Yowanane 13:13 - MUKANDA WA MYIDI MUKULU

¹³ Nudi numbikila “Mulongeshi,” kabidi “Mfumu.” Nudi nuamba bimpe. Ke mundi.

Mukanda wa Nzambi Dihungila Dikulukulu ne Dihungila Dihia-dihia 2003

¹³ Nudi numbikila ne, Muyishi ne Mukelenge; nudi nuamba bimpe, bua meme ndi nunku.

Yowanane 13:13 교차 참조

Yirmeya 1:12

Maweja-Nangila kungambila ne: — Udi mumone bimpe. Meme ndi ndimuija, bualu nenkumbaje tshindi muambe.

Matayi 20:28

Nanku Muana wa muntu kena mufike bua bamuenzele mudimu, kadi amu bua kukuatshila bantu bakuabu mudimu, ne bua kufila muoyi wende bua kupikula bantu ba bungi.

Luke 10:28

Ke Yezu kumuambila ne: — Udi muandamune bimpe. Enza nanku, newikale ne muoyi.

Luke 6:46

“Nudi numbikila ‘Mfumu, Mfumu,’ kanuyi nuenza mundi munuambile bua tshinyi?

Luke 7:43

Simone kumuandamuna ne: — Ndi ngela meji ne: uvuaye mutekele dibanza dinene. Ke Yezu kumuandamuna ne: — Udi muambe anu bimpe.

Yowanane 11:2

(Mariya ewu ke mukaji uvua muele Mfumu manananshi ku makasa, muakupule ne nsuki yende. Nunku muanabu Lazare ke uvua usama).

Yowanane 11:28

Marte mumane kuamba nanku, kuyaye kubikila muanabu wa bakaji Mariya, umuambila ku luseke ne: — Mulongeshi ukadi mufike. Udi ukubikila.

Yowanane 11:3

Nsongakaji ibidi eyi kutumina Yezu diyi ne: — Mfumu, mulunda webe udi usama.

1 Korente 12:3

Ke pandi musue bua nujingulule bimpe ne: padi Mueyelu wa Tshijila ulombola muntu, kena mua kuamba ne: “Yezu ikale mutshipa!” Nansha muntu kena mua kujadika ne: “Yezu udi Mfumu,” padi Mueyelu wa Tshijila kauyi umulombola.

1 Korente 8:6

Kadi buetu tuetu kudi Mvidi Mukulu amu umuepele, Tatu, Mufuki wa bionsu. Tudi ne muoyi panu, bua kuya kudiye. Kudi kabidi Mfumu umuepele, Yezu Kristu. Bionsu bidiku ku bukole buende. Tudi bapete muoyi amu kudiye.

Efeze 6:9

Kadi nuenu bamfumu ba bapika, nunemeke bapika benu amu mushindu wa momumue. Kanubakanyinyi nansha. Nuvuluke ne: nuenu ne bapika benu, nudi amu ne Mfumu umue mu diulu, udi kayi ne kansungasunga.

Filipe 2:11

batonde patoke ne: Yezu Kristu udi Mfumu! Ke mudibu batumbisha Mvidi Mukulu Tatu.

Filipe 3:8

Tshiena ngamba amu bua biobi abi to. Kadi nkadi ntangila bionsu bidi ne mushinga bu bintu bia kuimansha, bualu bua tshiuma tshipite buimpe etshi: kumanya Yezu Kristu, Mfumu wanyi. Bualu buende Yeye, ndi muimanshe bionsu bivua ne mushinga ku mesu anyi. Ndi mbitangila bu bintu bia kuela mu dyala, bua mmone mua kupeta Kristu,

Yakobe 2:19

Udi witaba ne: Mvidi Mukulu udi amu umue. Bidi bimpe. Mikishi mibi idi itaba kabidi nanku, izakala ne bowa.