Yowanane 5:15 - MUKANDA WA MYIDI MUKULU

¹⁵ Muntu awu kuya, kuambila bamfumu ba bena Yuda ne: Yezu ke uvua mujikije disama dianyi.

Mukanda wa Nzambi Dihungila Dikulukulu ne Dihungila Dihia-dihia 2003

¹⁵ Muntu au wakumuka, wakambila Bena Yuda ne, Wakankolesha udi Yesu.

Yowanane 5:15 교차 참조

Marke 1:45

Kadi muntu awu uya, kubangaye kulondela bantu bonsu bualu buvua bumuenzekele. Nanku Yezu katshivua mua kumueneka kabidi mu tshimenga, uvua amu mushale muaba wa nkayende. Bantu ba nseke yonsu bavua baye kudiye.

Yowanane 1:19

Telejayi muvua Yowanane muandamune bamfumu ba bena Yuda ba mu Yerushalayime pavuabu batume batuangaji ne bena Levi kudiye bua kumukonka ne: — Wewe udi nganyi?

Yowanane 4:29

— Luayi numone muntu uvua mungambile malu onsu amvua muenze. Bumue udi mua kuikala Meshiya anyi?

Yowanane 5:10

bamfumu ba bena Yuda kuambila muntu uvuabu bajikija disama diende ne: — Dituku edi ndia Dikisha. Mikenji yetu kayena mianyishe bua wewe kuambula tshiata tshiebe to.

Yowanane 5:12

Kumukonkabu ne: — Uvua mukuambile ne: “Angata tshiata tshiebe, asa luendu” nnganyi?

Yowanane 5:16

Bamfumu ba bena Yuda kufikila Yezu munda bikole, bualu uvua muenze bualu ebu dituku dia Dikisha.

Yowanane 5:18

Biangatshile ku diba adi, bamfumu ba bena Yuda bavua bakeba bikole kumushipa, bualu uvua mushipe mukenji wa dituku dia Dikisha, kabidi uvua muambe ne: Mvidi Mukulu ke Tatuanyi menemene, uditeka nanku mulongu umue ne Mvidi Mukulu.

Yowanane 9:15

Ke pavua Baparushe kabidi bakonka muntu ewu bivua bimuenzekele bua kutabalaye mpindiewu. Kubambilaye ne: — Uvua mundabe bitotshi bikese pa mesu, meme kuowa mayi ku mpala, diakamue meme kumona.

Yowanane 9:25

Kuandamunaye ne: — Ne udi muenji wa malu mabi, ne kena muenji wa malu mabi, tshiena mumanye to. Kadi tshindi mumanye tshidi amu ne: mvua mpofu, nkadi mmona mpindiewu.

Yowanane 9:30

Muntu kubandamuna ne: — Ebu mbualu bua dikema! Kanuena bamanye kudiye mufume, kadi mmuntabaje mesu!

Yowanane 9:34

Ke Baparushe kumuandamuna ne: — Wewe kantu katela kajima mu bubi, ukadi musue kutulongesha anyi? Kumuipatabu mu nzubu wa kutendelela.