Yowanane 2:19 - MUKANDA WA MYIDI MUKULU

¹⁹ Yezu kubandamuna ne: — Upulayi nzubu wa Mvidi Mukulu ewu. Meme nemmuasulule mu matuku asatu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁹ Yesu wakabakudimuna dî ne, Bumbulai ntempelo eu, nemubishe kabidi matuku asatu.

Yowanane 2:19 교차 참조

Matayi 12:40

Bualu, bu muvua Yona mushale munda mua mushipa munene munya ne butuku matuku asatu, ke muashala Muana wa muntu munda mua buloba munya ne butuku matuku asatu.

Matayi 16:21

Bituadijila ku tshikondu atshi, Yezu kubanga kumanyisha balongi bende patoke ne: — Ndi ne bua kuya mu Yerushalayime. Muine amu bakulu, batuangaji banene, ne balongeshi ba mikenji, nebankengeshe bikole. Nebanshipe, kadi dituku disatu nembike ku bafue.

Matayi 27:40

bamba ne: — Wewe uvua musue kuupula nzubu wa Mvidi Mukulu, kuasulula mukuabu mu matuku asatu. Nanku dipandisha wewe muine. Pawikala Muana wa Mvidi Mukulu, tuluka ku mutshi mutshiamakane!

Matayi 27:63

Kumuambilabu ne: — Mukalenga, tudi tuvuluka muvua muena dishima ewu, pavuaye ne muoyi, muambe ne: “Kunyima kua matuku asatu, nembike ku bafue.”

Marke 14:58

— Tutua bumvue wamba ne: “Nengupule nzubu wa Mvidi Mukulu ewu utua bantu base, mu matuku asatu nengase mukuabu udi bantu kabayi basa.”

Marke 15:29

Bantu bavua bapitshila muaba awu bavua banyukisha mitu, bamupenda, bamuamba ne: — Akia! Wewe uvua musue kupula nzubu wa Mvidi Mukulu ne kuasa mukuabu mu matuku asatu,

Marke 8:31

Pashishe Yezu kubanga dilongesha balongi bende, wamba ne: — Muana wa muntu neakenge bikole. Bakulu, batuangaji banene ne balongeshi bamikenji, nebamubenge. Nebamushipe, kunyima kua matuku asatu neabiike ku lufu.

Yowanane 11:25

Yezu kumuambila ne: — Meme ke udi ubisha bantu ku lufu, ubapesha muoyi. Muntu yonsu udi ungitaba, neikale ne muoyi, nansha yeye ufua.

Yowanane 5:19

Yezu kuambila kabidi bamfumu ba bena Yuda ne: — Ndi nnujadikila ne: Muana kena udienzela bualu nansha bumue to. Udi wenza amu bidiye umona Tatu wenza. Tshionsu tshidi Tatu wenza, Muana udi utshienza kabidi.

Bienzedi 2:24

Kadi Mvidi Mukulu mmumubishe ku lufu, mumumbushe ku makenga a lufu, bualu kavua mua kushala ku bumfumu bua lufu.

Bienzedi 2:32

Yezu undi ntela awu, ke udi Mvidi Mukulu mubishe ku bafue. Tuetu bonsu tudi bajadiki ba bualu ebu.

Bienzedi 3:15

Nanku nuenu kushipesha mfumu wa muoyi. Kadi Mvidi Mukulu mmumubishe ku lufu. Tuetu tudi bajadiki ba bualu ebu.

Bienzedi 3:26

Mvidi Mukulu mmusungule muntu wende; mmudianze kumutuma kunudi, bua nulekele kulonda njila yenu mibi, nupete diakalenga.

Bienzedi 6:14

Tudi bamumvue wamba ne: “Yezu wa mu Nazarete awu neupule nzubu wa Mvidi Mukulu; neakudimune kabidi bibidilu bivua Moshe mutushile!”

Rome 4:24

Bavua bayifunde kabidi ne buetu tuetu, badi Mvidi Mukulu ne bua kuhingisha, bualu tudi tuitaba uvua mubishe Yezu Mfumu wetu ku lufu, mumupingajile muoyi.

Rome 6:4

Pavuabu batutue mu mayi, bavua batujike nende, bua tuikale bafue nende, tubike kabidi nende ku lufu, muvua Kristu mubike ku bukole bua butumbi bua Tatu, bua tupete petu nsombelu mupiamupia.

Rome 8:11

Padi Mueyelu wa Mvidi Mukulu, uvua mubishe Yezu ku lufu, usomba munda muenu, nanku uvua mubishe Kristu ku bafue, mumupingajile muoyi, neafulule mibidi yenu idi ifua ku bukole bua Mueyelu wende udi usomba munda muenu.

1 Korente 15:12

Patudi tulongesha ne: Kristu mmubike ku lufu, mmunyi mudi bamue ba kunudi bamba ne: bafue kabakubika ku lufu?

Kolose 2:12

Bualu pavuabu banutue mu mayi, bavua banujike pamue ne Kristu. Kadi nuvua babiike kabidi pamue nende. Bualu panuvua bitabe, nuvua badifile kudi Mvidi Mukulu, muena bukole, uvua mubishe Kristu ku bafue.

1 Petro 3:18

Bualu Kristu mene mmufue musangu umue bua kashidi, bualu bua mibi ya bantu. Yeye, uvua kayi ne bualu, mmufuile bena tshibawu, bua kunufikisha kudi Mvidi Mukulu. mBamushipe, bualu uvua muntu. Kadi mbamubishe ku bafue ku bukole bua Mueyelu wa Tshijila.