Yowanane 3:16 - MUKANDA WA MYIDI MUKULU

¹⁶ Bualu Mvidi Mukulu uvua munange bantu bikole. Ke mutataye mubapeshe Muanende mulela umue, bua muntu yonsu udi umuitaba kafu to, kadi ikale ne muoyi wa tshiendelele.

Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Bualu bua Nzambi wakatamba kusua ba ha buloba, yeye wakabaha Muanʼandi umuehele mulela bua muntu yonso wamuitabusha kafu biandi, kadi ikale ne muoyo wa tshiendelele.

Yowanane 3:16 교차 참조

Genese 22:12

Maweja-Nangila kumukandika ne: — Kulengi muana, kumuenzedi bibi. Mpindiewu ngajadiki ne: udi untshina meme Mvidi Mukulu, bualu kuena mumpale muanebe umuepele umvua mukupeshe.

Genese 22:2

Mvidi Mukulu kumuambila ne: — Angata muanebe umuepele Izake uudi mupite kunanga awu, uye nende mu ditunga dia Moriya pa mukuna umbakuleja, umungoshile pa tshilambuilu.

Yeshaya 9:6

Bukalenga buende nebutangalake, bena ditunga bende nebasombe mu bupole kashidi. Neashindame mu nkuasa wa lumu lua Davide, mpindiewu ne tshiendelele. Bumfumu buende nebutungunuke kashidi, bualu udi ulongolola malu bimpe, amu mudi Mvidi Mukulu ujinga. Ke bidi Maweja-Nangila muena bukole buonsu ukumbaja, bualu udi utunanga, kayi upungila.

Matayi 9:13

Nuye kuela meji bua kumvua tshidibu bafunde mu Mukanda wa tshijila ne: “Ndi musue bua nufuilangane luse. Tshiena njinga bua nundambule nyama nansha.” Bualu tshiena umvue bua kubikila bantu bimpe, kadi anu babi.

Marke 12:6

Muena budimi uvua mushale amu ne muntu umue, ke muanende wa balume uvuaye munange bikole. Kumutumaye kudi bafutshidi ku ndekelu, wela meji ne: “Nebanemeke muananyi.”

Luke 2:14

“Butumbi buonsu budi kudi Mvidi Mukulu mulu mu diulu, bupole buende budi pa buloba, kudi bantu badiye munange!”

Yowanane 1:14

Muaku kudienza muntu. Kusombawu munkatshi muetu. Uvua muwule ne dinanga kabidi ne bulelela. Tuetu kumona butumbi buawu. Butumbi ebu ke budi Muana mulela umue upeta kudi Tatuende.

Yowanane 1:18

Muntu nansha umue kena muanji kumona Mvidi Mukulu. Amu Muana mulela umue, Mvidi Mukulu udi musombe pamue ne Tatu, ke udi mutumanyishe Tatu.

Yowanane 1:29

Butshia, Yowanane kumona Yezu ufika kudiye. Kuambilaye bantu ne: — Tangilayi Muana wa mukoku wa Mvidi Mukulu udi umbusha bubi bua bantu.

Yowanane 10:28

Ndi nyipesha muoyi wa tshiendelele. Katshia kayakufua nansha. Muntu nansha umue kena mua kuyinyenga ku tshianza tshianyi.

Yowanane 3:15

bua muntu yonsu udi umuitaba ikale ne muoyi wa tshiendelele.

Yowanane 3:18

Muntu udi witaba Muana kabena bamupisha. Kadi udi ubenga kumuitaba, mbamane kumupisha, bualu kavua muitabe Muana mulela umue wa Mvidi Mukulu.

Yowanane 3:36

Muntu udi witaba Muana udi ne muoyi wa tshiendelele. Kadi udi kayi utumikila Muana kakuikala ne muoyi ewu. Mvidi Mukulu utshidi umufikila munda.

Yowanane 6:40

Eyowa, tshidi Tatu wanyi musue ntshiotshi etshi: bua bonsu badi bamona Muana, bamuitaba, bapete muoyi wa tshiendelele, kabidi bua mbabishe ku lufu, bapete muoyi dituku dia nshikidilu.

Rome 5:10

Tuvua baluishi ba Mvidi Mukulu. Kadi ku lufu lua Muanende, Mvidi Mukulu mmupingaje diulu vuangana pankatshi petu nende. Nanku mpindiewu bamane kupingaja diumvuangana pankatshi petu nende, netupete lupandu ku muoyi wa Muanende.

Rome 5:8

Kadi Kristu wakatufuila tuetu batshikale benji ba malu mabi. Ke muvua Mvidi Mukulu mutuleje mudiye utunanga bikole.

Rome 8:32

Kavua nansha muengeleke Muanende to. Uvua mumufile bualu buetu bonsu. mMunyi mudiye kayi mua kutupesha bionsu pamue ne Muanende?

Efeze 2:4

Kadi Mvidi Mukulu udi ne luse lunene, kabidi udi utunanga bikole.

2 Tesalonike 2:16

Mvidi Mukulu Tatu wetu mmutunange, mmutupe kabidi ditekemena dishindame ku luse luende, bua tuindile ne muoyi mukole matuku adi kumpala. Tudi tumulomba, tulomba ne Mfumu wetu Yezu Kristu,

Tite 3:4

Kadi pakumueneka muoyi mulenga wa Mvidi Mukulu, Musungidi wetu, ne dinanga diende dia bantu,

Ebrewu 2:9

Kadi tudi tumona ne: Yezu uvuabu bapuekeshe kakese kuinshi kua batumibue ba Mvidi Mukulu, bualu bua lufu luvuaye mufuile bantu, mmupete butumbi ne lumu. Nanku bualu bua dinanga didi Mvidi Mukulu utunanga nadi, Yezu mmufuile bantu bonsu.

1 Yone 3:1

Monayi dinanga dipite bunene didi Tatu mutunange nadi! Bualu badi batuinyika ne: mbana ba Mvidi Mukulu. Bushuwa, tudi bana bende. Bukua panu mbutupange, bualu kabuvua bumanye Mvidi Mukulu.

1 Yone 4:19

Kadi tuetu tudi tunangangana, bualu Mvidi Mukulu uvua mudianze kutunanga.

Didimanyisha 1:5

ne bia kudi Yezu Kristu, udi ujadika malu mudiwu, Muanabute, Wa kumpala udi mubiike ku bafue, Mukalenga wa bakalenga bonsu ba pa buloba, bishindame munda muenu. Kristu udi utunanga. mMutupikule ku mibi yetu ku lufu luende.