Yowanane 13:5 - MUKANDA WA MYIDI MUKULU

⁵ Pashishe kuelaye mayi mu dilongu, kubanga kuowesha balongi bende mayi ku makasa, wakupula ne tshilamba tshivuaye mudijingile mu tshimonu.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Hashishe yeye wakela mai mu dilonga, wakabanga kuowesha bayidi makasa ne kuakuhula ne dituaya diakadiye mudijingile.

Yowanane 13:5 교차 참조

Genese 18:4

Banupeshe mayi, nowe ku makasa, nuikishe kuinshi kua mutshi ewu.

Genese 19:2

— Bakalenga banyi, bu nuenu basue, kanupitshi to. Tuyayi ku mbelu. Nowa mayi ku makasa, nulale. Patshiabu dinda nenutungunuke ne luendu luenu. Bobu kuandamuna ne: — Tudi tulala anu pambelu muaba utudi ewu.

Genese 43:24

Kubuejaye bana babu bonsu ne Yozefe mu nzubu muende. Kubapeshaye mayi a kuowa ku makasa. Kufilaye kabidi ne bisosa bia kudisha mpunde yabu.

2 Bakalenga 3:11

Kadi, Yosafate kukonka ne: — Muaba ewu, kakuena muambi udi mua kutuebejila malu kudi Maweja-Nangila anyi? Mulombodi wa bena mvita ba mukalenga wa bena Izrayele kuandamuna ne: — Tudi ne Elisha, muana wa Shafate. Yeye uvua wambuluisha muambi Eliya bikole.

Misambu 51:2

Musambu ewu mmusake tshikondu tshivua muambi Natane mumonangane ne Davide, yeye mumane kubuelela Batsheba mu nzubu.

Ekesode 29:4

“Uye ne Arone ne bana bende ba balume ku mushiku wa mbelu wa ntenta wa kusambakena, uboweshe mayi.

Yeshaya 1:16

Dilongololayi, nudikobolole, nubenge buenzayi, tshibumvu kabidi nansha. Kanuenji kabidi bibi to.

Yezekiyele 36:25

Nennupumuine mayi matoke pambidi penu bua kunumusha mikiya. Eyowa, nennumushe bubi buenu buonsu, ne bukoya bunuvua bapete pa kutendelela mvidie mikuabu.

Lewitiki 14:8

Muena nsudi uvuabu bakobolola awu, asukule bilamba biende, akungule nsuki ne boya buonsu, wowe mayi adi umusha mikiya. Pashishe apingane mu mitanda. Kadi ashale matuku muanda mutekete kayi ubuela mu ntenta wende.

Zekâya 13:1

Dituku adi, mpokolu wa mayi neabudike bua kusukula bubi ne malu mabi a ndelanganyi ya Davide ne a bena Yerushalayime.

Luke 7:38

Kuimanaye panyima pa Yezu, ku makasa ende. Uvua udila, ubolesha makasa a Yezu ne binsonji. Uvua wakupula ne nsuki yende, watua mishiku, walaba manananshi.

Luke 7:44

Pashishe Yezu ukudimuka kudi mukaji, kuambila Simone ne: — Udi mumone mukaji ewu anyi? Meme kufika kuebe, kuena mumpeshe mayi a kuowa ku makasa. Kadi yeye mmungoweshe makasa ne binsonji biende, muakupule ne nsuki yende.

Yowanane 13:10

Yezu kumuamba ne: — Muntu mumane kuowa mayi mubidi mujima, kena ukengela kuowa tshiakabidi. Udi ne bua kuowa amu ku makasa, bualu kena ne manyanu nansha makese pambidi. Nuenu kabidi kanuena ne manyanu, kadi ki nnuenu bonsu to.

Yowanane 13:6

Yezu ufika kudi Simone Petro, awu kumukonka ne: — Mfumu, udi ukeba kungowesha mayi ku makasa anyi?

Yowanane 13:8

Petro kumuamba ne: — To, katshia kuena mua kungowesha mayi ku makasa nansha! Yezu kumuandamuna ne: — Meme tshiyi mukuoweshe mayi ku makasa, kuena mua kupeta kabidi tshintu nansha tshimue kundi.

Yowanane 19:34

Kadi umue wa ku basolayi kumutua difuma diende mu lubadi. Mashi ne mayi kupatukamu diakamue.

Bienzedi 22:16

Kadi mpindiewu tshiudi windila kabidi ntshinyi? Jukaku, bakutue mu mayi, utonde mu dina dia Yezu, bua mibi yebe ijimine.”

1 Korente 6:11

Ke muvua bamue ba kunudi kale. Kadi mbamane kunujimijila mibi yenu, banuenze bantu ba tshijila bua nuikale bantu ba Mvidi Mukulu. Mvidi Mukulu mmumane kunubingisha mu dina dia Mfumu Yezu Kristu, kabidi ku bukole bua Mueyelu wa Mvidi Mukulu wetu.

Efeze 5:26

Uvua muenze nanku bua tshikale Tshisumbu tshia bantu menemene ba Mvidi Mukulu. Uvua mutshisukule, mutshitue mu mayi, muambe muaku.

1 Timote 5:10

Bantu bajadike muvuaye muenze malu mimpe, muvuaye mukoleshe bana bende biakane, muvuaye muakidile benyi kuende, muvuaye muoweshe bena ditaba makasa, muvuaye muambuluishe bakengi, mukuate midimu mimpe yonsu.

Ebrewu 10:22

Nenku tusemenayi kudi Mvidi Mukulu ne muoyi umue, bashindame mu ditaba dietu, bamane kulengeja muoyi wetu ku bilema bionsu bidi kondu ketu ka munda katupisha nabi, bamane kuowesha mubidi wetu ne mayi mimpe.

1 Yone 1:7

Kadi tuetu bende mu butoke, mudi Mvidi Mukulu mu butoke, nanku bonsu tudi tuenza tshintu tshimue, kabidi mashi a Yezu, Muanende, adi atupikula ku bubi buonsu.

1 Yone 5:6

Yezu Kristu mmufike kutudi; mmufike ne mayi muvuabu bamutue, kabidi ne mashi a ku lufu luende. Kena mufike amu ne mayi nkayawu, kadi ne mayi, kabidi ne mashi. Ke bualu budi Mueyelu wa Tshijila ujadika. Bualu Mueyelu udi bulelela.

Didimanyisha 1:5

ne bia kudi Yezu Kristu, udi ujadika malu mudiwu, Muanabute, Wa kumpala udi mubiike ku bafue, Mukalenga wa bakalenga bonsu ba pa buloba, bishindame munda muenu. Kristu udi utunanga. mMutupikule ku mibi yetu ku lufu luende.

Didimanyisha 7:14

Meme kumuandamuna ne: — Mfumu wanyi, tshiena mumanye. Amu wewe ke udi mua kumanya. Ke kungambilaye ne: — mBantu bavuabu bakengeshe bikole, kadi kabayi bateketa. Bavua basukule mintumpu yabu, bayitokeshe mu mashi a Muana wa mukoku.

Balombodi 19:21

Kuyaye nabu kuende. Kupeshaye nyama ya mpunde biakudia. Benyi abu kuowa mayi ku makasa, kudia, kunua.

1 Samuele 25:41

Abiyayile kuinama kumpala kuabu, mutue mpala panshi, ubambila ne: — Nengikale mupika wa mukalenga Davide. Ndi muitabe bua kuikala ngowesha bena mudimu bende mayi ku makasa.