Yowanane 11:2 - MUKANDA WA MYIDI MUKULU

² (Mariya ewu ke mukaji uvua muele Mfumu manananshi ku makasa, muakupule ne nsuki yende. Nunku muanabu Lazare ke uvua usama).

Mukanda wa Nzambi Dihungila Dikulukulu ne Dihungila Dihia-dihia 2003

² Au Malia wakela Mukelenge mananashi, wakamukuhula makasa andi ne nsuki, muanʼabo Lazalo nguakadi usama.

Yowanane 11:2 교차 참조

Marke 14:3

Yezu utshivua ku Betanya, mu nzubu mua Simone muena nsudi. Pavuaye musombe bua kudia, mukaji kubuela ne mulangi tente wa manananshi a mushinga mukole, kaayi masangisha ne tshintu tshikuabu. Kuukangulaye, kuelaye Yezu manananshi mu mutu.

Luke 7:13

Mfumu ubamona, kumvuilaye mamu awu luse. Kumuambilaye ne: — Lekela muadi.

Luke 7:19

Kubatumaye kudi Mfumu bua kumukonka ne: “Wewe ke Musungidi wetu utudi bamanye ne: udi ne bua kufika, anyi tuindile mukuabu?”

Yowanane 11:21

Marte kuambila Yezu ne: — Mfumu, bu wewe muikalepu, muanetu kavua mua kufua to.

Yowanane 11:3

Nsongakaji ibidi eyi kutumina Yezu diyi ne: — Mfumu, mulunda webe udi usama.

Yowanane 11:32

Mariya ufika muaba uvua Yezu, umumona, kudielaye ku makasa ende, wamba ne: — Mfumu, bu wewe muikalepu, muanetu kavua mua kufua.

Yowanane 12:3

Mariya kuangata tshia bibidi tshia litre wa manananshi a mushinga mukole, avuabu kabayi basambakaja ne tshintu tshikuabu to. Kuelaye Yezu ku makasa. Pashishe kuakupulaye ne nsuki yende. Nzubu mujima kuwula ne mupuya wa manananshi.

Yowanane 13:13

Nudi numbikila “Mulongeshi,” kabidi “Mfumu.” Nudi nuamba bimpe. Ke mundi.

Yowanane 13:14

Pangikala meme Mulongeshi kabidi Mfumu munoweshe mayi ku makasa, nuenu kabidi nudi ne bua kuoweshangana mayi ku makasa.