Yowanane 4:10 - MUKANDA WA MYIDI MUKULU

¹⁰ Yezu kumuandamuna ne: — Bu wewe mumanye bidi Mvidi Mukulu upeshangana, mumanye kabidi muntu udi ukulomba mayi a kunua, wewe ke uvua mua kumulomba mayi, yeye kukupesha mayi a muoyi.

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Yesu wakamuandamuna ne, Bu wewe mumanye diha dia Nzambi ne wakukulomba ne, Umpe mai a kunua, wewe wakadi kumulomba ne yeye wakadi kukuha mai a muoyo.

Yowanane 4:10 교차 참조

Misambu 10:17

Maweja-Nangila, wewe udi umvua majinga a bantu bapuekele, ubakolesha ku muoyi. Wewe udi uteleja ne ntema bua kubambuluisha,

Misambu 46:4

nansha mavuala akungula, asaba, adiela mulu, anyungisha mikuna.

Ekesode 17:6

Meme nengimane kumpala kuenu pa lubuebue ludi pa mukuna wa Sinayi. Utuute dikombu pa lubuebue, mayi apatuke bua bena Izrayele banue. Moshe kutuuta dikombu pa lubuebue, bakulu ba bena Izrayele bonsu batangile.

Musambu wa Solomo 4:15

Munda mua lupangu mudi mpokolu wa mayi mimpe matambe adi afuma ku mikuna ya Lebanone.

Yeshaya 12:3

Nenusune mayi a disanka, ku mpokolu ya lupandu.

Yeshaya 35:6

Diba adi, batebuki nebatupike, baja ne maja, bu ngulungu mu mpata. Tumama netuele mbila ya disanka. Bualu mu tshipela, nemupatuke mayi: Misulu neipueke mu ditunga divua ne munanga.

Yeshaya 42:6

“Meme Maweja-Nangila, mvua mukubikile, bua ukumbaje meji andi nawu. Meme ndi nkuambuluisha. Mvua mukuenze, bua utuadile bantu bupole, ukumbaje bimvua mulaye bantu, wikale butoke munkatshi mua matunga.

Yeshaya 43:20

Nyama ya muitu, mibuabua ne kasonga-nyunyi, neinganyishe bikole, bua pandi mupatule mayi mu tshipela, ne misulu miaba miume. Bualu ndi musue kupesha bantu, bandi musungule, mayi a kunua.

Yeshaya 44:3

Bualu nempuekeshe mayi mu ditunga didi kadiyi mayi. Nempatule tusulu mu buloba buume. Nengitshikije Mueyelu wanyi pa bana bebe. Nengele ndelanganyi yebe lupemba.

Yeshaya 49:10

Kabakufua kabidi nzala nansha nyota to. Nansha tshipepele tshia mu tshipela, nansha munya mukole kabiakubakuata to. Bualu Meme udi ubaludika, ndi mbananga. Nembanuishe mayi matalale a mu mpokolu.

Yeshaya 9:6

Bukalenga buende nebutangalake, bena ditunga bende nebasombe mu bupole kashidi. Neashindame mu nkuasa wa lumu lua Davide, mpindiewu ne tshiendelele. Bumfumu buende nebutungunuke kashidi, bualu udi ulongolola malu bimpe, amu mudi Mvidi Mukulu ujinga. Ke bidi Maweja-Nangila muena bukole buonsu ukumbaja, bualu udi utunanga, kayi upungila.

Yirmeya 2:13

Bantu banyi bena Izrayele mbenze malu mabi abidi: Mbambenge meme, mpokolu wa mayi mimpe. Mbadiumbuile biina bia mayi. Kadi biina bia mayi abi mbimane kuela mitanta, kabiena mua kulama mayi to!

Yezekiyele 16:35

“Wewe Yerushalayime, muena tshiendenda, teleja diyi dia Maweja-Nangila.

Zekâya 13:1

Dituku adi, mpokolu wa mayi neabudike bua kusukula bubi ne malu mabi a ndelanganyi ya Davide ne a bena Yerushalayime.

Zekâya 14:8

Dituku adi, mpokolu neabudike mu Yerushalayime, tshia bibidi tshimue tshia mayi awu, netshipuekele ku Mayi manene a luepu, tshia bibidi tshikuabu netshipuekele ku Mayi manene a pankatshi. Nebienzeke nanku tshidimu tshijima, mu mushipu, nansha mu mvula.

Luke 11:13

Nanku nuenu bantu babi, nudi bamanye mua kupesha bana benu bintu bia nsongu. Mudi Tatu wa mu diulu mua kubenga kupesha bantu Mueyelu wa Tshijila udibu balomba mbishi?

Yowanane 16:3

Nebanuenze nanku, bualu kabavua bamanye Tatu, nansha meme.

Yowanane 17:3

Muoyi wa tshiendelele udi nunku: bua bakumanye wewe Mvidi Mukulu umue mulelela, bamanye kabidi Yezu Kristu uuvua mutume.

Yowanane 3:16

Bualu Mvidi Mukulu uvua munange bantu bikole. Ke mutataye mubapeshe Muanende mulela umue, bua muntu yonsu udi umuitaba kafu to, kadi ikale ne muoyi wa tshiendelele.

Yowanane 4:14

Kadi wanua mayi andi mmupesha meme, kakumvua kabidi nyota tshiendelele. Bualu mayi andi umupesha, neenze munda muende mpokolu wa muoyi wa tshiendelele.

Yowanane 6:35

Ke Yezu kubambila ne: — Meme ndi diampa dia muoyi. Muntu udi ulua kundi kakufua nzala to. Udi ungitaba kakufua nyota nansha.

Yowanane 6:51

Meme ndi diampa dia muoyi difume mu diulu. Wadia diampa edi, neashale ne muoyi tshiendelele. Diampa dindi mfila, mmubidi wanyi meme. Ndi ngufila bua bantu bikale ne muoyi.

Bienzedi 9:11

Mfumu kumuambila ne: — Juka, uye lukasa mu musesu Mululame. Ukonke ku nzubu kua Yudase. Kudi muntu wa mu Tarse, dina diende Shawule. Udi utendelela mpindiewu.

Rome 8:32

Kavua nansha muengeleke Muanende to. Uvua mumufile bualu buetu bonsu. mMunyi mudiye kayi mua kutupesha bionsu pamue ne Muanende?

1 Korente 1:30

Kadi Mvidi Mukulu mmunusange ne Yezu Kristu. mMuenze Kristu meji etu. Kristu udi utubingisha kumpala kua Mvidi Mukulu, utuenza bantu bende ba tshijila, utupikula kabidi ku bubi.

1 Korente 10:4

Bavua banua bonsu biakunua bia momumue bidi kabiyi bimueneka. Bualu bayua banua mayi a ku lubuebue kaluyi lumueneka, luvua luenda nabu. Lubuebue alu ke Kristu.

2 Korente 9:15

Tuelayi Mvidi Mukulu tuasakidila bua mapa ende, adi mapite bionsu bitudi mua kuela meji.

Efeze 2:8

Bualu Mvidi Mukulu mmutusungile amu ku luse luende patupu. Nuenu kanuvua ne tshia kuenza. Tshienu tshivua amu kuanyisha mu ditaba dipa edi dia lupandu dia kudi Mvidi Mukulu.

Ebrewu 6:4

Tshidi mua kuenzekela badi bapingana tshiakabidi mu nsombelu mubi ntshinyi? Bakaya bamane kupeta butoke bua Mvidi Mukulu. Bavua balabule dipa dia mulu, badisange ne Mueyelu wa Tshijila.

1 Yone 5:20

Tudi bamanye ne: Muana wa Mvidi Mukulu mmufike. mMutupeshe lungenyi, bua mmanye Mvidi Mukulu mulelela. Tudi mu bobumue ne Mvidi Mukulu mulelela kudi Muanende Yezu Kristu. Yezu Kristu ke Mvidi Mukulu mulelela. Yeye ke muoyi wa kashidi.

Didimanyisha 21:6

Kuambaye kabidi ne: — Miaku yanyi mmimane kukumbana! Ndi Alfa ne Omega, ntuadijilu ne ndekelu. Udi ne nyota, nemmupeshe tshiakunua, kayi ufuta. Nemmupeshe mayi a ku mpokolu wa mayi a muoyi.

Didimanyisha 22:17

Mueyelu wa Tshijila, ne Mukaji udi ubuela mu dibaka, badi bamba ne: “Luaku!” Udi mumvue muaku ewu, ambe kabidi ne: “Luaku!” Muntu udi ne nyota, asemene pabuipi. Muntu udi ujinga kunua mayi a muoyi, nebamupewu tshianana.

Didimanyisha 7:17

Bualu Muana wa mukoku udi munkatshi mua nkuasa wa butumbi neikale mulami wabu. Neabafikishe ku mpokolu idi ne mayi adi afila muoyi. Mvidi Mukulu neabakupule binsonji bionsu ku mesu.