Yowanane 13:1 - MUKANDA WA MYIDI MUKULU

¹ Dituku dimue kumpala kua tshibilu tshia Dipita dia Maweja-Nangila, Yezu mumanye muvua diba dimane kufika dia kumuka panu bua kupingana kua Tatu, bu muvuaye munange bantu bende ba pa buloba matuku onsu, kubanangaye too ne ku ndekelu.

Mukanda wa Nzambi Dihungila Dikulukulu ne Dihungila Dihia-dihia 2003

¹ Diambedi disanka dia Kuhita kua Yehowa kadi dianze kulua, Yesu wakamanya ne, Diba dianyi dia kumuka ha buloba bua kuya kudi Tatu diakufika, yeye mumane kusua bandi mene bakadi ha buloba, wakabasua tô ne kunshikidilu.

Yowanane 13:1 교차 참조

Nsumuinu 8:31

pa buloba buvuaye mufuke. Biangatshile ku tshikondu atshi, disanka dianyi didi amu dia kumonangana ne bantu.

Yirmeya 31:3

Bantu banyi bavua bamba ne: “Maweja-Nangila mmutumuenekele mufume kule!” Ke meme kubambila ne: “Ndi mununange tshiendelele. Ke pandi nnulamata kashidi.

Matayi 26:45

Pashishe kupinganaye kudi balongi bende, kubambila ne: — Nutshidi anu balale, bikishe? Monayi diba didibu bafila Muana wa muntu mu bianza bia bantu babi ndimane kukumbana.

Matayi 28:20

Nubalongesha kabidi mua kukumbaja bionsu bimvua munuambile. Manyayi ne: Meme nengikale nenu matuku onsu, too ne ku ndekelu kua bidimu.

Luke 22:53

Matuku onsu mvua nenu mu nzubu wa Mvidi Mukulu. Kanuena bakebe kunkuata nansha. Kadi diba edi ndienu, didi miidima ileja bukole buayi.

Luke 9:51

Matuku avuabu ne bua kuya ne Yezu mu diulu akavua pabuipi. Ke Yezu kushindika bua kuya ku Yerushalayime.

Yowanane 11:55

Tshibilu tshia bena Yuda tshia Dipita dia Maweja-Nangila tshivua pabuipi. Bantu ba bungi ba mu ditunga bavua baya mu Yerushalayime, tshibilu etshi katshiyi tshianji kuenzeka, bua bumushe mikiya yabu.

Yowanane 12:23

Yezu kubandamuna ne: — Diba ndimane kukumbana mpindiewu didi bantu ne bua kutumbisha Muana wa muntu.

Yowanane 13:29

Bu muvua Yudase ulama tshibutshilu, bakuabu bavua bela meji ne: Yezu udi umuambila bua kuyaye kusumba bintu bivuabu bakengela bua kuenza nabi tshibilu, nansha utua umuambila bua kuambuluishaye bapele.)

Yowanane 13:3

Yezu uvua mumanye muvuaye mutumine kudi Mvidi Mukulu, kabidi muvuaye ne bua kupingana kudi Mvidi Mukulu. Uvua mumanye kabidi nunua Mvidi Mukulu muteke bionsu ku bumfumu buende.

Yowanane 13:34

Ndi nnupesha mukenji mupiamupia ne: Nunangangane. Nudi ne bua kunangangana mundi mununange.

Yowanane 14:28

Nuvua bumvue nnuambila ne: “Nkadi ngumuka, kadi nempingane kunudi.” Panuikala bannange, nenusanke panudi numanya ne: ndi nya kudi Tatu. Bualu Tatu udi mumpite ku bunene.

Yowanane 14:31

Kadi bidi bimpe bua ba pa buloba bamanye ne: ndi munange Tatu, kabidi ndi ngenza mudi Tatu untumina diyi. Jukayi, tumukayi apa!

Yowanane 16:28

Ndi mufume kudi Tatu, mufike pa buloba. Mpindiewu ndi ngumuka pa buloba, mpingana kudi Tatu.

Yowanane 17:1

Yezu mumane kuakula nanku, kutangilaye mulu, wamba ne: — Tatu, diba ndimane kufika. Leja butumbi bua Muanebe, bua Muana aleje kabidi butumbi buebe.

Yowanane 17:16

Kabena ba pa buloba to, mundi meme tshiyi wa pa buloba.

Yowanane 17:26

Ndi mukumanyishe kudibu. Nentungunuke ne dikumanyisha, bua dinanga diudi munnange dikale munda muabu, bua meme kabidi ngikale munda muabu.

Yowanane 17:5

Tatu, mpindiewu umpeshe ku mesu kuebe butumbi bumvua nabu kabayi banji kufuka buloba.

Yowanane 18:4

Yezu uvua mumanye bionsu bivua ne bua kumuenzekela. Ke kusemenaye kuvuabu, kubebeja ne: — Unudi nukeba nnganyi?

Yowanane 19:28

Malu aa mamane kupita, bu muvua Yezu mumanye ne: mpindiewu bionsu mbimane kukumbana, bua kukumbaja miaku ivuabu bafunde mu Mukanda wa tshijila kuambaye ne: — Ndi ne nyota.

Yowanane 2:13

Tshibilu tshia bena Yuda tshia Dipita dia Maweja-Nangila tshikasua pabuipi. Ke Yezu kuya ku Yerushalayime.

Yowanane 6:4

Tshibilu tshia bena Yuda tshia Dipita dia Maweja-Nangila tshikavua pabuipi.

Yowanane 7:30

Nanku bantu bavua basue kumukuata. Kadi muntu nansha umue kavua mua kumupeta, bualu diba dia kumukuata kadivua dianji kukumbana.

Yowanane 7:6

Yezu kubambila ne: — Dianyi diba kadiena dianji kufika to. Kadi buenu nuenu, diba dionsu ndimpe.

Yowanane 8:20

Yezu uvua muambile bantu miaku eyi, pavuaye ulongesha mu nzubu wa Mvidi Mukulu, mu tshibambalu tshiyuabu balamina mishete ya kuela makuta a kulambula Mvidi Mukulu. Muntu nansha umue kavua mumukuate, bualu diba diende kadivua dianji kukumbana.

Rome 8:37

Kadi bionsu abi tudi mua kubitshimuna kashidi ku bukole bua uvua mutuleje mudiye utunanga.

1 Korente 1:8

Yeye neanuambuluishe, bua nushale bashindame ne ku ndekelu, bua muntu kamonyi mua kunuasa tshilumbu nansha tshimue, dituku diafika Mfumu wetu Yezu Kristu.

Ebrewu 3:14

Bualu tudi tuenda pamue ne Kristu mu njila, patudi tulama ne muoyi umue ditekemena dietu dia ku tshibangidilu too ne ku ndekelu.

Ebrewu 3:6

Kadi Mvidi Mukulu udi wanyisha Kristu bu Muanende, udi ku mutu kua nzubu wende. Nzubu wende awu ke tuetu, amu patudi tuindila ne muoyi umue ne lutulu, bitudi tutekemena.

Ebrewu 6:11

Kadi tudi tujinga ne: muntu yonsu wa kunudi atungunuke ne disuminyina dia momumue too ne ku ndekelu, bua binudi batekemena bikumbane menemene.

1 Petro 1:13

Nanku nudilongolole bua numone mua kukuata mudimu. Nutabale muenu muonsu, batekemene bikole dipa dianupeshabu dituku diamueneka Yezu Kristu.

1 Yone 4:19

Kadi tuetu tudi tunangangana, bualu Mvidi Mukulu uvua mudianze kutunanga.

Didimanyisha 1:5

ne bia kudi Yezu Kristu, udi ujadika malu mudiwu, Muanabute, Wa kumpala udi mubiike ku bafue, Mukalenga wa bakalenga bonsu ba pa buloba, bishindame munda muenu. Kristu udi utunanga. mMutupikule ku mibi yetu ku lufu luende.