Yowanane 11:11 - MUKANDA WA MYIDI MUKULU

¹¹ Yezu mumane kubambila nanku, kutungunukaye kabidi ne: — Mulunda wetu Lazare mmulale. Ndi nya kumubisha ku tulu.

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Hakambeye malu â, wakabambila ne, Mulunda wetu Lazalo udi mulale tulu; kadi ndi nya kumubisha mu tulu.

Yowanane 11:11 교차 참조

2 Bakalenga 4:31

Kadi Ngeyazi uvua mumane kufika kumpala kuabu. Kutekaye dikombu dia muambi Elisha pa mpala pa muana. Kadi kena mumone bualu. Muana kena muakule, kena munyungakane. Ngeyazi kupingana kudi muambi Elisha, umuambila ne: — Muana kena mutabale to.

2 Kulondolola 20:7

Wewe Mvidi Mukulu wetu ke uvua muipate bena ditunga edi pafiki bantu bebe bena Izrayele. Buloba ebu, kuena mubupeshe ndelanganyi ya mulunda webe Abrahame kashidi anyi?

Ekesode 33:11

Maweja-Nangila uvua wakula ne Moshe bitangilangane bu muntu wakula ne mulunda wende. Kadi pavua Moshe upingana muaba uvua bantu bonsu basombe, Yoshuwa muana wa Nune, uvua umuambuluisha, uvua mushale anu mu ntenta.

Yeshaya 41:8

Izrayele, muena mudimu wanyi, tshisamba tshia Yakobe tshimvua musungule, ndelanganyi ya Abrahame, mulunda wanyi, teleja.

Danyele 12:2

Bantu ba bungi badi mu kandondu nebabike ku lufu, bamue bua kuikalabu ne muoyi wa tshiendelele, bakuabu bua kuikala ne bundu, bashala ne bowa tshiendelele.

Matayi 27:52

nkita kubuluka. Bantu bafue ba bungi bavua bitaba Mvidi Mukulu, kubikabu.

Matayi 9:24

Ke kubambilaye ne: — Patukayi, muana kena mufue to, mmulale. Bantu abu kumuseka.

Marke 5:39

Kubuelaye mu nzubu, ubamba ne: — Nudi nuenza tshimvundu, kabidi nudila bua tshinyi? Muana kena mufue to, udi mulale!

Yowanane 11:10

Kadi padi muntu wenda butuku, udi utetuka, bualu butoke kabuena munda muende to.

Yowanane 11:12

Balongi kuandamuna ne: — Mfumu, pikalaye mulale, disama nedijike.

Yowanane 11:13

Yezu uvua musue kuamba ne: Lazare mmumane kufua. Kadi balongi bavua bela meji ne: Yezu udi wamba bua tulu tua misangu yonsu.

Yowanane 11:3

Nsongakaji ibidi eyi kutumina Yezu diyi ne: — Mfumu, mulunda webe udi usama.

Yowanane 3:29

Muntu udi ne mukaji ke bayende wa mukaji. Kadi mulunda wa bayende wa mukaji udi wimana pabuipi ne muena mukaji, umuteleja. Udi usanka bikole padiye umvua diyi dia bayende wa mukaji. Ke disanka dianyi dijima. Mpindiewu diakumbanyi.

Bienzedi 7:60

Pashishe kutuaye binu panshi, kuela lubila lukole ne: — Mfumu, kuvuluki bubi buabu ebu! Mumane kuamba nanku, kukulaye muoyi.

1 Korente 15:18

Diba adi kabidi bayua bafue bamane kuitaba Kristu mbajimine.

1 Korente 15:34

Mbimpe nupete tshiakabidi meji mempe. Lekelayi kuenza malu mabi. Bamue ba kunudi kabena bamanye Mvidi Mukulu to, ke bundu buenu!

1 Korente 15:51

Mpindiewu ndi nnusokoluela bualu busokome: katuakufua bonsu, kadi bonsu netuandamuke,

Efeze 5:14

Bualu bidibu basokolola patoke, bidi bienza butoke. Ke mudibu bamba ne: “Wewe udi mulale, tabala, juka ku bafue. Kristu neakuludike mu butoke buende.

Dielulula 31:16

Maweja-Nangila kudianjila kumanyisha Moshe ne: — Ukadi pa kufua. Kunyima kua lufu luebe bena Izrayele nebatendelele mvidie idibu batendelela kudi bantu benyi badi mu ditunga dinuabuela. Bena Izrayele nebambenge. Nebanyangakaje ndondu umvua mutue nabu.

1 Tesalonike 5:10

Kristu mmutufuile bua tuikale ne muoyi pamue nende, nansha tuetu ne muoyi, nansha tuetu bamane kufua diapinganaye.

Yakobe 2:23

Ke miaku ya mu Mukanda wa tshijila kukumbanayi ne: “Abrahame uvua mutekemene kudi Mvidi Mukulu. Ke muvua Mvidi Mukulu mumubingishe bua ditaba diende.” Ke Mvidi Mukulu kumuinyika ne: “Mulunda wanyi.”