Yowanane 5:19 - MUKANDA WA MYIDI MUKULU

¹⁹ Yezu kuambila kabidi bamfumu ba bena Yuda ne: — Ndi nnujadikila ne: Muana kena udienzela bualu nansha bumue to. Udi wenza amu bidiye umona Tatu wenza. Tshionsu tshidi Tatu wenza, Muana udi utshienza kabidi.

Mukanda wa Nzambi Dihungila Dikulukulu ne Dihungila Dihia-dihia 2003

¹⁹ Yesu wakabakudimuna dî ne, Bulelela, bulelela, ndi nuambila ne, Muana kena mumanye mua kudienzela bualu, utu wenza anu budiye umona Tatu wandi wenza; malu onso adi Tatu wenza Muana utu wênza muomumue.

Yowanane 5:19 교차 참조

Genese 1:1

Dituku dia kumpala Mvidi Mukulu kufuka diulu ne buloba.

Genese 1:26

Mvidi Mukulu kuamba ne: “Tufuke muntu mufuanangane netu, bua ikale mfumu wa minyinyi ya mu mayi, nyunyi ya mulu, bimuna, bilandadi ne bintu bionsu bidi pa buloba.”

Misambu 138:3

Pamvua mukubikile, uvua munteleje; wewe kumpetesha muoyi mukole ne dikanda.

Misambu 27:14

— Tekemena Maweja-Nangila, kola muoyi, kutekeshi mu maboku, eyowa, tekemena Maweja-Nangila!

Misambu 50:6

Diulu didi mua kujadika ne: “Maweja-Nangila mmukumbaje bivuaye mulaye. Padiye ulumbuluisha bantu, udi wenza pa bualu.”

Ekesode 4:11

Maweja-Nangila kuandamuna ne: — Lekela kuamba nanku. Udi mufuke muntu ne mukana mua kuakula nnganyi? Nanku muntu udi mua kuakula bimpe nansha kushala kamama, kumvua nansha kuikala ne mapapa, kumona nansha kayi umona ku bukole bua nganyi? Ki nku bukole buanyi meme Maweja-Nangila anyi?

Nsumuinu 2:6

Maweja-Nangila ke udi upangana meji. Dimanya ne dijingulula dia malu bidi bifuma kudiye.

Yeshaya 44:24

Izrayele, Maweja-Nangila udi ukupandisha, udi mukuenze munda mua mamuebe, kabayi banji kukulela, ke udi ukuambila ne: “Meme ndi mufuki wa bionsu bidipu. Meme nkayanyi ndi muteke diulu, mutenteke buloba, tshiyi ne diambuluisha dia muntu.

Yeshaya 45:24

Nebambe ne: “Amu kudi Maweja-Nangila nkayende, ke kutudi tupeta bukole, ke kutudi mua kutshimuna.” Bonsu bavua banduishe, nebafike kundi ne bundu.

Yirmeya 17:10

Maweja-Nangila udi wamba ne: — Meme ndi mmona munda mua muoyi. Ndi mumanye malu masokome a bantu. Ke mundi mua kupesha muntu bidiye ne bua kupeta, bilondeshile malu adiye wenza.

Matayi 26:39

Yezu kupengama katantshi, kudiela mpala panshi, utendelela, wamba ne: — Tatu wanyi, pikalabi mua kuenzeka, ungumushile dikopu edi dia dikenga. Kadi bienzeke muudi musue wewe, kabienzeki mundi musue meme.

Luke 21:15

Meme nennupeshe miaku ne meji bidi nansha umue wa ku bena lukuna benu kayi mua kutontolola, nansha kubenga.

Yowanane 10:18

Kakuena muntu udi unnyenga muoyi wanyi, kadi ndi ngufila mundi musue. Ndi ne bumfumu bua kuufila, kabidi ne bumfumu bua kuwangata tshiakabidi. Ke mukenji udi Tatu mungelele bua meme kuenza.

Yowanane 12:49

Bualu tshiena muakule ku bumfumu buanyi nkayanyi to, kadi Tatu uvua muntume ke uvua mumfundile tshimvua ne bua kuamba, nansha kulongesha.

Yowanane 12:50

Ndi mumanye ne: tshidi Mvidi Mukulu ufundila muntu tshidi tshipetesha muoyi wa kashidi. Nanku tshindi ngamba, ndi ntshiamba muvua Tatu wanyi mungambile.

Yowanane 14:10

Kuena witaba ne: ndi munda mua Tatu, kabidi Tatu udi munda muanyi anyi? Miaku indi nnuambila buonsu buenu kayena ifuma kundi. Kadi Tatu udi ushala munda muanyi, ke udi ukumbaja midimu yende.

Yowanane 2:19

Yezu kubandamuna ne: — Upulayi nzubu wa Mvidi Mukulu ewu. Meme nemmuasulule mu matuku asatu.

Yowanane 3:3

Yezu kumuandamuna ne: — Ndi nkuambila bulelela ne: muntu nansha umue kena mua kumona Bukalenga bua Mvidi Mukulu kabayi bamulele tshiakabidi.

Yowanane 5:21

Bualu bu mudi Tatu ubisha bantu bafue, ubapingajila muoyi, ke mudi Muana upesha bantu badiye musue muoyi.

Yowanane 6:38

Bualu ndi mufume mu diulu bua kuenza tshidi udi muntume musue, ki mbua kuenza tshindi meme musue to.

Yowanane 8:28

Ke Yezu kubambila ne: — Nuenu bamane kuela Muana wa muntu kulu, nenumanye ne: “ndi mundi.” Nenujingulule ne: tshiena ndienzela bualu nansha bumue nkayanyi. Kadi ndi ngamba amu malu adi Tatu mundongeshe.

Yowanane 9:4

Patutshidi mu munya, tudi ne bua kukuata midimu ya uvua muntume. Butuku bukadi pa kuila, budi muntu nansha umue kayi mua kukuata mudimu.

Bienzedi 2:24

Kadi Mvidi Mukulu mmumubishe ku lufu, mumumbushe ku makenga a lufu, bualu kavua mua kushala ku bumfumu bua lufu.

Rome 6:4

Pavuabu batutue mu mayi, bavua batujike nende, bua tuikale bafue nende, tubike kabidi nende ku lufu, muvua Kristu mubike ku bukole bua butumbi bua Tatu, bua tupete petu nsombelu mupiamupia.

Rome 8:11

Padi Mueyelu wa Mvidi Mukulu, uvua mubishe Yezu ku lufu, usomba munda muenu, nanku uvua mubishe Kristu ku bafue, mumupingajile muoyi, neafulule mibidi yenu idi ifua ku bukole bua Mueyelu wende udi usomba munda muenu.

1 Korente 15:12

Patudi tulongesha ne: Kristu mmubike ku lufu, mmunyi mudi bamue ba kunudi bamba ne: bafue kabakubika ku lufu?

2 Korente 4:14

Mvidi Mukulu mmubishe Mfumu Yezu ku lufu. Ke mutudi bamanye ne: neatubishe ku lufu pamue nende. Neaditeke nenu pamue kumpala kua nkuasa wa butumbi.

2 Korente 5:10

Bualu bonsu tudi ne bua kumueneka kumpala kua Kristu, bua atulumbuluishe. Diba adi muntu yonsu udi ne bua kupeta bidiye ne bua kupeta bilondeshile malu, nansha mimpe nansha mabi, avuaye muenze patshivuaye mu mubidi wende.

Efeze 2:5

Ke muvuaye mutubishe pamue ne Kristu, diba dituvua bafue bua malu etu mabi. mMutupandishe amu ku luse luende patupu.

Efeze 3:16

Ndi mmulomba se: anukankamike, bilondeshile buneme bua butumbi buende, anukoleshilemu munda muenu kudi Mueyelu wende.

Filipe 3:21

Yeye neakudimune mubidi wetu wa butekete, wa lufu, bua ufuanangane ne wende wa lumu, udiye nawu katshia wabiika ku lufu. Bualu udi ne bukenji bua kuteka bionsu ku bumfumu buende.

Filipe 4:13

Bu mudi Kristu unkolesha, ndi mua kupitshila mu bionsu amu bimpe.

Kolose 1:11

Tudi tulomba kudi Mvidi Mukulu bua anukankamike ne bukole bua butumbi buende, bua numone mua kumvua malu onsu ne lutuulu.

Kolose 1:16

Bualu kudiye Mvidi Mukulu mmufuke bionsu, bidi mu diulu ne bidi pa buloba, bidi bimueneka ne bidi kabiyi bimueneka, makole a mulu, makalenga, makokeshi, ne mamfumu. Mvidi Mukulu uvua mufuke bionsu kudiye, kabidi bualu buende Yeye.

1 Tesalonike 4:14

Tudi bitabe ne: Yezu wakafua, wakabiika kabidi. Ke mutudi tuitaba kabidi ne: bantu bafue batekemene kudi Yezu, Mvidi Mukulu neababishe pamue nende.

1 Petro 3:18

Bualu Kristu mene mmufue musangu umue bua kashidi, bualu bua mibi ya bantu. Yeye, uvua kayi ne bualu, mmufuile bena tshibawu, bua kunufikisha kudi Mvidi Mukulu. mBamushipe, bualu uvua muntu. Kadi mbamubishe ku bafue ku bukole bua Mueyelu wa Tshijila.

Didimanyisha 2:23

Nenshipeshe bana bende bonsu. Nenku Bisumbu bionsu bia bena ditaba nebimanye ne: Meme ndi njingulula meji ne majinga bidi munda mua bantu. Nemfute muntu yonsu wa kunudi, bilondeshile malu avuaye muenze.