Yowanane 11:43 - MUKANDA WA MYIDI MUKULU

⁴³ Yezu mumane kuamba nanku, kuelaye diyi dikole ne: — Lazare, patuka!

Mukanda wa Nzambi Dihungila Dikulukulu ne Dihungila Dihia-dihia 2003

⁴³ Hakambeye nunku, wakela dî diandi bikole ne, Lazalo, luhuka.

Yowanane 11:43 교차 참조

Marke 4:41

Kadi batua ne bowa bukole. Bavua bakonkangana ne: — Muntu udi tshipepele nansha mayi a dijiba bitumikile nenku nnganyi?

Yowanane 11:42

Ndi mumanye ne: udi unteleja misangu yonsu. Kadi ndi ngamba nanku, bua bantu badi bannyungulukila bitabe ne: wewe ke uvua muntume.

Yowanane 11:44

Mufue kupatuka, makasa ne bianza bijingila mikaba ya bilamba, mpala mubuikila tshitambala. Yezu kubambila ne: — Mukutululayi, numulekele aye.

Yowanane 12:1

Matuku asambombu kumpala kua tshibilu tshia Dipita dia Maweja-Nangila, Yezu kuya ku Betanya kuvua Lazare, uvuabu babishe ku lufu awu, musombe.

Yowanane 12:9

Bena Yuda bavule kumvua lumu ne: Yezu udi ku Betanya. Kuyabu muaba awu, kabayi baya amu bualu bua Yezu nkayende to, kadi kabidi bua kumona Lazare uvua Yezu mubishe ku lufu.

Bienzedi 3:12

Petro umona nanku, kuambilaye bantu ne: — Nuenu bena Izrayele, nudi nukema padi muntu ewu wenda bimpe bua tshinyi? Tshinudi nututangidila ntshinyi? Bienza bu tuetu badi bendesha muntu ewu ku bukole buetu tuetu, nansha bualu tudi bantu badi bitaba Mvidi Mukulu!

Bienzedi 3:6

Ke Petro kumuamba ne: — Tshiena ne lukanu lua tshiamu tshitoke tshia mushinga mukole, nansha lua tshiamu tshia mpawungi. Kadi tshindi natshi, ndi nkupeshatshi: mu dina dia Yezu Kristu wa mu Nazarete, ndi nkuamba ne: juka, enda!

Bienzedi 9:34

Petro kumuamba ne: — Eneyase, Yezu udi ujikija disama diebe! Juka, udilongoluele bulalu! Eneyase kujuka diakamue.

Bienzedi 9:40

Petro kupatula bantu bonsu mu nzubu, kutua binu, utendelela Mvidi Mukulu. Pashishe kutangilaye tshitalu, wamba ne: — Tabita, biika! Tabita utabala, kumonaye Petro. Kujukaye pa bulalu, kusomba.