Yowanane 6:20 - MUKANDA WA MYIDI MUKULU

²⁰ Kadi Yezu kubambila ne: — Kanutshinyi, mmeme!

Mukanda wa Nzambi Dihungila Dikulukulu ne Dihungila Dihia-dihia 2003

²⁰ Kadi yeye wakabambila ne, Nmeme, kanutshinyi.

Yowanane 6:20 교차 참조

Misambu 35:3

Sempela ne difuma ne muela, uluishe badi bankina. Unjadikile ne: “Nenkupandishe!”

Yeshaya 41:10

Mpindiewu, lekela kutshina, bualu ndi nebe. Lekela kukenzakana nseke yonsu ne dipampakana, bualu meme ndi Mvidi Mukulu webe. Ndi mufike bua kukukolesha ku muoyi. Ndi mufike bua kukuambuluisha. Ndi nkulama. Udi mu tshianza tshianyi tshia bukole.

Yeshaya 41:14

Izrayele, tshisamba tshia Yakobe, lekela kutshina. Bakuabu badi bakumona bu kantu kakese, bu kishi kadibu mua kudiata ku makasa. Kadi meme nkayanyi nenkuambuluishe. Meme Maweja-Nangila ndi njadika nanku. Meme Mvidi Mukulu wa tshijila wa bena Izrayele, nenkusungidile.

Yeshaya 44:8

Nuenu bantu banyi, kanutshinyi, kanuikadi ne bowa. Nkadi mumane kunumanyisha kale, nkadi mumane kunusokoluela, malu adi ne bua kuenzeka. Ke bualu bunudi bamanye bimpe. Ke bualu bunudi mua kujadika nuenu mene. Kudi Mvidi Mukulu mukuabu anyi? Too, kakuena Dibue dikuabu. Meme tshiena mumanye nansha dimue.”

Marke 16:6

Kadi yeye kubambila ne: — Nudi nukeba Yezu wa mu Nazarete uvuabu bapopela pa mutshi mutshiamakane. Ukadi mumane kubiika ku lufu, kena apa nansha. Jojayi muaba uvuabu bamuteke. Kanutshinyi nansha.

Marke 6:50

bualu bonsu bavua bamumone bavua bakuatshike buowa. Kadi diakamue Yezu kubambila ne: — Koleshayi muoyi. Mmeme. Kanutshinyi!

Yowanane 6:19

Balongi bavua bamane kuita buatu mutantshi wa kilometre itanu nansha isambombu. Kumonabu Yezu wenda pa mayi, usemena ku buatu. Buowa kubakuata.

Yowanane 6:21

Balongi bavua basue kumubueja mu buatu, kadi diakamue buatu kufika ku muelelu wa dijiba, muaba uvuabu basabukila.