Yowanane 19:11 - MUKANDA WA MYIDI MUKULU

¹¹ Yezu kumuandamuna ne: — Kuena ne bumfumu nansha bumue pambidi panyi, pa kumusha buvua Mvidi Mukulu mukupeshe. Nanku muntu uvua mmufile kuudi, udi ne tshibawu tshipite tshiebe.

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Yesu wakamuandamuna ne, Bu bukokeshi kabui bukuhebue kudi wa mu diulu, wewe kuakadi kuikala nʼabu bua kungenzela bualu; bua bualu ebu nunku wakunfila mu bianza biebe ngudi ne bualu butambe bubi.

Yowanane 19:11 교차 참조

1 Kulondolola 29:11

Bualu, wewe udi muena bumfumu, muena bukole, muena lumu, muena butumbi ne muena bukalenga! Eyowa, bionsu bidi mulu, bidi pa buloba mbiebe wewe Maweja-Nangila, bualu udi mukalenga, kabidi udi mfumu wa bonsu ne wa bionsu.

Misambu 39:9

Unsungidile ku bubi buanyi buonsu, kabanseki kudi bidingidingi.

Misambu 62:11

— Kukebi buneme ku tshinyangu, kutekemenyi makasa ku buivi. Nansha bubanji buebe buvulangane, kutekiku muoyi.

Muadi 3:37

Nganyi udi mua kutuma diyi musangu amu umue, bualu kuenzekabu? Amu Maweja-Nangila ke udi wenza nanku.

Danyele 4:17

Uvua mumone mutshi munene, mukole, matamba a kulu matue mu diulu. Bantu bonsu ba pa buloba bawa baumona!

Danyele 4:25

Malu onsu, avuabu bamane kuambila mukalenga Nebukadnesare, kukumbanawu.

Danyele 4:32

Bantu bonsu ba pa buloba, nansha bobu bungi munyi, kabena ne mushinga ku mesu kuende. Udi wenza mudiye musue ne ba mu diulu, mudiye wenza ne ba pa buloba. Kakuena udi mua kumutuila nkanana, nansha kumutandisha.

Danyele 5:21

Bakamuipata munkatshi mua bantu, bamupuekesha milongu ya nyama. Kusombaye ne nyama ya mpunde ya mu tshisuku. Kudiaye bisosa bu ngombe. Mubidi wende kubola ne lumuma, too ne pakamanyaye ne: Mvidi Mukulu, Muena kulu, ke udi mfumu wa makalenga a bantu, ke udi upesha muntu udiye musue bukalenga.

Matayi 26:65

Ke mutuangaji munene kudipanda bilamba, wamba ne: — Mmupende Mvidi Mukulu! Katutshiena tukengela bajadiki ba bualu ebu kabidi to! Nudi bumvue amu mpindiewu mudiye mupende Mvidi Mukulu.

Matayi 27:2

Kumusuikishabu mionji, kuyabu nende kua Pilate, muena Rome, uvua mulombodi wa ditunga adi.

Matayi 6:13

Kutubueji mu ditetshibua, kadi utusungile kudi Muena bubi. [Bualu wewe ke udi ne bukalenga, bukole ne butumbi, kashidi tshiendelele. Amene.]”

Marke 14:44

Yudase uvua mutangile Yezu tshitungu uvua mumane kuambila bantu abu tshimanyinu tshivuaye ne bua kubaleja ne: “Muntu ungela mu tshitupa awu ke yeye unudi nujinga. Numukuate, nuye nende bamulame bimpe.”

Luke 22:53

Matuku onsu mvua nenu mu nzubu wa Mvidi Mukulu. Kanuena bakebe kunkuata nansha. Kadi diba edi ndienu, didi miidima ileja bukole buayi.

Yowanane 18:13

Kuyabu nende bangabanga kua Anase. Anase uvua tatuende muenu wa Kayifa, uvua mutuangaji munene tshidimu atshi.

Yowanane 18:3

Yudase kuya mu lupangu alu ne tshisumbu tshia basolayi, kabidi ne tshia balami ba mu nzubu wa Mvidi Mukulu bavua bamfumu ba batuangaji ne Baparushe batume. Bantu abu bavua ne bia myita, bikale kabidi ne bimunyi bia kapia.

Yowanane 19:10

Ke Pilate kumuamba ne: — Udi ubenga kungandamuna anyi? Kuena mumanye ne: ndi ne bumfumu bua kukulekesha mu lukanu, nansha bua kukupopeshisha ku mutshi mutshiamakane anyi?

Yowanane 3:27

Yowanane kubandamuna ne: — Muntu kena mua kudipetela tshintu padi Mvidi Mukulu kayi mumupeshetshi.

Yowanane 7:30

Nanku bantu bavua basue kumukuata. Kadi muntu nansha umue kavua mua kumupeta, bualu diba dia kumukuata kadivua dianji kukumbana.

Yowanane 9:41

Yezu kubandamuna ne: — Bu nuenu bampofu, kanuvua mua kupila. Kadi bu munudi nuamba ne: “Tudi tumona,” nudi nushala bena tshibawu.

Bienzedi 2:23

Bavua bafila muntu ewu kunudi, muvua Mvidi Mukulu mudianze kujadika. Nuenu kumushipa, kumupopeshisha pa mutshi mutshiamakane kudi bena malu mabi.

Bienzedi 3:13

Kabiena nanku to! Mvidi Mukulu wa Abrahame, wa Izake, ne wa Yakobe, Mvidi Mukulu wa bankambua betu, mmuleje patoke butumbi budi muntu wende Yezu nabu. Nuenu kumufila kudi bamfumu, kumubenga kumpala kua Pilate. Kadi Pilate uvua musue kumulekela.

Bienzedi 4:28

Nenku mbakumbaje bionsu biuvua mudianze kujadika ku bukole buebe ne ku meji ebe ne: nebienzeke.

Rome 11:36

Bualu bionsu bidi bifuma kudiye. Bionsu bidiku ku bukole buende, kabidi bualu buende. Mvidi Mukulu atumbe kashidi tshiendelele! Amene.

Rome 13:1

Muntu yonsu udi ne bua kutumikila bamfumu badi balombola ditunga. Bualu kakuena bumfumu budi kabuyi bufuma kudi Mvidi Mukulu. Yeye ke udi muteke bamfumu bonsu muaba wabu.

Yakobe 1:17

Mapa malenga onsu ne bintu bimpe bionsu bidi bituluka mu diulu, mbifuma kudi Mvidi Mukulu, Mufuki wa miendu ya mulu. Mvidi Mukulu kena ushintuluka; munda muende kamuena miidima; butoke buende kabuena bukepa.

Yakobe 4:17

Nanku muntu udi mumanye bualu buimpe budiye ne bua kuenza, ubenga kubuenza, mmuena tshibawu.