujadikila.

Yowanane 3:31

— Muntu udi ufuma mu diulu udi ku mutu kua bionsu. Muntu wa pa buloba udi muena panu, udi wakula malu a panu. Muntu udi ufuma mu diulu udi ku mutu kua bionsu.

Yowanane 5:30

— Tshiena mua kudienzela bualu nansha bumue to. Ndi nkosa nsambu bilondeshile bidi Mvidi Mukulu ungambila. Ndi nkosa nsambu pa yoyi, bualu tshiena nkeba kuenza tshindi musue, kadi amu tshidi uvua muntume musue.

Yowanane 6:44

Muntu kena mua kufika kundi padi Tatu uvua muntume kayi mumufikishe kundi. Meme nemmubishe ku lufu dituku dia nshikidilu.

Yowanane 8:28

Ke Yezu kubambila ne: — Nuenu bamane kuela Muana wa muntu kulu, nenumanye ne: “ndi mundi.” Nenujingulule ne: tshiena ndienzela bualu nansha bumue nkayanyi. Kadi ndi ngamba amu malu adi Tatu mundongeshe.

2 Yone 1:9

Muntu yonsu udi kayi witaba ne dinanukila bidi Kristu ulongesha, kadi uya kua tshianana, kena ne Mvidi Mukulu to. Muntu udi witaba amu bidi Kristu ulongesha, udi ne Tatu, kabidi ne Muana.

Didimanyisha 1:1

Mu mukanda ewu mbafunde muvua Yezu Kristu mudimanyishe. Mvidi Mukulu mmuanyishe bua adileje nanku kudi bantu bende, bua bamanye bidi ne bua kuenzeka amu mpindiewu. Kristu kutuma mutumibue wende, bua abimanyishe Yowanane, muena mudimu wa Kristu.