Yowanane 7:12 - MUKANDA WA MYIDI MUKULU

¹² Bantu bavua belangana mpata bikole bualu buende. Bamue bavua bamba ne: “Mmuntu wa malu mimpe.” Bakuabu ne: “To, udi udinga bantu.”

Mukanda wa Nzambi Dihungila Dikulukulu ne Dihungila Dihia-dihia 2003

¹² Bantu bakatamba kuelangana mpata ya bualu buandi mu musokoko; bakuabo bakamba ne, Udi muntu muimpe; bakuabo ne, Nasha, yeye udi uhambuisha bantu.

Yowanane 7:12 교차 참조

Matayi 10:25

Mbimpe mulongi ikale bu mulongeshi wende, muena mudimu bu mfumuende. Pikalabu binyika mfumu wa diku ne: Belzebule nanku bena diku mene nebabinyike mena mapite bubi.

Matayi 21:46

Nenku kukebabu muvuabu mua kumukuata. Kadi bavua batshina bantu, bualu bantu bavua bitabe ne: Yezu mmuambi.

Matayi 27:63

Kumuambilabu ne: — Mukalenga, tudi tuvuluka muvua muena dishima ewu, pavuaye ne muoyi, muambe ne: “Kunyima kua matuku asatu, nembike ku bafue.”

Luke 18:19

Yezu kumukonka ne: — Udi umbikila muimpe bua tshinyi? Kakuena muntu udi muimpe, amu Mvidi Mukulu nkayende.

Luke 23:47

Mfumu wa basolayi ba bena Rome umona bivua bienzeka, kutumbishaye Mvidi Mukulu, wamba ne: — Bushuwa, muntu ewu kavua ne bualu to.

Luke 23:50

Muvua muena Yuda mukuabu, dina diende Yozefe, wa mu tshimenga tshia Arimateya. Uvua muntu muimpe, mutshinyi wa Mvidi Mukulu, muindile difika dia Bukalenga buende. Uvua kabidi muena Tshipangu tshikulu. Kadi kavua muanyishe muvua bena Tshipangu bakuabu bakose nsambu, nansha malu makuabu avuabu benza.

Luke 6:45

Muntu muimpe udi wenza malu mimpe, bualu muoyi wende udi muimpe. Muntu mubi udi wenza amu malu mabi, bualu munda muende mudi mubi. Bualu mukana mua muntu mudi muamba anu malu adi muwule munda muende.”

Luke 7:16

Bantu bonsu kumvua bowa. Kutumbishabu Mvidi Mukulu, bamba ne: — Muambi munene mmupatuke munkatshi muetu! Mvidi Mukulu mmufike bua kusamba bantu bende!

Yowanane 6:14

Bantu bamona tshishima tshivua Yezu muenze, kuambabu ne: — Bulelela, muntu ewu mMuambi uvua ne bua kulua pa buloba!

Yowanane 7:32

Baparushe kumvua bantu bavule banungana bua Yezu. Ke bamfumu ba batuangaji ne Baparushe kutuma basolayi bua kumukuata.

Yowanane 7:47

Ke Baparushe kubakonka ne: — Mbanudinge ne nuenu kabidi anyi?

Yowanane 7:52

Kumuandamunabu ne: — Wewe kabidi udi muena Ngalileya anyi? Longa Mikanda ya tshijila! Neumone ne: muambi nansha umue katshia ki mmuanji kufuma ku Ngalileya. [

Yowanane 9:16

Bamue Baparushe bavua bamba ne: — Muntu uvua muenze bualu bua nenku kena mua kufumina kudi Mvidi Mukulu to. Bualu kena utumikila mikenji ya dituku dia Dikisha. Kadi bakuabu bavua bamba ne: — Muntu muikale muena malu mabi, udi mua kuenza bishima bia nanku anyi? Ke kupanganganabu munkatshi muabu.

Bienzedi 11:24

Barnabase uvua muntu muimpe, muwule ne Mueyelu wa Tshijila, kabidi ne ditaba. Ke muvua bantu bavua bitaba Mfumu bavulangana bikole.

Rome 5:7

Bidi bikole bua kuanyisha kutuila muntu udi kayi ne bualu. Bumue muntu udi mua kukolesha muoyi, kutuila muntu wa malu mimpe.

Filipe 2:14

Enzayi bionsu, kanuyi nudiabakena, kanuyi nutontolola.