Yowanane 6:51 - MUKANDA WA MYIDI MUKULU

⁵¹ Meme ndi diampa dia muoyi difume mu diulu. Wadia diampa edi, neashale ne muoyi tshiendelele. Diampa dindi mfila, mmubidi wanyi meme. Ndi ngufila bua bantu bikale ne muoyi.

Mukanda wa Nzambi Dihungila Dikulukulu ne Dihungila Dihia-dihia 2003

⁵¹ Ndi bianyi bidia bidi ne muoyo biakafuma mu diulu; biadia muntu bidia ebi, neikale ne muoyo tshiendelele; bulelela, bidia binafila ku muoyo wa ba ha buloba nmubidi wanyi.

Yowanane 6:51 교차 참조

Matayi 20:28

Nanku Muana wa muntu kena mufike bua bamuenzele mudimu, kadi amu bua kukuatshila bantu bakuabu mudimu, ne bua kufila muoyi wende bua kupikula bantu ba bungi.

Luke 22:19

Ke Yezu kuangata diampa, kuela Mvidi Mukulu tuasakidila, kudikosolola, kudiabanyina balongi bende, wamba ne: — Etshi mmubidi wanyi, [undi mufile bualu buenu. Enzayi nenku bua kumvuluka.

Yowanane 1:14

Muaku kudienza muntu. Kusombawu munkatshi muetu. Uvua muwule ne dinanga kabidi ne bulelela. Tuetu kumona butumbi buawu. Butumbi ebu ke budi Muana mulela umue upeta kudi Tatuende.

Yowanane 1:29

Butshia, Yowanane kumona Yezu ufika kudiye. Kuambilaye bantu ne: — Tangilayi Muana wa mukoku wa Mvidi Mukulu udi umbusha bubi bua bantu.

Yowanane 11:26

Yonsu udi ne muoyi, ungitaba, kena ufua nansha. Udi witaba nanku anyi?

Yowanane 3:13

Muntu nansha umue kena muanji kubanda mu diulu, pa kumusha Muana wa muntu udi mufume mu diulu!

Yowanane 3:14

Bu umvua Moshe muele nyoka wa tshiamu tshikunze kulu kua mutshi mu tshipela, ke muelabu Muana wa muntu kulu,

Yowanane 3:16

Bualu Mvidi Mukulu uvua munange bantu bikole. Ke mutataye mubapeshe Muanende mulela umue, bua muntu yonsu udi umuitaba kafu to, kadi ikale ne muoyi wa tshiendelele.

Yowanane 3:36

Muntu udi witaba Muana udi ne muoyi wa tshiendelele. Kadi udi kayi utumikila Muana kakuikala ne muoyi ewu. Mvidi Mukulu utshidi umufikila munda.

Yowanane 5:24

Ndi nnujadikila ne: muntu udi uteleja bindi ngamba, witaba uvua muntume, udi ne muoyi wa tshiendelele. Kabena bamupisha ku tshilumbu to. Kadi ukadi mumane kumuka ku lufu, mupete muoyi.

Yowanane 6:33

Bualu diampa didi Mvidi Mukulu ufila, ke didi difuma mu diulu, dipetesha bantu muoyi.

Yowanane 6:35

Ke Yezu kubambila ne: — Meme ndi diampa dia muoyi. Muntu udi ulua kundi kakufua nzala to. Udi ungitaba kakufua nyota nansha.

Yowanane 6:41

Bena Yuda kufikila Yezu munda, bualu uvua muambe ne: “Ndi diampa difume mu diulu.”

Yowanane 6:47

Ndi nnujadikila ne: muntu udi witaba, udi ne muoyi wa tshiendelele.

Yowanane 6:48

Meme ndi diampa dia muoyi.

Yowanane 6:50

Diampa didi difuma mu diulu didi nunku, muntu udi udidia kena ufua to.

Yowanane 7:38

Ke padibu bafunde mu Mikanda ya tshijila ne: “Misulu ya mayi a muoyi neyipueke munda mua muntu udi ungitaba.”

2 Korente 5:19

Bualu Mvidi Mukulu mmukuate mudimu, bua Kristu alengeje bantu bonsu nende. Kavua musue kuvuluka kabidi malu abu mabi. mMutupeshe kabidi mudimu wa kumanyisha bantu mudibu mua kudilengeja nende.

2 Korente 5:21

Kristu kavua muenze bualu bubi to. Kadi Mvidi Mukulu mmuteke bubi buetu pambidi pende, bua amone mua kutubingisha kumpala kuende, patudi badisange ne Kristu.

Efeze 5:2

Nulonde njila wa dinanga. Vulukayi muvua Kristu mutunange, mudifile bualu buetu, bu mulambu wa dipembu dimpe, uvua usankisha Mvidi Mukulu.

Efeze 5:25

Balume, nangayi bakaji benu, muvua Kristu munange Tshisumbu tshia bena ditaba, mudifile bualu buatshi.

Tite 2:14

Yeye mene uvua mudifile buetu tuetu, bua kutupikula ku bubi buonsu, kutulengeja, kutuenza bantu bende badi bamuitaba amu Yeye, benza midimu mimpe ne disuminyina.

Ebrewu 10:20

Yezu mmutunzuluile njila mupiamupia, njila wa muoyi, bualu uvua upitshila mu tshilamba, mmomumue ne: mu mubidi wende wa muntu.

1 Petro 2:4

Semenayi kudi Mfumu. Yeye ke dibue dia muoyi, divua bantu bimanshe, kadi divua Mvidi Mukulu musungule, mudiangate ne mushinga.

1 Yone 2:2

Bualu Yezu Kristu uvua mudifile bu mulambu, bua batujimijile mibi yetu. Kabena bajimija amu yetu nkayayi, kadi ne ya bantu bonsu ba pa buloba kabidi.

1 Yone 4:10

Dinanga didi nenku: ki ntuetu bavua banange Mvidi Mukulu to. Kadi Yeye ke uvua mutunange, mufume Muanende bua adilambule bualu buetu, bua kutujimijila mibi yetu.

1 Yone 4:14

Tuvua bamone, ke patudi tujadika ne: Tatu uvua mufume Muanende, bua kuikalaye Musungidi wa bantu.