Yowanane 3:8 - MUKANDA WA MYIDI MUKULU

⁸ Lupepele ludi lutuuta kudilu lusue. Udi umvua tshiona tshialu. Kadi kuena mumanye kudilu lufuma, nansha kudilu luya. Ke mudibi bienzekela muntu yonsu udibu balela kudi Mueyelu wa Tshijila.

Mukanda wa Nzambi Dihungila Dikulukulu ne Dihungila Dihia-dihia 2003

⁸ Luhehele ludi luheha kudilu lusue, wewe udi unvua tshiona tshialu, kadi kuena mumanye kudilu lufuma ne kudilu luya; muntu yonso udi muledibue kudi Nyuma udi nunku.

Yowanane 3:8 교차 참조

Misambu 107:25

Yeye kuakula, tshipepela tshikole kujuka, kujulatshi mavuala mavule pa mayi.

Misambu 107:29

Yeye kutuyisha tshipepela, mavuala kubatama.

Misambu 135:7

Udi ubandisha mavuba ku ntengu ya buloba, ulokesha mvula wa mipenya, utuma tshipepele tshikole.

Muambi 1:6

Lupepele ludi lututa lutua eku, lutua kuaka. Ludi lututa, lunyunguluka, pashishe lubangulula tshiakabidi.

Yezekiyele 37:9

Nanku Maweja-Nangila kungambila ne: — Muntu, bikila mueyelu wa muoyi, uwambile ne: “Mueyelu wa muoyi, Maweja-Nangila udi ukutumina diyi ne: Ufumine ku nseke yonsu, ubuele munda mua bitalu ebi bua bipete muoyi.”

Yowanane 1:13

Kabena babalele ku bukole bua mashi, mudi tatu wa pa buloba ulela muana. Kadi Mvidi Mukulu nkayende ke udi mubapeshe muoyi mupiamupia.

Yowanane 3:7

Kuena mua kukema bualu mvua mukuambile ne: “Nudi ne bua kuledibua tshiakabidi buonsu buenu.”

Yowanane 3:9

Nanku Nikodemu kukonka Yezu ne: — Bia nanku bidi mua kuenzeka bishi?

Bienzedi 2:2

Bu mpindiewu tshiona tshikole kufuma mu diulu, bu tshipepele tshikole tshituuta. Kumvui-katshi mu nzubu mujima uvuabu basombe.

Bienzedi 4:31

Bamane kutendelela nanku, muaba uvuabu basangile kuzakala bikole. Bonsu kuwula ne Mueyelu wa Tshijila, kumanyisha muaku wa Mvidi Mukulu ne dikima dionsu.

1 Korente 12:11

Amu Mueyelu umue wa momumue awu, ke udi ufila bionsu abi. Udi upesha muntu yonsu diende dipa dia pa buadi bu mudiwu musue.

1 Korente 2:11

Amu lungenyi lua muntu, ke ludi lujingulula bionsu bidi munda muende. Ke mudi kabidi Mueyelu wa Mvidi Mukulu nkayawu ujingulula bidi munda mua Mvidi Mukulu.

1 Yone 2:29

Nudi bamanye ne: Kristu ki mmuenze bualu bubi nansha bumue. Nanku nudi ne bua kumanya kabidi ne: muntu yonsu udi wenza malu mimpe, udi muana wa Mvidi Mukulu.