Yowanane 6:57 - MUKANDA WA MYIDI MUKULU

⁵⁷ Tatu uvua muntume udi ne muoyi, meme kabidi ndi ne muoyi kudiye. Momumue kabidi udi undia neapetele muoyi kundi.

Mukanda wa Nzambi Dihungila Dikulukulu ne Dihungila Dihia-dihia 2003

⁵⁷ Bu muakantuma Tatu udi ne muoyo, ne bu mundi ne muoyo bualu bua Tatu, nunku wandia meme neikale ne muoyo bualu buanyi.

Yowanane 6:57 교차 참조

Misambu 18:46

Kabena bantuila nkanana. Badi bapatuka miaba ivuabu basokome, bazakala.

Yirmeya 10:10

Kadi, Maweja-Nangila udi Mvidi Mukulu mulelela. Udi Mvidi Mukulu wa muoyi ne mukalenga wa kashidi. Padiye ne tshiji, buloba budi buzakala. Padiye mufike munda, bisamba bia bantu kabiena mua kumutuila nkanana.

Matayi 16:16

Simone Petro kuandamuna ne: — Wewe udi Kristu, Muana wa Mvidi Mukulu udi ne muoyi.

Yowanane 14:19

Kunyima kua katupa, ba panu kabakummona kabidi to. Kadi nuenu nenummone, bualu ndi ne muoyi, nuenu kabidi nenuikale ne muoyi.

Yowanane 14:6

Yezu kumuandamuna ne: — Ndi njila, ndi bulelela, ndi muoyi. Muntu nansha umue kena mua kuya kudi Tatu kayi mupitshile kundi.

Yowanane 17:21

Ndi ntendelela bua bonsu benze tshintu tshimue. Tatu, benze tshintu tshimue netu, muudi wewe munda muanyi, meme munda muebe. Benze tshintu tshimue bua ba pa buloba bitabe ne: wewe uvua muntume.

Yowanane 3:17

Mvidi Mukulu kavua mutume Muanende pa buloba bua kupisha badi pa buloba, kadi bua badi pa buloba bapetele lupandu kudiye.

Yowanane 5:26

Bualu bu mudi Tatu ne bumfumu bua kupesha bantu muoyi, ke mudiye mupeshe Muana bumfumu bua kupesha bantu muoyi.

Yowanane 6:29

Yezu kubandamuna ne: — Bualu budi Mvidi Mukulu utekemena kunudi, mbua nuenu kuitaba udiye mutume.

Yowanane 6:38

Bualu ndi mufume mu diulu bua kuenza tshidi udi muntume musue, ki mbua kuenza tshindi meme musue to.

1 Korente 15:22

Bu mudi bantu bonsu bafue bualu mbadisange ne Adame, ke mudi bantu bonsu ne bua kubika ku lufu padibu badisanga ne Kristu.

1 Korente 15:45

Bualu Mukanda wa tshijila udi wamba ne: “Adame muntu wa kumpala uvua mupete muoyi,” kadi Adame wa ndekelu udiku ku bukole bua udi ufila muoyi.

2 Korente 13:4

Bushuwa uvua muteketele bantu bayua bamupopele ku mutshi mutshiamakane. Kadi mpindiewu udi ne muoyi ku bukole bua Mvidi Mukulu. Tuetu kabidi, badisange nende, tudi ne butekete. Kadi netupete muoyi pamue nende ku bukole bua Mvidi Mukulu. Nenujadike bualu ebu.

Ngalate 2:20

Nanku udi ne muoyi ki mmeme to. Kadi Kristu udi ne muoyi munda muanyi. Muoyi undi nawu mpindiewu panu, ndi nawu, bualu ndi ngitaba Muana wa Mvidi Mukulu, uvua munnange, mufue kabidi bualu buanyi.

1 Tesalonike 1:9

Bonsu badi balonda munuvua batuakidile bimpe patuvua bafike kuenu, munuvua babenge mvidie, bapingane kudi Mvidi Mukulu wa muoyi ne mulelela, bua kumukuatshila mudimu.

Ebrewu 9:14

Pikalabi nanku, kadi mashi a Kristu neikale ne bukole kaayi? Neikale ne bukole bupite. Ku bukole bua Mueyelu wa tshiendelele, uvua mudilambule nkayende kudi Mvidi Mukulu bu mulambu kauyi kalema. Nanku mashi ende neumushe mu muoyi wetu malu onsu a tshianana, bua tumone mua kuenzela Mvidi Mukulu wa muoyi mudimu.

1 Yone 4:9

Mvidi Mukulu uvua mutuleje dinanga diende nenku: wakatuma Muanende umuepele mu bantu, bua tupetele muoyi kudiye.