Yowanane 12:23 - MUKANDA WA MYIDI MUKULU

²³ Yezu kubandamuna ne: — Diba ndimane kukumbana mpindiewu didi bantu ne bua kutumbisha Muana wa muntu.

Mukanda wa Nzambi Dihungila Dikulukulu ne Dihungila Dihia-dihia 2003

²³ Yesu wakabambila ne, Diba diakufika bua Muana wa muntu kutumbishibua.

Yowanane 12:23 교차 참조

Yeshaya 60:9

Ke matu adi afuma ku mielelu ya mayi a ku matunga a kule. Matu manene adi enda kumpala. Bana bebe badi pa matu aa, bafumine ku matunga a kule, bambule mpawungi yabu ne biamu bitoke bia mushinga mukole. Badi balua bua kutumbisha Maweja-Nangila, Mvidi Mukulu webe, wa tshijila wa bena Izrayele. Bualu Yeye ke udi ukusankisha nenku.

Marke 14:41

Kupinganaye musangu muisatu, ubambila ne: — Nutshidi balale tulu, bikishe? Biakumbanyi. Diba diakanyi. Tangilayi, nebafile Muana wa muntu mu bianza bia bantu babi.

Matayi 25:31

— Dituku diafika Muana wa muntu, kabidi dialejaye butumbi buende buonsu, batumibue ba Mvidi Mukulu bonsu nebikale nende. Neaye kusomba mu nkuasa wende wa butumbi.

Yeshaya 55:5

Ne wewe kabidi Izrayele, neubikile bantu benyi, baudi kuyi muanji kumanya. Bantu aba, badi kabayi banji kukumanya, nebafike kuudi. Nebafike kuudi amu bualu buanyi meme, Maweja-Nangila Mvidi Mukulu webe, wa tshijila wa Izrayele. Bualu meme ndi nkupesha lumu elu.”

Yowanane 12:16

Balongi bende kabavua banji kujingulula bionsu abi to. Kadi Yezu mumane kupeta butumbi buende, ke kushishabu kuvuluka ne: mu Mukanda wa tshijila mbamane kufunda malu aa bualu buende. Nanku malu aa nunemeke umvua mukanda muambe bualu buende.

Matayi 26:45

Pashishe kupinganaye kudi balongi bende, kubambila ne: — Nutshidi anu balale, bikishe? Monayi diba didibu bafila Muana wa muntu mu bianza bia bantu babi ndimane kukumbana.

Marke 14:35

Kuyaye kule kakese, kudiela panshi, utendelela bua bu biobi mua kuenzeka, dikenga adi kadifiki kudiye to.

Yowanane 7:39

(Yezu uvua uleja nanku Mueyelu wa Tshijila uvua bantu bavua bamuitaba ne bua kupeta. Bualu diba adi bantu kabavua banji kupeta Mueyelu wa Tshijila to, bualu Yezu kavua muanji kupeta butumbi buende).

Yowanane 12:27

— Mpindiewu muoyi udi undubakana. Nengambe tshinyi? Nengambe ne: Tatu unsungidile ku bidi ne bua kuenzeka diba edi anyi? Kadi tshindi mufikile panu tshidi nangananga bua kupitshila mu diba edi dia makenga.

Yowanane 13:1

Dituku dimue kumpala kua tshibilu tshia Dipita dia Maweja-Nangila, Yezu mumanye muvua diba dimane kufika dia kumuka panu bua kupingana kua Tatu, bu muvuaye munange bantu bende ba pa buloba matuku onsu, kubanangaye too ne ku ndekelu.