Yowanane 11:10 - MUKANDA WA MYIDI MUKULU

¹⁰ Kadi padi muntu wenda butuku, udi utetuka, bualu butoke kabuena munda muende to.

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Kadi biendakana muntu mu butuku, udi ulenduka, bua munya kawena munda muandi.

Yowanane 11:10 교차 참조

Misambu 27:2

Padi bantu babi banduisha, bakeba kunshipa, amu bobu ke badi batetuka, badishinda panshi.

Muambi 2:14

Bualu muntu wa meji udi mumanye kudiye uya. Kadi mupote udi wenda ububuta. Kadi ndi mumanye kabidi ne: bonsu babidi badi ne nshikidilu wa momumue.

Yirmeya 13:16

Nemekayi Maweja-Nangila Mvidi Mukulu wenu. Tshianana nennutumine miidima, bua nuenu kutetuka pa mikuna, kuenda mu miidima inuvua kanuyi bindile, batekemena munya. Maweja-Nangila kuandamuna butuku, kunutumina miidima, bu mavuba a mvula wa tshipupu.

Yirmeya 20:11

Kadi Maweja-Nangila wewe udi ne bukole! Wewe udi unduila meme mvita. Badi bankengesha, badishinde. Nebapange tshia kuenza. Bu mudibu kabayi bapeta tshintu, nebafue bundu. Kakuena muntu wapua bualu ebu muoyi.

Matayi 13:21

Kadi muaku awu kawena wasa miji munda muabu. Badi bawakidila amu tshitupa tshikese. Padi dikenga dibakuata, nansha bantu babakengesha bua muaku wa Mvidi Mukulu awu, badi bateketelamu diakamue.

Yowanane 11:11

Yezu mumane kubambila nanku, kutungunukaye kabidi ne: — Mulunda wetu Lazare mmulale. Ndi nya kumubisha ku tulu.

Yowanane 11:9

Yezu kubandamuna ne: — Dituku dijima kadiena ne meba dikumi ne abidi anyi? Padi muntu wenda munda munya, kena utuuta dikasa ku dibue, bualu udi umona butoke bua panu.