Yowanane 4:20 - MUKANDA WA MYIDI MUKULU

²⁰ Bankambua betu ba bena Samariya bavua batendelela Mvidi Mukulu pa mukuna ewu. Kadi nuenu bena Yuda, nudi nuamba ne: muaba udibu mua kutendelela Mvidi Mukulu udi amu mu Yerushalayime.

Mukanda wa Nzambi Dihungila Dikulukulu ne Dihungila Dihia-dihia 2003

²⁰ Bankambua betu bakadi batendelela Tatu ku mukuna eu; kadi nuenu nudi nuamba ne, Mu Yelushalema mudi muaba udi bantu ne bua kutendelelamu Tatu.

Yowanane 4:20 교차 참조

1 Bakalenga 9:3

Maweja-Nangila kuambila Shelomu ne: — Ndi mumvue kulomba kuebe, ne mushindu uudi untendakena. Nanku, ndi njidila nzubu ewu uudi muibake. Ndi muitabe bua kusombamu kashidi, bua meme kuikala munkatshi muenu. Nengikale mulame nzubu ewu. Netumuenzele bimpe misangu yonsu.

1 Kulondolola 21:26

Davide kuashila Maweja-Nangila tshilambuilu muaba awu. Kuambulaye Maweja-Nangila milambu ya kuosha ne ya bobumue. Pashishe kutuadijaye kutendelela Maweja-Nangila. Maweja-Nangila kuteleja Davide, kumutumina kapia. Kuoshaku milambu ivua pa tshilambuilu.

1 Kulondolola 22:1

Ke pavua Davide wamba ne: “Nzubu wa Maweja-Nangila Mvidi Mukulu udi apa. Monayi tshilambuilu tshidi bena Izrayele ne bua kulambuila milambu yabu.”

2 Kulondolola 6:6

Kadi mpindiewu, ndi musungule Yerushalayime bua nuenu kuntendelelamu. Meme kukusungula wewe Davide bua kulombola bantu banyi.”

2 Kulondolola 7:12

Maweja-Nangila kumumuenekela munkatshi mua butuku, umuambila ne: — Ndi mumvue dilomba diebe. Ndi muanyishe nzubu ewu bua bikale bandambuilamu milambu.

2 Kulondolola 7:16

Ndi musungule nzubu ewu, mumujidile bua meme kuikala munkatshi muenu kashidi. Nennutabalele kashidi, amu ne muoyi wa kunuenzela bimpe.

Misambu 132:13

Bualu Maweja-Nangila uvua musungule Siyone, mujinge bua kuikalaye muaba wende wa kusomba.

Misambu 78:68

kadi kusungulaye tshisamba tshia Yuda, ke mukuna wa Siyone uvuaye munange.

Yeshaya 66:1

Maweja-Nangila udi wamba ne: “Diulu didi nkuasa wanyi wa bukalenga, buloba ntshitekelu tshia makasa anyi. Nzubu unudi mua kungashila meme, nnzubu kaayi? Muaba undi meme mua kusomba mmuaba kaayi?

Luke 9:53

Kadi bantu aba bakabenga kuakidila Yezu, bualu uvua uya mu Yerushalayime.

Yowanane 4:12

Nkambua wetu Yakobe ke uvua mutupeshe tshiina etshi. Yeye mene uvua munue mayi a mu tshiina atshi ne bana bende, kabidi ne bimuna biende. Wewe udi mupite Yakobe anyi?

Dielulula 11:29

Pikala Maweja-Nangila Mvidi Mukulu wenu munufikishe mu ditunga dinuakuata, nenujingile bantu diakalenga ku lusongu lua mukuna wa Ngarizime. Nenubajingile diakabi ku lusongu lua mukuna wa Ebale.

Dielulula 27:12

— Panuasabuka musulu wa Yardene: bena tshisamba tshia Shimeyone, tshia Levi, tshia Yuda, tshia Isakare, tshia Yozefe, ne tshia Binyamine, bimanyine pa mukuna wa Ngarizime, bua kuela bena Izrayele lupemba.