Yowanane 5:5 - MUKANDA WA MYIDI MUKULU

⁵ Muaba awu uvua muntu ne disama bidimu makumi asatu ne muanda mukulu.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Muntu wakadimu ne disama dia matekete bidimu makumi asatu ne muanda mukulu.

Yowanane 5:5 교차 참조

Marke 9:21

Yezu kukonka tatuende wa muana ne: — Mbimutuadije diba kaayi? Tatu kuandamuna ne: — Mbituadijile ku buana buende.

Luke 13:16

Kadi mukaji ewu mmuntu wa ku ndelanganyi ya Abrahame, mua diabolu mukuate bidimu dikumi ne muanda mukulu. Nanku kabavua mua kumusulula mionji eyi dituku dia Dikisha anyi?

Luke 8:43

Muaba awu muvua mukaji uvua ne disama dia mashi a muyeya kukadi bidimi dikumi ne bibidi. Uvua mufute baminganga bionsu bi-vuaye nabi. Kadi muntu nansha umue kavua mujikije disama diende.

Yowanane 5:14

Pashishe Yezu kusambakena ne muntu awu mu nzubu wa Mvidi Mukulu. Kumuambilaye ne: — Teleja. Disama diebe ndijike mpindiewu. Kuenji bualu bubi kabidi, bua bualu bupite bubi kabukukuatshi nansha.

Yowanane 5:4

Bualu mutumibue wa Maweja-Nangila uvua upueka meba makuabu mu dijiba amu, uvundulula mayi bikole. Mubedi uvua ubuela mu mayi kumpala pavuawu avunduluka bikole, disama diende divua dijika, nansha diodi dikole bishi.]

Yowanane 5:6

Yezu kumumona mulale panshi, kujadika ne: muntu ewu udi usama matuku a bungi. Kumukonkaye ne: — Udi musue disama diebe dijike anyi?

Yowanane 9:1

Pavua Yezu upita, kumonaye muntu muikale mpofu katshia bamutela.

Yowanane 9:21

Kadi katuena bajingulule mukadiye umona mpindiewu. Katuena bamanye muntu uvua mumutabaje mesu. Numukonke yeye. Ukadi muntu mukole. Udi mua kudilumbuluila!

Bienzedi 14:8

Mu Listra muvua muntu ne bulema ku makasa, biangatshile ku buana buende. Katshi bamutela, kavua wenda to.

Bienzedi 3:2

Ku tshiibi tshia nzubu tshivuabu binyika ne: “Tshilengele,” kuvua muntu mulela tshibombu. Dituku dionsu bavua baya kumuteka muaba awu, bua amone mua kulomba tshia pa luse kudi bantu bavua babuela mu nzubu.

Bienzedi 4:22

Muntu mene uvuabu bajikije disama ku tshishima awu, ukavua ne bidimu bipite pa makumi anayi!

Bienzedi 9:33

Mu musoku amu Petro kusangana muena tuneke, dina diende Eneyase. Ukatua mulale mu bulalu panshi bidimu muanda mukulu.