Yowanane 12:2 - MUKANDA WA MYIDI MUKULU

² Muaba awu, Marte uvua mumulambile biakudia. Lazare uvua umue wa ku bantu bavua ku mesa ne Yezu.

Mukanda wa Nzambi Dihungila Dikulukulu ne Dihungila Dihia-dihia 2003

² Bakamulambishila bidia bia butuku; Mata wakadi ubakuatshisha, kadi Lazalo wakadi mukuabo wa bakadi bashikame nʼandi ku mesa.

Yowanane 12:2 교차 참조

Musambu wa Solomo 4:16

Mpepele ya ku mutu ne ya kuinshi, tabalayi, luayi lukasa, tangalajayi dipembu dionsu didi mu lupangu luanyi. Miaba yonsu inunke mupuya muimpe! Munanga wanyi, luaku, buela mu lupangu luanyi, udie bimuma bisheme bidi momu.

Matayi 26:6

Yezu uvua mu nzubu mua Simone, muena nsudi, mu Betanya.

Marke 14:3

Yezu utshivua ku Betanya, mu nzubu mua Simone muena nsudi. Pavuaye musombe bua kudia, mukaji kubuela ne mulangi tente wa manananshi a mushinga mukole, kaayi masangisha ne tshintu tshikuabu. Kuukangulaye, kuelaye Yezu manananshi mu mutu.

Luke 12:37

Bena mudimu aba badi ne diakalenga, padi mfumu ubasangana batabale. Ndi nnujadikila bulelela ne: Mfumu neavuale tshilamba tshia mudimu. Neabasombeshe ku mesa, bua kubabanyina biakudia ku muntu ku muntu.

Luke 14:12

Pashishe Yezu kuambila uvua mumubikile ne: — Diba diudi upa bantu biakudia bia dinda, nansha bia munda munya, lekela kubikila balunda bebe, bana benu, nansha bena mutumba nebe babanji. Bualu bobu badi mua kukubikila pabu. Nanku nebakupingajile biuvua mubapeshe abi.

Luke 22:27

Muntu udi mupite bakuabu nnganyi? Ngudi musombe ku mesa anyi, udi ukuatshila bakuabu mudimu? Se ngudi musombe ku mesa. Nanku meme ndi munkatshi muenu, nnuenzela mudimu.

Luke 5:29

Ke Levi kulongoluela Yezu didia dinene mu nzubu muende. Balambuishi ba bitadi bavule ne bantu bakuabu bavua nabu mu didia adi.

Didimanyisha 3:20

Teleja! Ndi ngimana ku tshiibi, nkokola. Padi muntu umvua diyi dianyi, unkanguila tshiibi, nembuele mu nzubu muende. Nendie nende, yeye neadie nanyi.