Yowanane 14:12 - MUKANDA WA MYIDI MUKULU

¹² Ndi nnujadikila bulelela ne: muntu udi ungitaba neenze kabidi midimu indi ngenza. Neenze mikuabu mipite bunene, bualu ndi nya kudi Tatu.

Mukanda wa Nzambi Dihungila Dikulukulu ne Dihungila Dihia-dihia 2003

¹² Bulelela, bulelela, ndi nuambila ne, Wangitabusha nenze biandi kabidi malu antshidi ngenza; nenze biandi malu adi mahite andi ngenza, bualu bua meme ndi nya kudi Tatu.

Yowanane 14:12 교차 참조

Matayi 21:21

Yezu kubandamuna ne: — Ndi nnujadikila bulelela ne: nuenu bikale ne ditaba, kanuyi nuela mpata, kanuakuenza anu tshindi muenzele mutshi wa mfiku ewu nansha. Kadi diba adi nenuambile mukuna ewu ne: “Umuke paudi apu, uye kudiela mu mayi manene,” mukuna neuye.

Marke 11:13

Kumonaye mutshi wa mfiku pa bule musampile. Kuyaye kutangila bua kumona ne udiku mua kuikala mukuama bimuma. Kadi ufika pabuipi ne mutshi, kusanganaye amu mabeji, bualu katshivua tshikondu tshia mutshi wa mfiku kukuama nansha.

Marke 16:17

Umvua yi bishima bidibu mua kumanyina bantu badi bitaba mbiebi: nebipate mikishi mibi mu dina dianyi, nebakule miakulu mipiamipia,

Yowanane 14:28

Nuvua bumvue nnuambila ne: “Nkadi ngumuka, kadi nempingane kunudi.” Panuikala bannange, nenusanke panudi numanya ne: ndi nya kudi Tatu. Bualu Tatu udi mumpite ku bunene.

Yowanane 16:7

Kadi ndi nnujadikila ne: buenu nuenu bidi bimpe nye. Bualu meme tshiyi muye, udi mua kunuambuluisha kena ufika kunudi to. Kadi meme muye, nennutumineye.

Yowanane 4:37

Bualu lusumuinu elu ludi luamba malu malelela ne: “Muntu umue udi ukuna, mukuabu udi unowa.”

Yowanane 5:20

Bualu Tatu udi munange Muana, unuleja bionsu bidiye wenza. Neamuleje malu a kuenza mapite aa bunene. Malu awu neanukemeshe.

Yowanane 7:33

Kadi Yezu kuamba ne: — Ntshidi kabidi nenu amu bua matuku utabala ku minu, pashishe nenye kudi uvua muntume.

Yowanane 7:39

(Yezu uvua uleja nanku Mueyelu wa Tshijila uvua bantu bavua bamuitaba ne bua kupeta. Bualu diba adi bantu kabavua banji kupeta Mueyelu wa Tshijila to, bualu Yezu kavua muanji kupeta butumbi buende).

Bienzedi 10:46

Bualu bavua bumvua bantu abu bakula miakulu ivuabu kabayi bamanye, batumbisha bunene bua Mvidi Mukulu. Ke Petro kuamba ne:

Bienzedi 16:18

Mukaji awu uvua wenza nanku matuku a bungi. Pashishe kutondabi Polu. Ke kukudimukaye, wambila mukishi mubi awu ne: — Mu dina dia Yezu Kristu, ndi nkutumina diyi ne: patuka munda mua muntu awu! Diakamue mukishi kupatuka.

Bienzedi 19:12

Bavua bateka pambidi pa babeedi bilamba, nansha tulamba, bivua bilenga mubidi wa Polu. Babeedi kumvua amu bilenga, mikishi mibi kumuka kudibu.

Bienzedi 2:33

Mpindiewu udi muzanjike ku dia bukole dia Mvidi Mukulu. Kupetaye Mueyelu wa Tshijila uvua Tatu mulaye. Ke yeye kututuminawu: ke binudi numona, numvua kabidi lelu ewu.

Bienzedi 2:41

Bantu ba bungi kuitaba miaku ya Petro ayi. Kubatuabu mu mayi. Dituku adi, bantu bu binunu bisatu kubuela mu tshisumbu tshia bena ditaba.

Bienzedi 4:16

Bavua bakonkangana ne: — Bantu aba neabenzele tshinyi? Bualu tshishima tshinene tshidibu benze, bena mu Yerushalayime bonsu mbatshimanye. Nanku katuena mua kutshivila to.

Bienzedi 4:33

Bapostolu bavua bajadika dibika dia Mfumu Yezu ne bukole bua bungi. Mvidi Mukulu uvua ubambuluisha bonsu bikole, ubela lupemba.

Bienzedi 4:4

Kadi bantu ba bungi bavua bumvue dilongesha edi, kuitababu. Bena ditaba bakavua bu binunu bitanu.

Bienzedi 5:15

Bavua bafika ne babeedi mu misesu, babaladika pa malalu ne pa biata, bua nansha Petro upita, mundidimbi wende ubuikile bamue ba kudibu.

Bienzedi 6:7

Muaku wa Mvidi Mukulu kutanta bikole. Balongi kuelangana mu Yerushalayime. Batuangaji ba bungi bavua batuadija kuitaba.

Bienzedi 8:7

Bualu mikishi mibi ya bungi ivua mikuate bantu, ivua ipatuka, yela mbila mikole. Bena tuneke bavule ne batebuki bavua basanguluka.

Bienzedi 9:34

Petro kumuamba ne: — Eneyase, Yezu udi ujikija disama diebe! Juka, udilongoluele bulalu! Eneyase kujuka diakamue.

Bienzedi 9:40

Petro kupatula bantu bonsu mu nzubu, kutua binu, utendelela Mvidi Mukulu. Pashishe kutangilaye tshitalu, wamba ne: — Tabita, biika! Tabita utabala, kumonaye Petro. Kujukaye pa bulalu, kusomba.

Rome 15:19

ku bukole bua bishima ne bua malu a dikema, kabidi ne ku bukole bua Mueyelu wa Tshijila. Ke mumvua mulongeshe muanyi muonsu Lumu lua Disanka ludi lutangila Kristu. Mvua muendakane nseke yonsu, kutuadijila mu Yerushalayime, too ne ku buloba bua Iliriya.